يوم عادى جدا

[سمعجى]

عصفور يا طاير ..
انت فيك ايه منى ؟!... أو أنا فيا ايه منك ؟!
يبدو أن التركيبة الكيميائية واحدة .. و بمتابعتى لمداخلاتك أدركت
أننى بصدد واحد ( كتيب ) بتشديد التاء ، يعرف كيف يطوع الكلمة
و يصوغ الجمل الوهاجة ، و يضع اللفظة فى مكانها المناسب ..
و لا ( يأتيه الباطل ) فى النحو !

حاسس كده انك انت اللى ( ابداعجى ) !و ان فيه نار تحت الرماد .. تكونشى من الجماعة
بتوع ( قهوة ريش ) و ( زهرة البستان ) و ( الأتيليه ) و(معرض الكتاب ) ؟!

لقد ( أخجلت تواضعى ) ، و كدت تسبب لى أزمة عائلية .. فحين
كنت أطالع كلامك الكبير ، انتابتنى حالة من الغرور و الكبرياء و الشموخ .. فناديت ( المدام ) و قلت لها : تعالى شوفى الناس بتقول عليا ايه فى ( النت ) .. أنا مش شوية يا هانم .. اصحى ..
فوقى .. بعد كده أما تكلمينى تقوليلى يا ( أستاذ ) !

فكأنى فتحت على نفسى أبواب الجحيم .. اذ انفجرت فى وجهى
شحنة غضبها ( المكنون ) قائلة : هو جايبنا ورا غير النت ..
قوم يا راجل شوف التلاجة اللى مافيهاش غير مية ساقعة .. و لا
السيفون البايظ بقاله شهرين .. و لا المروحة اللى ابنك دمرها ف
عز الحر .. دا عيالك نفسهم فى المنجة يا مفترى يا ظالم و انت
مصدر لنا الطرشة .. قطع النت و سنين النت .. و النبى لاحرقهولك بجاز ..
.. آل أستاذ آل !!

منك لله يا عصفور !