قصة الامس لام كلثوم

**aabadry** · #1 30/07/2007, 08h55

صباحكم شريف
تحليلات جميلة و قصص ظريفة و نقاش ودي جميل و تقارب
رائع بين اخوان يجمعهم حب الاصالة
لكن
بالنسبة للشاعر الرائع احمد فتحي و علاقته بحضرة صاحب السمو
الملكي الامير عبد الله الفيصل , شايف ان فيها تجني شوية عليهم هما الاتنين
فسمو الامير رحمه الله لم يكن بحاجة لان ينسب شعر غيره لنفسه
فالرجل له دواوين شعر كثيرة و كل ما فيها درر
و ايضا ان احمد فتحي عاش في قصر الامير يحتسي الخمور , فلا ادري مدي صحة هذا لكلام
فيا اخي الفاضل اذا كان لديك مرجع يمكن الرجوع اليه او مصدر موثوق , بعد اذنك اشر اليه حتي يكون الكلام موثق , لان ده كلام كبير حبتين
علي فكرة انا عايش في السعودية من 23 سنة و عمرنا ما سمعنا الكلام ده
علي فكرة برده اغنية يا ريم وادي ثقيف لنجاح سلام من كلمات
حضرة صاحب السمو الملكي الامير عبدالله الفيصل , فقط للتنويه
اشكرك و في انتظار الاشارة الي المصدر او المرجع

**سامية** · #2 30/07/2007, 11h16

السلام عليكم ورحمه الله وبركاته
يا سلام كده بأه اكتملت الوجبة صح بكل ما فيها من دسامة وتقل
بجد يا حسن باشكرك جداااااااااااااا على عرض هذه الاغنية وعلى عرض كلماتها مع تجاربك الشخصية فيها وصراحتك اللي باحسدك عليها .. وبالفعل لمست صدقك وجعلتنا نشعر بالامك وأحزانك .. فعلا لهذا الحد استطعت ان توصلنا معانيها
وشكرا لاستاذنا محمود لعرض تجربته مع هذه الاغنية وتوضيح أجزاء فيها
الشكر الكبير بأه لعمنا الالاتي .. والله يا ابو حسام كلمات الشكر الموجودة باللغة العربية لا تكفي ولا توفيك حقك
فعلا وجبه دسمة وشكرا للجميع

بس الله يخليك يا حسن البس النضارة بتاعتك وانت بتشوف المشاركات وترد على الناس صح
بصراحة مش عارفة ليه مش طايقني في المنتدى ودايما ظالمني كده :sleep:
وبتقول عليا فتوة ولمضة في مشاركة مش بتاعتي أصلا روح الله يسامحك
مع خالص تحياتي

**حسن كشك** · #3 30/07/2007, 13h11

بداية اشكر الجميع لانهم استحملونى اوى اوى
ثانيا اشكر استاذنا الغالى ابوحسام على تحليله الاكاديمى الرائع الوافى
ثالثا بالنسبة للمعلومات بخصوص الشاعر احمد فتحى فكلامى منقول من شاعر كبير جدا لن استطيع ذكر اسمه هنا حتى لااورطه فى مواضيع فات عليها زمن وهذا ليس هروبا ولكن احتراما لكلام تم بينى وبينه ولم اكن سانشره لولاكم
رابعا بخصوص النضارة يا اختنا اللمضه انا كنت لابسها لكن المشاركه بتاعة ايهاب كان مكتوب فى اولها اسمك وطبعا انا متحفزلك على طول فمصدقت ورحت رادد عليكى انتى انتقام يعنى ولو انى اعتز بيكى جدا ولو مش مصدقه روحى لتهنئتى لعمنا مختار بجواز ابنه هتلاقينى مذغرد بالنيابه عنك
شكرا للجميع

**يوسف أبوسالم** · #4 31/10/2007, 16h23

اقتباس:

المشاركة الأصلية كتبت بواسطة samya

السلام عليكم ورحمه الله وبركاته
يا سلام كده بأه اكتملت الوجبة صح بكل ما فيها من دسامة وتقل
بجد يا حسن باشكرك جداااااااااااااا على عرض هذه الاغنية وعلى عرض كلماتها مع تجاربك الشخصية فيها وصراحتك اللي باحسدك عليها .. وبالفعل لمست صدقك وجعلتنا نشعر بالامك وأحزانك .. فعلا لهذا الحد استطعت ان توصلنا معانيها
وشكرا لاستاذنا محمود لعرض تجربته مع هذه الاغنية وتوضيح أجزاء فيها
الشكر الكبير بأه لعمنا الالاتي .. والله يا ابو حسام كلمات الشكر الموجودة باللغة العربية لا تكفي ولا توفيك حقك
فعلا وجبه دسمة وشكرا للجميع

بس الله يخليك يا حسن البس النضارة بتاعتك وانت بتشوف المشاركات وترد على الناس صح
بصراحة مش عارفة ليه مش طايقني في المنتدى ودايما ظالمني كده :sleep:
وبتقول عليا فتوة ولمضة في مشاركة مش بتاعتي أصلا روح الله يسامحك
مع خالص تحياتي

أختنا العزيزة سامية
مساء السلامة والرضى

إذا كانت كلمات الشكر في اللغة
العربية ..لا تكفي ....!!
فلماذا لا تقومين باشتقاق الكلمات الجديدة

( امال هنسيب اللغة كدة ...!! )
وبعدين
المنتدى لسه محتفل بعودتك ...وشوفي
اليوم عيد ميلاد المنتدى ..
يعني الإحتفال صاروا اتنين
وبتقولي ظالمينك .....
وسلمينا على مصر
وأهل مصر
ونيل مصر
سلمينا على الميم ...والصاد ...والراء
اللي تشرفوا بتشكيل إسم مصر
شوفتي اللغةالعربية أد إيه جميلة وفيها كل حاجة

وتحياتي

**يوسف أبوسالم** · #5 01/11/2007, 05h34

اليوم ذكرى وفاة موسيقار الأجيال
محمد عبد الوهاب
ربما كان عبد الوهاب آخر الملحنين
العظام ....
الذين حملوا على أكتافهم مهمة ورسالة
تطوير الأغنية العربية ..
ومهما اختلفت وجهات النظر
يظل هذا العملاق ....هرما شامخا
في سماء مصر ..والأمة العربية
رحمه الله
ه
وبهذه المناسبة
أرجو ممن يريد اختيار أغنية للتحليل الموسيقي
أن تكون هذه المرة من ألحان محمد عبد الوهاب
ولكم الشكر

**الألآتى** · #6 01/11/2007, 19h30

اقتباس:

المشاركة الأصلية كتبت بواسطة يوسف أبوسالم

اليوم ذكرى وفاة موسيقار الأجيال

محمد عبد الوهاب
ربما كان عبد الوهاب آخر الملحنين
العظام ....
الذين حملوا على أكتافهم مهمة ورسالة
تطوير الأغنية العربية ..
ومهما اختلفت وجهات النظر
يظل هذا العملاق ....هرما شامخا
في سماء مصر ..والأمة العربية

رحمه الله
ه

وبهذه المناسبة

أرجو ممن يريد اختيار أغنية للتحليل الموسيقي
أن تكون هذه المرة من ألحان محمد عبد الوهاب

ولكم الشكر

أشكرك أخى يوسف لتذكيرنا بهذه المناسبة ..

ومن هذا المنطلق .. أرجو أن تختار لنا أحد أعمال عبد الوهاب التى تمثل لك ذكرى معينة ..