أخطاء نادرة في النص الغنائي

[رضا رشيد]

أغنية .. أتقل .. أتقل ... للفنان : فريد الأطرش

على دقة خطوته .. كنت أسمع دقتك
ولكنه قال :
على دقة خطوته .. دى كانت دقتك

وفى الغلطة الثانية قال :

وأسأل .. أسأل ع اللى بيسأل ..
والصح ...
وأبعت وأسأل ع اللى بيسأل

تحياتى ...

[د.حسن]

فى أغنية موعود لقطة طريفة
عندما غنى عبدالحليم
والقمر طِلع
والخوف بـِعد
والهوا دفى
والليل سِمع
تخيل أحد المستمعين فى الصالة أنه أخطأ
وانتظر التكرار فوجده مصمم
القمر طلع
والخوف بعد
فصاح : رجع
علشان السجع
ياترى مين اللى صح ؟

[غواص النغم]

انا مش عارف لو سمعت
الفنانة انغام الملف ده
ح تعمل ايه
ولا جمهورها

انا بهدي النفوس
ومش طالب غير الستر

[صوت الموسيقى]

المشاركة الأصلية كتبت بواسطة عبدالمنعم

انا مش عارف لو سمعت
الفنانة انغام الملف ده
ح تعمل ايه
ولا جمهورها

انا بهدي النفوس
ومش طالب غير الستر

ربنا يديها طولة العمر ويتوب علينا من المذيعة دى وامثالها....

[غواص النغم]

المذيعة تقدم الاغاني ثم قالت:
ثم تستمعون لهاني شاكر يغني لكم
رمضان الحبايب
...بصراحة الوقت كان متأخر والنوم بيداعب جفوني ولكن اسم الاغنية استفزني
رمضان الحبايب وهاني شاكر؟؟
غريبة احنا مش في شهر رمضان
؟
ممكن تكون اغنية رمضانية وضعت بالخطأ في
خريطة الاذاعة اليومية
لا
لا
لازم استمع لها واسجلها
كمان
ثم اتى صوت المذيعة بعد هنيهة من الصمت
تستمعون لهاني شاكر
واغنية
احضان الحبايب

احضان الحبايب اصبحت رمضان الحبايب
العذر الوحيد هو ان الوقت كان متأخرا
ولا احد يسمع الاذاعة سوى العبد لله
قولي ولا يهمك وشقلبي الاغنية براحتك
فالناس نيام
قفلت المذياع خوفا من رمضان...... اقصد من اكتشف غلطة اخرى من هاني نفسه
حتى في رمضان الحبايب شوك ياقلبي

[د.حسن]

أخى الغالى أ. عبدالمنعم
بتقول إنها كانت ساعة متأخرة م الليل وماحدش بيسمع الإذاعة سواك
طب النهاردة الساعة 11 الصبح والناس كلها صاحية وبتسمع ...
إسمع اللى حصل فى برنامج "طلبك عندنا" فى إذاعة الأغانى
كان فاضل تقول : طلبك موش عندنا .. شوف فى الإذاعة اللى جنبنا
مع تحياتى

[د.حسن]

... طبعاً كلنا عارفين أغنية صباح "قال إيه بيحب"
لكن الأخت المذيعة عارفاها بإسم تانى ...
قال إيه بيحبنى !!
مع تحياتى

[رضا رشيد]

فى أحدى الحفلات ...

غنى ( عبد الحليم ) أغنية الفوازير .. وفى أحد المقاطع قال :

ديناميت تهد جبال .. فتافيت .. فتافيت
ورجال وعرق وغبار .. فتافيت .. فتافيت

والصح :

وغبار وعرق ورجال .. عفاريت .. عفاريت

تحياتى ...

[حسن كشك]

اخى وبلدياتى
رضا باشا رشيد
مكافأة لملاحظاتك الرائعة فى الاخطاء
اليك بعض الصور لتذكرك بأماكن فى القلب
فاكر والا ناسى - والراجل الرشيدى طلع فعلا مش قريب لك - باصلح غلطتى بمناسبة الاخطاء
جامع المطافى - المطافى - الرشيدى للمثلجات - الشارع المؤدى الى ميدان المطافى من شارع السكه الحديد
تحياتى

[رضا رشيد]

ألف شكر يا أبو على يا أصيل ..

الله يكرمك .. فعلا الصور جميلة .. والأجمل أن الصورة الأخيرة فيها بيت نسايبى ( أهل زوجتى ) يمين الصورة

مش باقولك .. دى كانت مفاجأة حلوة ...

وفكرتنى .. بذكريات جميلة ..

تسلم يا أبو على ..

تحياتى ...