الشيخ امام- 2 يوليو 1918 - 7 يونيو 1995 - الصفحة 10

**د أنس البن** · #91 01/01/2008, 18h32

الشيخ إمام

نواره بنتى النهارده
تبقى بتخطى عتبه ليوم جديد
يا رب بارك يا رب خلى
يا رب حافظ يا رب زيد

**د أنس البن** · #92 01/01/2008, 18h47

الشيخ إمام

المسحراتى
حبلت الأيام سنين
ولدت الأيام دهور
دامت الأيام لمين
وحدوا المولى الغفور
صلى عا اللى فى القيامه يشفع
واصحى يا للى نمت م اللى يوجع
واكشف اللى بيألمك وبيمنعك
وانده اللى لو ندهته يسمعك
قول يا جاره قول يا جار
مهما طال الليل وجار
كل ظلم وله مدار
والكواكب دوارين
وحدووووه يا مؤمنين

الله الله الله يا عم الشيخ إمام . أبكيتنى . حتى المسحراتى غنى سياسه ..... يا سلام عا الحلاوه والتجلى

**د أنس البن** · #93 02/01/2008, 06h36

الشيخ إمام
الجدع جدع والجبان جبان

المجد للوطن

عا المحطه عا المحطه

يا بلح أبريم يا سماره

أبجد هوز حطى كلمن
إفتح صفحه إمسك قلم

إترقصى يا نجوى فى الهزايم

**د أنس البن** · #94 02/01/2008, 21h08

الشيخ إمام
موال .. يا بحر قول للسمك

الله الله الله الله ... شفت الجمال ده يا دكتور عصمت .. يا كل أحباب مولانا .. آخر سلطنه وتجلى .. أرجو ان يقوم جميع السميعه بتحميل هذه النسخه ونترحم بعد ما نسمعها على روح الشيخ إمام .....

**د أنس البن** · #95 02/01/2008, 21h34

ويغنى باللهجه التونسيه .. إهداء لكبير التوانسه بالمنتدى شيخنا الجليل امحمد شعبان وأولاده زمنطر ودربز والحبيب محمد زوالى ..

الشيخ إمام
إصحى إصحى طال النوم
أمك قمره وابوك نجوم

**د أنس البن** · #96 03/01/2008, 05h29

الشيخ إمام
المصطبه
بعد السلام والمرحبا
يا ولاد بلدنا يا طيبين
نفرش كلام المصطبه
واضح لكل السامعين
مصر الحبيبه الطيبه
أم البنيه والبنين
إيش حالها فى عز الصبا
إيش حال ولادها المخلصين
وسط العواصف مركبه
من ريح شمال وريح يمين

**د أنس البن** · #97 03/01/2008, 05h43

الشيخ إمام
أضمك
أضمك وجرحى بينزف قبل
رغم اللى خانوا ورغم اللى هانوا
ورغم اللى كانوا فى غاية الخجل

**د أنس البن** · #98 03/01/2008, 05h53

الشيخ إمام
الحمام القمرى
الحمام القمرى صبح
عا البنانى
قابل الصبح المنور
بالأغانى
والمعانى الحلوه رنت
فى الخميله النايمه غنت
والقلوب الصاحيه حنت
للأغاااااانى

**mawlana imam** · #99 03/01/2008, 11h35

الزملاء الكرام مرحبا
إذا فهمت تساؤلا الزميل انس بشكل صحيح اقول التالي: الشيخ امام رحمه الله، غني قصائد لأحمد فؤاد نجم أطال الله عمره، تناولت الكثير من الفنانين والصحفيين علاوة على السياسيين. فعن ام كلثوم كتب نجم القصيدة الشهيرة "كلب الست"، لكن على حد علمي أم الشيخ لم يغنها، لكنها غنى تحت عنوان "الفوازير" عن ام كلثوم (رحمها الله)
"يا وليّه عيب اختشي يا شبه ايد الهون..
دا انت اللي زيك مشي يا مرضعة قلاوون..
مدحتي عشرين ملك ومية رئيس ووزير،
مروان وعبدالملك..
والمفتري وعتريس.. الخ.
وغنى عن عبدالحليم (رحمه الله) في الفوازير ذاتها:
"لماليمو الدلوعه الشخلوعه الكتكوت..
اللي هيتنهد ويغني ويموت..
ويشلوه قال على لندن على شان جده هناك..
من بعد ما يتلايم على دخل الشباك..
ويهرب اموالك ويقولك اهواك..
يا شعب يا متغرب منتش لاقي القوت.
ويكمل نقدا لأحد الشعراء:
شاعر بيتخن من بوزو
يمكن تخوّف به عيالك
نازل يقزقز قزاؤوزو
حتتك يمينك وشمالك
بقى مليونير واللي يعوزو
يلقاه يمينك وشمالك
وخلي بالك من زوزو
وخلي بوزو من بالك
فللزميل المعنى، أن يعود لاغنية بعنوان الفوازير ليجد ما يريد
امجد

**عصمت النمر** · #**100** 03/01/2008, 16h38

الصديق العزيز دكتور أنس
العزيز جد الأخ منعم
اولا يادكتور أنس انت متوهج كعادتك وزاد توهجك اشتعالا فى قسم الشيخ امام والواحد موش عارف يشكرك ازاى لاثراءك القسم
العزيز منعم
بالفعل الفاجومى كتب عدة قصائد تحت عنوان الفوازير فى اواخر الستينيات واوائل السبعينيات وبعد النكسة مباشرة
نص بعنوان ياوليه عيب اختشى ياشبه ايد الهون.. على الست ام كلثوم
ونص يبدأ ب..لاباليبو الشحلوعة الدلوعة الكتكتوت.. على عبد الحليم حافظ
ونص بعنوان ياواد يايويو على يوسف ادريس ودا للحقيقة
ونص عن يوسف السباعى
ونص على الابنودى
ونص على سيد مرعى
ونص على صلاح جاهين
ونص على موسى صبرى
واعتقد جزء كبير من الفوازير موجود فى القسم
**