رق الحبيب

[الألآتى]

المشاركة الأصلية كتبت بواسطة matar

عندي سؤال وارجو ان لا اثقل عليك .. هل الملحن عندما يجلس لتلحين الاغنيه يضع امامه (في فكره) انني سأبدا من مقام كذا ثم سأمر على مقام كذا ام انه يلحن بجمله لحنيه تطرأ له ثم بعد ذلك نرى انها ظهرت في صوره المقام الفلاني والمقام الفلاني ... ؟؟

بالطبع لابد من إختيار المقام المناسب قبل البدء فى التلحين ياأستاذ مطر .. وللتلحين مدارس .. وأساليب مختلفة .. والملحن الفاهم الدارس .. يضع خطة كاملة للحنه قبل الشروع فيه .. من مقامات وإيقاعات وتحويلات وتنويعات لحنية ..

أما من تقصده بكلامك .. فهو ( ملحن الترابيزة ) .. أى الذى ينقر على ترابيزة ويلحن ( ببقه ) .. حتى هذا .. يقرر المقام الذى سيبدأ منه .. لكنه يعك بعد ذلك .. ويسيبها لظروفها ..

[Adham Osman]

صباح الخير على الجميع
أنا مريت على عزومة أخونا حسن لقيتها عزومة دسمة من إختيار وتحليل وضيوف فأستنونى لحد ما ألبس لبس مناسب أقصد أحضر الأغنية وأسمعها وأنا أقرأ التحليل علشان أستطعم وبعدين أتكلم إذا كان هيفضل كلام بعد تحليل عمنا أبوحسام.

أدهم

أنا جيت أهوه
رحت ألبس لبس مناسب لقيتنى لابس المايوه بتاع عيسى العوام ونزلت بحر غريق ياعم دمشقى.
أول إنطباع أخذته خلال الإستماع أن الست اللى كان معروف عنها قوة الشخصية والحضور الطاغى سواء فى الحياة أو على خشبة المسرح كانت تغنى فى شىء من الضعف أو الإنكسار أو الترقق سموها كما تشاءون ولكن هوه ده إحساسى.
تانى شىء إيه ياعم محمد الغرض اللى كان فى نفس القصبجى عندما لحن المقطع الواحد بأكثر من لحن وهل له علاقة بالطريقة اللى كانت بتغنى بيها الست.
تالت شىء بقى أننى أثناء الإستماع وقراءة التحليل معا ووالله لاأكذب كنت أقطف من كلام عمنا محمد وأرتبه جوه لوحة من الفسيفساء لحد ماخلصت الأغنية والتحليل لقيت قدامى منظر جميل جديد للأغنية وكأنى أسمعها لأول مرة.
سلمت يداك ياعمنا أبوحسام ويسلم إختيارك ياعم حسن.

أدهم