يوم عادى جدا

**سمعجى** · #3 09/09/2007, 13h26

الأخ العزيز هوبا الشهير ب ( ايهاب )
شفت عمنا محمد الآلاتى ( فقسك ) ازاى وعرف انك ايهاب
بحاسته الفنية ..
عموما يا أستاذ ايهاب أنا حاخد بنصيحتك و اركب مع عواجيز
و محسوبك ( ركيب تاكسيات ) و من خلال خبرتى وجدت انه
أغلب عواجيز التاكساجية لا هم سميعة ولا يحزنون .. و بيحشروا
فى ودانهم أى حاجة تسلى و السلام .. زى أغلب الناس فى الواقع
( القمىء ) الذى نعيشه .. نحشر أى أكل .. نبلع أى شرب .. نقول أى كلام ..
و لذا فأمثالى من ( المتفلحسين ) يفرون من حالة فساد الذوق العام
الى موقع فريد مثل ( سماعى )

أما نصيحتك فسوف أعمل بها .... حاديها مشى .. ع الأقل سوف
أدندن الأغنية اللى على مزاجى ..
أدندن همسة حائرة لعبد الوهاب .. أو سماح لقنديل .. أو حبيبها
لحليم .. أو رجعت الشتوية لفيروز ( هذه الأغنية تستطيع أن تقاوم
بها الحر القاسى فى هذه الأيام ) .. يعنى كام أغنية أدندنهم .. ألاقى
نفسى وصلت الشغل ... و أهو توفير برضو

أما بالنسبة للأخت فيفى فسوف اشترى لها mp3حتى تسمعه وحدها
دون ازعاج لأمثالك و
أمثالى من ( السمعجية )
مع أطيب تمنياتى بالعطاء الراقى والدائم يا هوبا