معجزة وردة وبليغ حمدي

**M O H A M E D** · #2 08/03/2008, 17h18

صديقى العزيز / عبد المنعم

فى رأيى إن اللحن ينقصه الكثير من توابل العبقرى بليغ حمدي
يعنى مفيش الجملة الأخاذة اللى بتميز ألحانه
و أعتقد إن السبب فى كده هو الكلمات
عادية جداً و مش ممكن تحرك خيال أى ملحن أكتر من كده
و تخلو من الدراما اللى كانت بتقدر تطلع من بليغ ألحان عبقرية

اسمع وردة مثلاً و هى بتقول " و داري ع الجراح .. زى ما بتدارى يا حبيبي ع الحب و الأفراح " فى أغنية ( لو سألوك )
و اسمع ( ليالينا ) و ( حكايتى مع الزمان )
أو عبد الحليم " من كام سنة قلبى و انا عايشين هنا .. من كام سنة دنيا الهنا بتضمنا " فى ( أى دمعة حزن لا ) أو ( تخونوه )
أو ( الحب اللى كان ) لميادة الحناوي

لكن برضه اللحن ما عداش كده من غير حركة ذكية
اسمع عمل ايه فى ( أنا و انت ) عند الدقيقة 32 .. ايه الجمال ده !

فى النهاية الأغنية برضه جميلة .. و لو وردة لازم تندم على شئ يبقى مسلسل ( آن الأوان ) !

سلام