حوارات فنيه غنائيه

[أبو حسام 3]

و الله موتوني بالضحك بقصص الجيش هو صحيح الجيش فيه قصص لا يمكن ننساها أبدا و نفس القصص إلي حكتها يا غازي و الأخ الشوبكي تكررت و تكرر في ثكنات الجيش في كل العالم العربي.
أنا يا سيدي لما دخلت الجيش كنت فايت سني (يعني مرحتش في النداء الأول) كانت كل ما تجيني الدعوة للإلتحاق بالجيش أقطعها عشان كنت أعمل أستاذ لغة انجليزية و كنت مقتنع من أن الجيش ده ضياع وقت و كلام فارغ و في المرة السابعة و الأخيرة (على شان كده أنا أشمئز من رقم سبعة) و أنا كنت أدرس و غارق في التدريس و الشرح و دوشة الطلبة انفتح باب القسم أو الصف و دخل أفراد من الدرك الوطني جايبين لي الدعوة الحمرة للإلتحاق بالجيش (الدعوة الحمرة يا سيدي ده كرت لون أحمر زي الفوتبول يعني تنيلت خالص و اسمي مكتوب في القايمة السودة .. هو اسمي مكتوب زي ما قال عادل امام ) باختصار أخذوني و عملولي سين و جيم ليه رفضت الدعوات السابقة و أشياء من الحجات ده يعني.
إلتحقت بالجيش و كان يوم اسود و منيل و انت عارف أيام الجيش الأولى و لي يجرى فيها .. يعني و انت ساكت مش حتسلك و حفاوة الإستقبال و الأكل و .. و .. إلخ و كانت في أيام رمضان الأولى مما زاد للطين بلة .. معلش فاتت و بين قوسين (في واحد اتعرفت عليه و الظاهر أنه كان مدلع أوي في بيتهم كل يوم يعيط و احنا نهد فيه و نواسيه على لهو و احنا فيه. و في يوم العيد .. يوم العيد في ثكنة الله الله عالأيام.. في يوم العيد كان صاحبي يعيط أوي حاولنا معاه ما نفعش .. مر الظابط و لقاه يعيط قاله مالك إيه اللي جرى يا واد؟ قاله أنا مش بعيط عشان رمضان و العيد اللي بقضيهم بعيد عن أهلي لا أنا بعيط عشان جدي. قاله الضابط ماله جدك؟ قاله صاحبي مات و ما حضرتش جنازته. سكت الضابط و تأثر شوية و بعدين قاله معلش هو ده حال الدنيا كلنا حنموت و بعدين سأله امتى مات؟ قاله صاحبي منذ 5 سنين و افتكرت دلوقت عشان كنت مسافر لما مات. و اتخيل الموقف بقه باختصار قضينا يوم العيد في عقوبة جماعية أنا و صاحبي و لي كانوا حاضرين معانا.
و في يوم يعلمونا الرمي يالرشاش أخذونا على جبل بعيد حطونا اشارت و أعطانا الضابط الإيعاز بالرمي باتجاه الإشارات اللي كانت مقابلة كل واحد فينا و حنا كنا بنهمزر و موش مدققين اتجاه الإشارات قلنا المهم نرمي و أنا فاكر الرمية الأولى اللي طلقتها ما كنتش عامل حسابي لإرتداد الرشاش لما رميت خبطتني مؤخرة الرشاش على جبهتي و سال الدم و رميت الرشاش عالأرض و قمت مش عارف ليه ... بيني و بينك و الله كنت فاكر إن الرصاصة رجعت لي ورا و خبطتني و كان يوم منيل و اسود عشان العقوبة كانت طويلة في اليوم ده. قالهم الضابط حخليه عبرة ليكم و انت عارف الكلام ده معناه ايه كل أنواع العقوبات عرفتها اليوم الأغبر ده.

بس أه عدت و بقيت الذكريات.