ديوان حسن كشك

**يوسف أبوسالم** · #1 17/11/2007, 19h57

اقتباس:

المشاركة الأصلية كتبت بواسطة sinaiki

لا تلومينى
ان عشتك الغاز
فعزفت عليك نشاز
وقطعت ياقيثارتى
وتر
لاتلومينى
ان تجاوزت حدودى
لاتبدلى الحب جحود
ان تطاولت للمس
القمر
يازهرتى
قد اكون اسأت الفهم
وظننت ان الزهور للشم
وليست فقط
للنظر
مالك حبيبى
متردد صامت متأمل
تقول لقلبك اهدأ تمهل
ما كل ماتهواه
تفعل
وانا فى حبك
اسهر الليل
وبالنهار اوصل
لا ابالى اين اكون
او ما اكون
واين يأخذنى جنونى
ويرحل
كن كما تريد حبيبى
كن سلحفاة
فى التدرع والتمهل
وبعد رحيلى والعمر
سيضع الندم
على قلبك المكبوت
نيشان التعقل

أخي حسن
مساء الخير

قرأت الخاطرة

فوجدت إنسانا يتعذب في حبه
ويعاني من عدم فهم محبوبه له
أو من سوء فهمها له
وصلت الفكرة..ولأنه يحبها
ويعتقد بحبها الدفين له
فسوف تعود له
هذا عن الفكرة
لكن كيف تم إيصال الفكرة
كانت اللغة ضعيفة إلى حد ما
وفيها كثير من التسرع
وتخلط بين العامي والفصحى
فمثلا
وبالنهار اوصل
أوصل هذه عامية وهي أصلا ( أصل )
تفتقر للصور الشعرية
فالكلام فيها يكاد يكون مبااشرا
كن سلحفاة
حد يا راجل يشبه حبيبته بالسلحفاة
مفهوم أنك تقصد
أنها لا تريدك أن تلمسها
فصارت كأنها تلبس ثوب السلحفاة لفرط
الحماية
وكذلك يراها تتقدم في حبها كالسلحفاة أي تقدما غير ملحوظ
وهو من شدة تأثره بذلك
انقلب إلى السخرية
ليقول ..برافو..يا حبيبي
دانت عاقل قوي
وآدي نيشان فوزك ببطولة التعقل
بس مش سلحفاة يا حسن
ما علينا
يمكنك أن تكتب الخاطرة نفسها
بلغة أحسن
وصور أبدع
لو لم تستعجل
وبانتظار أن يصهرك الحب أو يقهرك أكثر
أخي حسن شكرا لك
وتحياتي

**هانى حازم** · #2 19/11/2007, 00h51

اقتباس:

المشاركة الأصلية كتبت بواسطة sinaiki

اخى يوسف نهر الاردن
انا اعرف ان الجزء الاخير من المنظومه كما تسميها فيه ضعف عارف ليه
لانى حاولت ان احسنها خوفا منك فاتلفتها
لكن يا اخى رايك على عينى وراسى وساعمل به وباذن الله المشاركه القادمه
ستكون احسن باذن الله
وادى الاخ باسوسى كمان خايف منك ومرضاش يقول رايه الا لما يشوفك
هاتقول ايه - وصدقنى لا اخجل ابدا وانا رفع اى خواطر لى امام اخوتى
فكلنا واحد ونستمتع باراء الاساتذة امثالك
لك حبى وتقديرى اخى نهر الاردن

ملحوظة : كلمة اوصل عدم التشكيل اوصلها لحضرتك عاميه لكنى ساكتبها بحروف كما مفروض ان تنطق لان مافيش تشكيل
اووصيل

السلام عليكم ورحمة الله وبركاته

عم حسن الدراويشى

تعرف يا عم حسن انى اشترك معك فى صفة هامة
ونكاد نكون متوحدين فى تلك الصفة

اننا معا من اول الموضوعين فى البلاك لست عند
عمنا الاديب يوسف ابو سالم

وذلك بالنظر الى مجهوداتنا الخلاقة والقوية
فى هدم منظومة الادب العربى بالكامل

لذى ادعوك للوقوف معى ساعة حداد على روح
العملاق احمد شوقى

وكذلك قراءة الفاتحة والبقرة على روح
العملاق محمود العقاد

ولكن الجميل جدا جدا فى حضرتك يا عمنا
هو قبولك النقد
ورغبتك فى التعلم والاستزادة
وعدم تغليب النزعة الشخصية على الواقع
بل والاجمل عدم التحرج فى نشر كل ما تكتبه من خواطر

وفى النهاية ربنا يخلينا للادب العربى
ويصبر علينا أ. يوسف ابو سالم

ويبعد عننا لسان الاديب الجميل سمعجى

قول ورايا امين

**سمعجى** · #3 19/11/2007, 01h18

يا أستاذ هانى إبعد عنى الساعة دى ..

و بعدين يا أخى العلاقة أصبحت ثنائية بين أ. حسن و أ. يوسف
واحد يكتب و التانى ينقد .. إنت مزعل نفسك ليه ؟

و بعدين هى يعنى الأوزان دى كانت أ ُنزلت من السَما ؟
و لا يعنى اللى يغلط فى اللغة و النحو ، يبقى غلط فى البخاري ؟
دا إنت عجيب يا أخى !!

ما تسيب اللى يكتب يكتب ، و آدينا متونسين بالصحبة الحلوة
و القعدة الدفيانة ..
و لو كان اللى إخترع النت كان كـَمِّل جِـِميله
و جعل توصيل الشاى عبر الشبكة العنكبوتية متاحا ، كانت السهرة تحلـَوّ ، و إتفرج على أبو علي بقى لما يمخمخ و يفتكر مغامراته القديمة .. لا تقوللى إمرؤ القيس و لا علقمة الفحل و لا الحارث بن حلزة و لا الجن الأزرق ..

بس أنا خايف فى نهاية المطاف الأستاذ يوسف أبو سالم يفيض به الكيل ، و يهبده بالقـُلة فى دماغه

قوم رَيَّح شوية انتَ يا هانى ع الكنبة ، أنا قاعد بدالك مع الجماعة .. قوم يا حاج

**حسن كشك** · #4 19/11/2007, 07h44

اقتباس:

المشاركة الأصلية كتبت بواسطة سمعجى

يا أستاذ هانى إبعد عنى الساعة دى ..

و بعدين يا أخى العلاقة أصبحت ثنائية بين أ. حسن و أ. يوسف
واحد يكتب و التانى ينقد .. إنت مزعل نفسك ليه ؟

و بعدين هى يعنى الأوزان دى كانت أ ُنزلت من السَما ؟
و لا يعنى اللى يغلط فى اللغة و النحو ، يبقى غلط فى البخاري ؟
دا إنت عجيب يا أخى !!

ما تسيب اللى يكتب يكتب ، و آدينا متونسين بالصحبة الحلوة
و القعدة الدفيانة ..
و لو كان اللى إخترع النت كان كـَمِّل جِـِميله
و جعل توصيل الشاى عبر الشبكة العنكبوتية متاحا ، كانت السهرة تحلـَوّ ، و إتفرج على أبو علي بقى لما يمخمخ و يفتكر مغامراته القديمة .. لا تقوللى إمرؤ القيس و لا علقمة الفحل و لا الحارث بن حلزة و لا الجن الأزرق ..

بس أنا خايف فى نهاية المطاف الأستاذ يوسف أبو سالم يفيض به الكيل ، و يهبده بالقـُلة فى دماغه

قوم رَيَّح شوية انتَ يا هانى ع الكنبة ، أنا قاعد بدالك مع الجماعة .. قوم يا حاج

شوف يا هانى باشا
طبعا حكاية البلاك ليست بتاعت عمنا الكبير يوسف نهر الاردن معروفه
لكن برضه انا اللى ها استحمله - لكن انا مش ماسك قله زيه انا محضر الا ار بى جى
وخليه ينقد براحته
اما بخصوص الاخ كمال سمعجى ( فلا لوم عليه وانت عارف ليه ) ربنا يكون فى عونه
ويبعده عن غطيان الكاكولا والبيبسى وبرضه هانستحمله عشان مايرجعش لحالة الفصلان
ونلف عليه الشوارع ونلاقية نايم على بطنه فى ميدان رمسيس وال ايه مسطح فوق مترو الانفاق
صحابنا ولازم نستحملهم

**سمعجى** · #5 19/11/2007, 10h37

الأستاذ حسن ..

غطيان الكازوزة دى كانت أيام ( الكراكون )

و آهى برضو أرحم من فتح النافوخ بالقـُلة

ما هي حاجة من اتنين ، يا إنت تبطل شِعر ، يا هوَ يبطل نقد ..
و انت طبعا عمرك ما هتبطل شِعر

**يوسف أبوسالم** · #6 20/11/2007, 05h07

اقتباس:

المشاركة الأصلية كتبت بواسطة سمعجى

الأستاذ حسن ..

غطيان الكازوزة دى كانت أيام ( الكراكون )

و آهى برضو أرحم من فتح النافوخ بالقـُلة

ما هي حاجة من اتنين ، يا إنت تبطل شِعر ، يا هوَ يبطل نقد ..
و انت طبعا عمرك ما هتبطل شِعر

الصديق العزيز
سمعجي
صباح الخير

ولا أنا هبطل نقد
لكن عارف اللي مسبب لنا كل البلبلة دي يا محترم
حضرتك .....!!
عارف ليه...!!؟؟
لأنك سايبني في الساحة لوحدي...لحد ما صاروا يخوفوا بي العيال الصغيرين
دة غير تخويف الأصدقاء الآخرين
فيا أستاذنا ..ما تسيبنيش لوحدي بوز مدفع ..ولا كبش فدا
الحمدلله اللي جت على كدة ...لحد دلوقتي ..وأهم متحملين
اللي بعملوا فيهم
المشكلة فين بقى غيرك
إني تعودت عليهم يكتبوا عشان أنقدهم
وهم تعودوا يكتبوا وينتظروا هقول إيه
وهذه الصلة ..وذلك التعود ..لم يكن ليتم ولا أن تكون له تلك
النكهة الحميمة لو لم نكن جميعا أصدقاء ..يعتز كل بصداقة الآخر
وزي ما قلت هيجي يوم ( وإن شاء الله نكون عايشين بس ) نشرب فيه الشاي
والبيبسي بالنت ....والله هتبقى قعدة فللي...!!

**يوسف أبوسالم** · #7 20/11/2007, 05h26

اقتباس:

المشاركة الأصلية كتبت بواسطة hany hazem

السلام عليكم ورحمة الله وبركاته

عم حسن الدراويشى

تعرف يا عم حسن انى اشترك معك فى صفة هامة
ونكاد نكون متوحدين فى تلك الصفة

اننا معا من اول الموضوعين فى البلاك لست عند
عمنا الاديب يوسف ابو سالم

وذلك بالنظر الى مجهوداتنا الخلاقة والقوية
فى هدم منظومة الادب العربى بالكامل

لذى ادعوك للوقوف معى ساعة حداد على روح
العملاق احمد شوقى

وكذلك قراءة الفاتحة والبقرة على روح
العملاق محمود العقاد

ولكن الجميل جدا جدا فى حضرتك يا عمنا
هو قبولك النقد
ورغبتك فى التعلم والاستزادة
وعدم تغليب النزعة الشخصية على الواقع
بل والاجمل عدم التحرج فى نشر كل ما تكتبه من خواطر

وفى النهاية ربنا يخلينا للادب العربى
ويصبر علينا أ. يوسف ابو سالم

ويبعد عننا لسان الاديب الجميل سمعجى

قول ورايا امين

أخي هاني
والله أنا اللي خايف تحطوني على البلاك ليست
عاللي بعملوا فيكم
دة حسن بيقول إنه حاول يعدل ويضبط الجزء الأخير
من قصيدته خوف مني ...راح لاعن سنسفيل أبوها
شوف ياعزيزي ...
عشان أثبت لك تهيوءاتي ...
شوف حسن بيقول إنه هيتحملني
لحد امتى ...!!؟
دة هيجي يوم يقول ..فيه
يا عمي بلا نهر الأردن وبلا نقده
داحنا مش عارفين نكتب من وراه
قاعد لنا على ركبة ونص
وطبعا أنا عندي حل مريح لكل الأطراف
تعملوا تحالف غير مقدس مع سمعجي
وتستلموني بالنقد ..عمال على بطال
وانا أراهن إني بعد علقتين نقديتين على كيف كيقك
هرجع وارفع الراية البيضا ..من غير أي كلام
ويا عيني لو محمد زمنطر ..يغلط ويحطني مشرف على القسم دة
شوف بقى هعمل فيكوا إيه ....!!!؟؟
أخي هاني
أخي سمعجي
أخي حسن
والله أنا سعيد بصحبتكم ومعرفتكم وصداقتكم
وسعيد أننا عدنا إلى حواراتنا بهذا المنتدى الجميل
والأهم أنني وأنا معكم أنسى تماما أنني أردني
ولا أشعر إلاأنني مصري تعود أصول جدوده إلى خوفو على رأي زميلتنا سامية
لأني مرة سألتها عالنت ...انتي مصرية أصيلة ولا......
فقالت أنا مصرية أبا عن جد ...وتعود أصول جدودي إلى خوفو ....!!؟؟
فكدت أغمى من الضحك ...طبعاالضحك على النت اللي ملوش صوت خالص ..
تحياتي للجميع

**د أنس البن** · #8 20/11/2007, 06h16

اقتباس:

المشاركة الأصلية كتبت بواسطة hany hazem

السلام عليكم ورحمة الله وبركاته

عم حسن الدراويشى

تعرف يا عم حسن انى اشترك معك فى صفة هامة
ونكاد نكون متوحدين فى تلك الصفة

اننا معا من اول الموضوعين فى البلاك لست عند
عمنا الاديب يوسف ابو سالم

وذلك بالنظر الى مجهوداتنا الخلاقة والقوية
فى هدم منظومة الادب العربى بالكامل

لذى ادعوك للوقوف معى ساعة حداد على روح
العملاق احمد شوقى

وكذلك قراءة الفاتحة والبقرة على روح
العملاق محمود العقاد

ولكن الجميل جدا جدا فى حضرتك يا عمنا
هو قبولك النقد
ورغبتك فى التعلم والاستزادة
وعدم تغليب النزعة الشخصية على الواقع
بل والاجمل عدم التحرج فى نشر كل ما تكتبه من خواطر

وفى النهاية ربنا يخلينا للادب العربى
ويصبر علينا أ. يوسف ابو سالم

ويبعد عننا لسان الاديب الجميل سمعجى

قول ورايا امين

والله يا هانى يا ابنى انت واد عسل .. واسمح أقول لك واد بدون زعل لأنك زى إبنى برضه .. وكفايه عليك كده النهارده وأرجوك عدم التعليق على مداخلتى حتى لا يحدث ما لايحمد عقباه أو كعباه على رأى الواد الشقى عمنا وعم الكلمنجيه كلهم محمود السعدنى الله يشفيه ..

**سمعجى** · #9 20/11/2007, 10h18

الأستاذ يوسف أبو سالم

شوف أيها الصديق العزيز ..
عندنا مثل بيقول ( إبني على كتفي ، و ليه أدور عليه ؟! )..
أنا لا أملك نـَفـَسَكَ الطويل و صبرك على نازلات الدهر

كفاية عليا أتفرج على المباراة المثيرة دي ..
و هى بصراحة تدبيسة لحضرتكم ، و آهو بالمرَّة آديني باستمتع
بتخريجات الأستاذ حسن ، و التي قد تمثل مع الوقت ، إتجاها جديدا
في حركة الشـِّعر المعاصر ليس في الوطن العربي فحسب ، بل على مستوى المعمورة ..فنكون بصدد ( ما بعد المابعد الحداثة )

فهو يكتب الآن ، و ليس في ذهنه سواك ، يعني لاحبيبة و لا يحزنون
إنتَ اللى بتطلع له في خياله و هو بيكتب ، و مش بعيد تكون بتطلع له في الأحلام كمان ، و إنت لابس أبيض في أبيض ، و شايل ميزانة في إيدك اليمين ، قائلا ً له بصوتٍ يشبه الصدىَ : إوزن يا حسن .. إوزن يا حسن ..
.. فيقوم عمنا حسن مفزوعا ً من النوم و هو يحوقل و يبسمل

ربنا يكون في عونه و عونك ، و يبعد عنكم الفتنة النائمة المدعوة
( هاني حازم )

**حسن كشك** · #10 20/11/2007, 13h12

اخى يوسف نهر العاصى
اخى كمال جنرال بيبسى
والله انا اللى بجيبه لنفسى - ياعالم بقول لكم دى احاسيس - احااااااااااسسسسييييييييييس - افهمونا بقى - واحد يروح جايب الميزان بتاع الدهب ويمسك القصيده ( ايوه القصيده غصب عنكم انتم الاتنين) ويوزنها حرف حرف على ميزان احمد شوقى وجرير والفرزدق وعنتره ابن شداد - طيب اوزنها بميزان حاتم الطائى - يمكن تتكرموا وتتساهلوا شويه
يا اخوانا انا بانقل لكم احاسيسى وانتم ولا بتاخدوا بالكم منها - كل اللى هاممكم - الوزن والقافيه والشعر الفصحى والعمودى والمسطح والمكعب ومتوازى المستطيلات - الله وانا فين احاسيسى راحت - ولاخدتوا بالكم منها
معلش ربنا كبير ومطلع وهاينتقم لعيون الشعر الجميل اللى شوهتوهالى - طيب اياك حد يكتب اى قصيده منكم وانا هاوريه الشغل الرزل الصح وهاوزنها بميزان الزره او بمقياس ريختر وهاطلع عينكو
وبعدين بتتريق ياسمعجى عليا وتقول شعر ما بعد الحداثة - ماشى اه هو شعر مابعد الحداثة عاوز اعلمكم حاجه جديدة يا اخى لكن اعمل ايه موازينكم الخنفشارية المكعبله مش ماشيه معاها اعملوا موازين جديدة - واذا كانت البحور الشعرية مش ماشيه مع اللى باكتبه استخدموا بحور جديدة يا اخى لازم يعنى البحر البسيط ماله البحر المتوسط ولا البحرالاحمر او ياسيدى خليها البحر الميت - الرحمه ياخونا - شوفوا احاسيسنا وحسوها - وحرام الرعب اللى انتو عاملينه لينا ده
وانا اكتشفت ان يوسف من اصول مصريه من عهد الملك خافو