الدندورمة

[aabadry]

معالي الباشا
و الله انا رجعت لايام زمان ايام الحارة في الفلاحين و لمبة الجاز و الراديو الكبير الصندوق ابو بطارية جافة كبيرة جابه لنا ابويا الله يرحمه من البندر و كان بيدفع عليه ضريبة
و كنا نسمع فيه الحاجات الجميلة دي , ناهيك عن الف ليلة و ليلة و امنا الغول و العفريت اللي كان بيضحك بصوت عالي كان يخلي الواحد يمسك في جلابية الوالدة و يخبي وشه في ايديها لحد ما يروح صوت العفريت
الله يجزاكم كل خير علي اثارة هذه الذكريات الجميلة
في اغنية اسمها
قول له في وشه و لا تغشه دا السحر يجيبه علي ملا وشه
سمعتها مرة واحدة في الاذاعة في برنامج كان الضيف فيه الفنان الرائع محمود عفت عازف الناي الجميل و سجلتها و احتفظت بها مدة طويلة و لكنها فقدت عندما كبر الاولاد و عبثوا في كل شئ حتي في خلايا الدماغ

ربنا يخليك يا معالي الباشا و تسعدنا دايما بالتراث العظيم الذي لا يقدر بأي شئ ثمين
اخوك
د / بــــــــــــدري