أخطاء نادرة في النص الغنائي

**د.حسن** · #1 24/05/2008, 23h39

أخى الغالى أ. عبدالمنعم
بتقول إنها كانت ساعة متأخرة م الليل وماحدش بيسمع الإذاعة سواك
طب النهاردة الساعة 11 الصبح والناس كلها صاحية وبتسمع ...
إسمع اللى حصل فى برنامج "طلبك عندنا" فى إذاعة الأغانى
كان فاضل تقول : طلبك موش عندنا .. شوف فى الإذاعة اللى جنبنا
مع تحياتى

**د.حسن** · #2 24/05/2008, 23h55

... طبعاً كلنا عارفين أغنية صباح "قال إيه بيحب"
لكن الأخت المذيعة عارفاها بإسم تانى ...
قال إيه بيحبنى !!
مع تحياتى

**رضا رشيد** · #3 25/05/2008, 01h25

فى أحدى الحفلات ...

غنى ( عبد الحليم ) أغنية الفوازير .. وفى أحد المقاطع قال :

ديناميت تهد جبال .. فتافيت .. فتافيت
ورجال وعرق وغبار .. فتافيت .. فتافيت

والصح :

وغبار وعرق ورجال .. عفاريت .. عفاريت

تحياتى ...

**حسن كشك** · #4 26/05/2008, 01h23

اخى وبلدياتى
رضا باشا رشيد
مكافأة لملاحظاتك الرائعة فى الاخطاء
اليك بعض الصور لتذكرك بأماكن فى القلب
فاكر والا ناسى - والراجل الرشيدى طلع فعلا مش قريب لك - باصلح غلطتى بمناسبة الاخطاء
جامع المطافى - المطافى - الرشيدى للمثلجات - الشارع المؤدى الى ميدان المطافى من شارع السكه الحديد
تحياتى

**رضا رشيد** · #5 26/05/2008, 07h32

ألف شكر يا أبو على يا أصيل ..

الله يكرمك .. فعلا الصور جميلة .. والأجمل أن الصورة الأخيرة فيها بيت نسايبى ( أهل زوجتى ) يمين الصورة

مش باقولك .. دى كانت مفاجأة حلوة ...

وفكرتنى .. بذكريات جميلة ..

تسلم يا أبو على ..

تحياتى ...

**مفيد عوض** · #6 26/05/2008, 13h47

السلام عليكم ورحمة الله وبركاته

لو تسمحولي اشارك معكم بشيء بسيط
بخصوص الاخطاء الغنائية النادرة
فيه هناك خطأين واحد منهم كبير
وخطير للعندليب
لاغنية عاش اللي قدمها في حفلة زفاف
كريمة السادات وانا عايز اختبر ذكائكم
لمعرفة ماهو الخطأ الغير مقصود من
حليم عندما نسي وابدل بعضا من كلمات
الاغنية وكان خطأ كبير في معناه لانه يخص
الرئيس السادات ........
انا بانتظار الاجابه
مع تحيات اخوكم مفيد عوض

للاسف لم استطيع تحميل الاغنية
مع العلم ان حجم الملف صغير 2.2 ميجا

**رضا رشيد** · #7 26/05/2008, 15h07

الأستاذ الفاضل .. مفيد عوض

هناك ثلاث غلطات فى الأغنية ...

لازم ( نحرر ) وهى .. لازم ( نرجع ) وقالها الكورس ( صح )

وفى الوسط على ما أعتقد نسى شطرة كاملة ...

والغلطة ( الغير مقصودة ) الخطيرة هى ..

(عاش اللى حرر أرضنا من غير نضال )

صح يا أستاذ مفيد ؟؟؟

تحياتى ...