شــاديــة- 8 فبراير 1931 - 28 نوفمبر 2017

**موجي** · #1 18/05/2006, 23h29

ودي غنوة تانيه وإشتهرت كتير في الفتره الأخيره رغم إنها كانت من ضمن احداث المسلسل الإذاعي نحن لانزرع الشوك في سنة 1969 ولكن قالوا إن شاديه عادت للغناء وسجلت بصوتها تتر لحلقات برنامج هتقدمه الفنانه شهيره على شاشة قناة إقرأ ولكن ده كله مالوش علاقه بالحقيقه...والحقيقه إن الفنانه شهيره من اشد المعجبات بشاديه وهي صديقه لها وإثناء الإعداد للبرنامج فكرت بالإستعانه بغنوة شاديه في تتر الحلقات ووافقت شاديه ثم قامت شهيره بعمل كليب لها أخرجه المخرج الشاب صديقي عمرو زهران واللي بيخرج حاليآ فيلم اولاد الشوارع للفنانه حنان ترك...

الغنوة واحدة من الأغنيات اللي تدخل القلب على طول وواحدة من إبداعات عبد الوهاب محمد وبليغ حمدي

استمتعوا بأغنية...

اللهم أقبل دعايا
____________________________________________
تم وضع نسخة عالية الجودة ، والشكر الكبير للأخ ابو حمزة .

**موجي** · #2 18/05/2006, 23h42

ثالث غنوة دينيه للفنانه شاديه هي غنوة

سبحانك ...

وهنلاحظ إن الغنوة دينيه لها شكل مختلف وكانت من ضمن احداث فيلم ليله من عمري...وكانت بتغنيها في حقول العنب في بلدة كرما السكندريه اللي صوروا فيه مشاهد الفيلم الغنوة من ألحان الموسيقار الكبير رياض السنباطي

**موجي** · #3 21/05/2006, 15h12

الظاهر مجموعة الأغنيات الأخيره دي لم تنال إعجابكم بس عمومآ تبقى لنا غنوة واحده دينيه للفنانه شاديه هي أغنية (خد بإيدي) ودي طويله شويتين مش هقدر أرفعهالكم الا إذا جبت لينكها على طول من الموقع بتاع الفنانه شاديه

ودلوقتي ننقل عالأغاني الوطنيه للفنانه شاديه وفي الحقيقه عندي حوالي 80 تسجيل منوع لأغنيات الفنانه شاديه الوطنيه ونبدأ بالغنوة الجميلة...والنادره ايضآ واللي بنحتاج لمعلنيها في وقتنا الحالي

عدينا يامعداوي

ألحان المبدع بليغ حمدي

**سعيد حسين** · #4 22/05/2006, 15h34

على حساب الست المُدَرّسَه/شاديه أكيد كل الشعوب العربيه هاتسقط فى الحساب
من كلمات حسين السيد وألحان بليغ حمدى
واحد + واحد يساوى كام

تم إستبدال الملف بآخر بصيغة mp3 وكان عدد المشاهدات 465

**mokhtar haider** · #5 19/07/2008, 11h10

1/واحد اثنين

أولى من أغاني شادية بلغت بها الشهرة الكبيرة على مستوى العالم العربي... بها دخل ملحنها الجميل منير مراد في ميدام التلحين و الشهرة معا
تسجيل ملتقط من فيلم ليلة الحنة

2/يا ميزان الحرارة
ألحان محمود الشريف (فيلم ليلة الحنة)

3/يا حسن
(تسجيل كامل من الفيلم)