يوم عادى جدا

**سامية** · #1 03/02/2008, 07h59

اقتباس:

المشاركة الأصلية كتبت بواسطة سمعجى

حبايبي الأعزاء

يا صحابي .. يا أهلي .. يا جراني
أنا عايز آخدكوا ف أحضاني
( على رأى عبد الحليم و هوا راكب الباسكيليتـَّة ال 28 في فيلم معبودة الجماهير )

و طبعا ً الأستاذ إيهاب عاوز يرجع لتعليقاته اللاذعة المرحة
ضد الأخت فيفي و الأخت أنوسة السمبوخسي

أشكركم على هذه الثقة ، و أطلب مُهلة أسبوع أو عشر تيَّام ، أحاول خلالها دخول ( المووود ) ، و ربنا يقدرني ..

و الله زمااااااان

يا استاذ كمال
حضرتك طلبت مهلة أسبوع أو عشرة أيام
واحنا دلوقتي منتظرين من شهر تقريبا ومفيش جديد
ياريت بس العنوان بالتفصيل علشان نرسل لسيادتك بواكي الشاي
والسجائر المطلوبة لزوم المخمخة وأمرنا لله
طال الانتظار وكلنا واقفين على بابك منتظرين

على فكرة لو حضرتك قفلت اليوم العادي ممكن جدا وبسهولة تفتح لنا موضوع جديد بفكر جديد من أفكار سيادتك الرنانة
فكتاباتك كلها مضيئة وبراقة
ياللا بئه بلاش كسل وابدأ اشتغل شوية

**سمعجى** · #2 05/02/2008, 04h11

أختي ( ملاك المنتدى ) مدام سامية ..

إنتي عارفة كويس إنك مش تبع قسم ( الشاى و الدخان )
إنتي تبع قسم الدينار الكويتي ، أىّ البلاى ستيشن و الموبايل n95) ..

و بعدين يعني سايبة الأسئلة اللي منتظراكي في ( نجم محبوب )
و جاية تستخبي في ( تجارب أدبية للأعضاء )

لعلمك ، أنا اخترت أسئلة ( حنـَيِّنة ) علشان الإحراج
و يوم عادي نورت بوجودِك ..

ممكن مهلة أسبوعين كمان !

**hamdi000** · #3 05/02/2008, 11h15

يوم عادي في حياة سمعجي :

ماتناولته استاذ سمعجي كان من واقع الحياة وهذا ما نصادفه في كل يوم ... ومادتك غنية بما تناولته من اختراق غير لائق للذوق العام .. سرد جميل يجذبك لملاحقة ما مكتوب ويشدك لاتمام ما بدات به من حكاية يوم عادي ... وباللهجة المصرية .. ولا يخلو النص من الفكاهة والنقد اللاذع وصدقت حين تقول هي كم ساعة واقعد امخخ بمزاجي في منتدى سماعي ..

دمت مبدعا

**سمعجى** · #4 06/02/2008, 06h09

أشكرك أخي حميدو على رأيك الذي أسعدني كثيرا ً ..

و دمت لنا قارئا ً واعيا ً

**hamdy 1959** · #5 07/02/2008, 16h33

الاخ العزيز سمعجى
قرأت يوم عادى جدا
من اولها حتى اخر ما كتبت
وانا على احر من الجمر ان تكملها
علشان خاطر ( ذات الوجه المستريح
ويارا التى جرفها التيار ورئم وكل روائعك واولادك ) التى
فى النورس الاسود
على فكرة هذه اول مداخلة لى
وتقبل تحياتى

**سمعجى** · #6 08/02/2008, 00h44

الأخ الفاضل hamdy 1959

يا إما إنا مشهور زي شعبان عبد الرحيم
يا إما الصُدفة وحدها هي التي عرفتك على ( يارا التي جرفها التيار ، و النورس ، و ذات الوجه المستريح ، و رئم )

سعدتُ جدا ً بمداخلتك ( الأولى ) ، و أرجو ألا تكون الأخيرة..
أما عن تكملة يوم عادي ، فأنا أيضا ً أرجو إتمامها ، بمجرد أن أجد مفتاحا ً ( للقِفل ) اللي في دماغي

مع خالص تقديري و احترامي

**صلاح السويفي** · #7 08/02/2008, 00h57

حبيبب قلبي ياأبوكمال

فتح الدماغ مش محتاج لمفتاح ..

على فكرة أنا لاأجرؤ على الإشارة لدماغك وغلاوتك

أنا أقصد أي دماغ تانية