الزعبوط -- محمد قنديل

**Adham Osman** · #8 15/08/2007, 07h28

صباح الخير على العواجيز

مارأيكم يا باشمهندس محمد على ويا أستاذ حسن لو سمعنا المقطع الأخير كالتالى :

اللى ماجاب هدمة ... الشتوية

وهنا "الشتوية" سوف تعنى فى دارج أهل الريف وأنا منهم "هذا الشتاء"

وهذا رأيى ويتفق مع رأى الباشمهندس محمد

وبعدين يا دكتور راضى إيه النغمة اللى أنا سامعها فى كلام حضرتك دى ؟ يعنى إيه ؟ أيام بتتقضى وخلاص ؟
طيب لما حضرتك وأتراب جيلك يقولوا كده وأنتم المحظوظون فى حضور القمم والعماليق والخير حضور العين وأنا وأترابى من الجيل الذى يلى جيلكم لحقنا بآخرهم إمال أولادنا يعملوا إيه ؟
طيب إحنا كلنا بالذات مش سايبين حاجة إلا لما نشارك فيها ونشيطين جدا بالمقارنة بغيرنا كثير اللى ديدنهم جمع المال والجاه وخلاص وهما دول اللى ممكن تنقطع بيهم السبل عندما يقفل فى وجوههم الباب الوحيد اللى دخلوا منه.
مازلت مصر على أن لنا ألف باب ندخل منه وأكبر دليل المنتدى هنا وناسه مازالوا حريصين على تلوين دنياهم وحياتهم بكل جميل.
وللحديث بقية

أدهم