شاعرنا رائد المصري
دا انتَ اللي عمي يا عمي
مِن نـَبع خِفـّة دمَّك ،، ( بتخِفّ ) خِفة دَمي
أنا شايفك عامِل ( تلاهي ) على موضوع السندوتشات
يا ترى راحت فين سندوتشاتك يا عم رائد
و خد دي ( من وحىّ الجوع ) على بحر الرجز :
السندوتش السندوتش
بانـدَه عليـك مـا سمعتنـيش
باسأل عليك قالوا ما جـِتش
السندوتش السندوتش
تكونشي جُعت و كـَلـْتـُــهُم
و لاَّ اتزنـَئـت و بـِعتـُهُــــم
و سِبتِنا ،، هنا في الكالِتش
السندوتش السندوتش
و لاّ السوسيز ما هوش لذيذ
و لاّ الشاورمة ما ستاوِتــش
السندوتش السندوتش
دَوَّرت يـا ما و قلت فيـــــن
يكونشي قاعد في الحُسيـــن
يرطن فرنساوي وِ بريتـش
السندوتش السندوتش
أو راح يسِيح و يستـَجَــــــمّ
و سايبنا لمُذاكرة و هَـــــــمّ
لابس مايوه على أىّ بـِتــش
السندوتش السندوتش
عصفور من الجوع استجار
مندور تعب و قلبهـــــا زار
و لولي ساكتة ما اشتكِتـــش
السندوتش السندوتش
الحالة بووور و العِـلم نـور
بينقطـَع من غير فطـــــور
و لاَّ انتَ يعني فاكرنا رِتش
السندوتش السندوتش
__________________
شاء اللي شاء ،، و اللي داء ،، مِـن وَردِة الشـِّفة
نـَـهَـل نـبـيـذ لاِشـْـتِيـاء ،، نهـــرِين ،، و لـَم كـَـفـَّىَ
شـَـهَـقْ شـُعاع خِصرَهَا ،، سَرْسِـب نـَدَى مَصْهـور
وِ فْ كلّ سَـرسوب شُـعاع ،، مَـلايكة مُصْـطـَـفـَّــة
يا تـراب و مخلوط بماء ،، إزاى غـَوِيـت النـُّـــور
يـِفـُــــــــــور علـى سِحــرَها ،، و فِــيها يـِتخـَـفـَّـىَ
كمال
رد: موسيقى الشعر - دروس في علم العَروض
العرض المتطور
