أخطاء نادرة في النص الغنائي

[حسن كشك]

المشاركة الأصلية كتبت بواسطة Mohamed Elsalamony

السلام عليكم
موضوع جميل و لذيذ

و فى غلطة غريبة جداً .. أتمنى أكون انا اللى غلط
هى فى أغنية ( أحلى بلد بلدى ) لمحمد قنديل
و لإنى أداء قنديل للأغنية يستحق جايزة
فكنت بسمعها كتير و بعد كده ركزت مع صوت الكورال اكتشفت غلطة
و قعتنى من الضحك

قنديل : ( نادى علينا نمد إدينا )
الكورال : ( نادى نادى نادى .. نادى علينا )
أول مرة قالوها صح
تانى مرة
الكورال : ( نادى نادى نادى .. نامى علينا )

ههههههه نامى علينا يا مصر !!

الأغنية فى الرابط ده


http://www.sama3y.net/forum/attachme...0&d=1132812678

خلى بالك عند الدقيقة 2:10

اخى محمد السلامونى
ظريفه جدا ملحوظتك - لكن اللى حصل عند الدقيقة 2.10 ان الكورس مش كله غلط لكن واحد بس وهو اللى كان اقرب الى الميكروفون - ولو تلاحظ ان صوته مميز جدا وسط الكورس لان زى ماقلنا قبل كده كان الاقرب للميكروفون وفعلا نطق الكلمه ( نامى ) فظهر كأن الكورس كله بيقول نامى ( يمكن كان عنده زكام )