” ياللي جفيت ارحم حالى “
أحمد رامي ومحمد القصبجي ( 1939 )
*****
ياللي جفيت ارحم حالى * حرام عليك تشغل بالى
*****
وهبت لك قلبي وروحي * ورضِيت ذلى
وليـه تزيـد أسبـاب نوحي * ترضَى تقول لى
الهجر ليه * حينوبك ايه * من العذاب اللى جرى لى
حرام عليك تشغل بالى
*****
هجـرتني والهجـر حرام * وانا كان مالى
وكل ما تفوت الأيام * تشغـل بـالى
هوّه دلال * والاّ ملال * والاّ الفؤاد أصبح خالى
حرام عليك تشغل بالى
*****
إيه اللي غير أحوالك * ونسيت ودّي
دا قلبي دايمًا يصفَى لك * ما تصون عهدي
ليه البعاد * فين الوداد * دا العطف منك يحلا لى
حرام عليك تشغل بالى
*****
زاد الجفـا والْهجر وطـال * صدّك ليّه
اعطف بقى وبلاش امّال * كُتر أسيّة
جدّد رضاك * واترُك جفاك * وارضِي المحبة وتعال لى
حرام عليك تشغل بالى
__________________
” ما ٱستحَقَّ أن يُولَد مَن عاش لِنفسِه فَقَطْ “
رد: كلمات الاغاني وشرح المعاني
العرض الشجري