رد: عبد الوهاب الدوكالي
أنا والغربة
كلمات: الزجّال المغربي حسن المفتي
عن ديوان التّلت الخالي، طنجة، سلسلة إبداعات شراع، نوفمبر ـ ديسمبر، 1998، ص. 21 - 24
غناء: عبد الوهاب الدكالي
أنا والغربة ومكتابي
عايش جوّال...
لا تقهرني بحور الشوق..
ولا توقف فـ طريقي جبال
رمال الصحرا عارفاني..
وأرض الله...
وصوت الحبّ ناداني..
وتهت وراه..
نتخطى الشوك ونوصلّو
لو كان محال..
***
الليل وخّا يطفي نجومو
ما يخوّفنيش..
وِلى تحدّاني بهمومو
ما يرجعنيش..
الخطوة ثابته وطريقي حتما نمشيه
ما دام حبيبي ناداني...
وْلاغاني..
المسافة لازم تهون
ونوصلّيه..
ولمّا الغربة ترميني فـ الدوّامة
ودروبي تولّي مظلامه
موّالي يصبح رفيقي
قنديل كينوّر طريقي
ويتمنّى لي السلامة
نبقى ماشي ليل مع نهار
مع التيّار
ضدّ التيّار
نتعذّب وخّا نتعذّب
نتغرّب...
حتّى يوصل ميعاد الحبّ
ونتلقّاه..
ترتاح الآه..
ويرسى مركب شواقي
من بعد لَهْوال..
جوّال...
***
عايش جوّال..
كنت ومازال
الواقع عشتو وجرّبتو..
وبيديّ لمست الخيال
والصبر ولّفني وولّفت
ولّنا صحاب..
وبعد العشرة افتح لي باب
وقالّي هناك كاين لحباب
ونبع الحبّ اللّي عشقتو..
ذوّبت الحب اللّي كواني
داويت الجراح اللي فيّ
ازرعت الورد فـ وجداني
رجّعت البسمة الصبيّه
وقلت لعيوني.. يا عيوني
نهارك بان
يسطع ويغنّي يا عيوني
بشمس الأمان..
والحبّ غزلّك يا قلبي..
خيمة لحلام
فيها تدفا من برد ليّام..
وتنسى الغربة والترحال
جوّال..
|
العرض الشجري