في قلبي غرام محمد عبد المطلب

[غازي الضبع]

المشاركة الأصلية كتبت بواسطة mokhtar haider

فكرة هايلة يا أستاذ غازي.. أنا لي اقتراحات و اختيارات غنائية أطرحها للأخوة و سأرد بالتفصيل بعد يومين 3 حيث أن الموضوع يهمني بجد... مشاغل عائلية لا تترك لي حالا مجالا للمشاركة الجدية... لاكن أنا متابع الموضوع... و بارك الله فيكم

دا شرف كبير ليا يا أ. مختار أن تنال الفكرة إعجابك ، وربنا يفرج على حضرتك المشاغل العائلية ، لكي تتفرغ لنا ، وتشارك معنا ..
تحياتي واحترامي لك وللجميع

[ايهاب عامر]

السلام عليكم ورحمة اللة وبركاتة

اخى العزيز الاستاذ غازى اسمح لي أن اشاركم فى هذا النقاش الثرى (العزومة الدسمة)دى
وقبل ان اشارك اسمح لى ان ابدى اعجابى الشديد بموضوعاتك بصفة عامة وهذا الموضوع بصفة خاصة فأنا ولحسن حظى طالعت لك اكثر من موضوع فى المنتدى وكلهم ينمو على حس فنى عالى الموضوع جميل بجد والفكرة كمان
الأغنية بالنسبة للمستمع وجبة فنية كاملة ففيها الكلمة واللحن والأداء والتوزيع وفى بعض الأحيان عزف فردى لآلة موسيقية او اكثر
اما عن اغنية طلب فهى جميلة فعلا انا غير متخصص لأحلل ولكنى مستمع احاول ان اعى ما اسمع
اولا الكلمات انا لم اكن اعرف اسم الكاتب لكن ربنا يخلية عمنا
محمد اعطانى المعلومة عارف كفاية بس الكوبلية دة
فى قلبى غرام مصبرنى على خصامك
واقول انسى يحايلنى ويغلبنى زمان ودك
الجماعة دول ياعم غازى كانو بيكتبوا اللى بيحسوا بية يعنى الشاعر من دول يقع فى تجربة شعورية جامدة اوى يقوم مطلع لنا حاجة كبيرة اوى
يعنى مثلا فى قلبى غرام لما تفكر فيها حرف ال فى يدل على التغلل
داخل الشى وكلمة غرام اى انة مغرم لدرجة العشق
شوف بقة كلمةمصبرنى تدل على وقوعة فى مصيبة وهى هذا الخصام يعنى مقطع واحد ممكن يوصلك معانى كثيرة جدا
و تعطى احساس العطف على اشياء قبلها قد تفهم منها مدى النقاش الداخلى بينة وبين نفسة
يحايلنى تدل على اشياء كتير منها التدليل على مدى حزنة لدرجة المحايلة
وايضا تدلعلى مدى اعتزازة بزمان الو د
ويغلبنى مين اللى يقدر يغلب انسان فى هذة الشدة غير حاجة عزيزة علية اوى وهى زمان الود بينة وبين حبيبة
كفاية كدة فى الكلام
اما اللحن بحكم عدم تخصصى كل اللى اقدر اقولة انة عبقرى
وكفاية كلام عمنا محمد الكبير جدا
اما عن طلب انا هقول كلمة واحدة (طلب مطرب ) ودى تشمل كل اللى ممكن اقولة
اخيرا اهنيك على الموضوع ويا ريت على الاقل كل الاسبوع اغنية من الاغانى الجميلة دى
فانا ارى ان فهم اغنية وفهم تحليلها فى االأسبوع افضل من سماع
عشرات الاغانى بدون فهم
وربنا يخللى عمنا محمد الألاتى علشان يفهمنا اللى مش ممكن نفهمة غير لو حد شرحة
انا طولت بس الموضوع جميل جدا

[الألآتى]

يااااه .. ده الموضوع كبر قوى .. يافرحتى ياهنايا ..

خصوصاً إن عمنا الكبير ( مختار حيدر ) مشرّفنا ومشرّف الموضوع .. وفى إنتظار أطروحاته الجميلة ..

وأهلاً وسهلاً طبعاً بحبايبنا وزمايلنا فى التذوق .. الأخت بيبو .. والأخ هوبا .. الذى أعتقد إنه ( إيهاب ) ..

خلاص ياعم غازى .. خلينى أنا بقى للتحليل .. وخليكوا إنتوا لإختيار الأعمال .. كده .. يبقى عدل ..

فى إنتظار ثانى عمل .. وربنا يعينى على التحليل بدون أخطاء موسيقية .. وربنا يستر ..

موضوع ممتاز وشكرا للأخ غازي على التنبيه
ما تآخذوناش يا جماعة لم انتبه لهذا الموضوع المميز نظرا لإنشغالي بشيء ثاني يعلمه اغلبكم
على كل
ترقبوا مني حكاية طويلة مع لحن لن اقول انه كان اجمل ما سمعت في حياتي لكن كان اللحن الذي قلب ذوقي وكياني 180 درجة
ولولا هذا اللحن لما كنت اكتشفت من بعده ما أستمتع به الآن من كنوز وروائع من الموسيقى العربية الأصيلة
يعني ما كنتوش ح تلاقوني معكم في هذا المنتدى
واكثر شوية كمان
ما كان لهذا المنتدى ان يتأسس أصلا لو بقيت على سماع الكلاسيكيات الغربية والدجاز والميلودي الفرنسية وغيرها من الموسيقى الغربية التي ترعرعت معها

من اين لي ان ادخل هذا العالم العربي الجميل لولا ذلك اللحن؟؟

اعدكم انه سيكون اول موضوعاتي في المنتدى بعد الإنتهاء من تظبيط قوانين التحميل
لكن في الإنتضار يا ريت لو الأخوة يمتعونا بحواديتهم
واستدعي لهذا الموضوع الشيق الدكتور راضي حامد لما له من بلاغة وطرافة في سرد الأحداث وانا متأكد اننا سنستمتع بمشاركته

[ايهاب عامر]

السلام عليكم ورحمة اللة وبركاتة

شكرا يا عمنا محمد على الترحيب
على فكرة لا اخفيك سرا لو قلتلك من فترة وانا نفسى يجمعنى بحضرتك موضوع لانى معجب جدا بتحليلك و بخفة ظل تعليقاتك
وقرأت اكثر من موضوع كنت انت مشارك فية أخرهم الموضوع
اللى سردت فية سيرتك الذاتية وعلى ما اذكر بردة كان فية صاحب العزومة الاستاذ غازى كتر خيرة
عموما تخمينك صحيح زى كل تحليلاتك الجميلة
انا فعلا إيهاب
شكراكمان مرة
بس اوعى تخوفنى بقريبك بتاع القسم خلينا حبايب احسن

[غازي الضبع]

المشاركة الأصلية كتبت بواسطة سماعي

موضوع ممتاز وشكرا للأخ غازي على التنبيه

ما تآخذوناش يا جماعة لم انتبه لهذا الموضوع المميز نظرا لإنشغالي بشيء ثاني يعلمه اغلبكم
على كل
ترقبوا مني حكاية طويلة مع لحن لن اقول انه كان اجمل ما سمعت في حياتي لكن كان اللحن الذي قلب ذوقي وكياني 180 درجة
ولولا هذا اللحن لما كنت اكتشفت من بعده ما أستمتع به الآن من كنوز وروائع من الموسيقى العربية الأصيلة
يعني ما كنتوش ح تلاقوني معكم في هذا المنتدى
واكثر شوية كمان
ما كان لهذا المنتدى ان يتأسس أصلا لو بقيت على سماع الكلاسيكيات الغربية والدجاز والميلودي الفرنسية وغيرها من الموسيقى الغربية التي ترعرعت معها

من اين لي ان ادخل هذا العالم العربي الجميل لولا ذلك اللحن؟؟

اعدكم انه سيكون اول موضوعاتي في المنتدى بعد الإنتهاء من تظبيط قوانين التحميل
لكن في الإنتضار يا ريت لو الأخوة يمتعونا بحواديتهم
واستدعي لهذا الموضوع الشيق الدكتور راضي حامد لما له من بلاغة وطرافة في سرد الأحداث وانا متأكد اننا سنستمتع بمشاركته

يا أستاذ محمد سماعي الموضوع والله نور بوجودك فيه ..
وهاينور أكتر لما تخبرنا باللحن اللي كان السبب في وجودنا حاليا مجتمعين حول تراث أجدادنا
وبعدين لما يكون لحن هو السبب في قلب الموازين بالنسبة لك ، ويجعلك تفكر في بناء هذا الصرح الشامخ الذي يعد أكبر ملتقى ومنتدى للطرب الشرقي والعربي الأصيل في العالم كله .. فهذا معناه أنه لحن عظيم لابد أن يكون في مثبت خاص في واجهة المنتدى الرئيسية .. لعله يحدث نفس التأثير الذي أحدثه معك فيأثر على كل من يسمعه .. يمكن كل الشباب اللي يسمعوه يحاولوا يعملوا ولو عٌشر ماعملته أنت ..
دا ساعتها والله لو أطول أسجله وأسمّعه لكل الناس هاعمل كده ..
إنت شوقتني وشوقتنا جميعا لمعرفة هذا اللحن العظيم ذو الأثر الأعظم ..
وأنا أتوقع أنه للأستاذ عبد الوهاب ..
والله أعلم

في انتظارك يا حبيب الكل
تحياتي

[غازي الضبع]

بص كده معايا يا عم محمد يا آلاتي
شوف معايا أحد مواطن الجمال اللي ممكن مانكونش واخدين بالنا منها في رائعة عبد المطلب
الكورال .. خدت بالك من إن الكورال مكون من أصوات رجالي ونسائي
فتبدأ اللزمة الموسيقية بأصواتهم جميعا متحدة
ثم يختفي الصوت النسائي ويبقى الرجالي فقط من أول .. يحايلني ويغلبني
ثم يعود الصوت النسائي مرة أخرى في كلمة مصبرني ..
إسمعوا معي هذا المقطع لصوت الكورال فقط .. وخدوا بالكوا من عمنا عبد العظيم محمد وروعة توزيعه لأصوات الكورال ..
وبعدين عايزين تفسيرك يا كبير الآلاتية ، وتحليلك للكلام ده

مقطع الكورال من أغنية في قلبي غرام

[الألآتى]

هذا التوزيع الكورالى ياعم غازى .. يسمى توزيع اللحظة .. لأن الأغنية غير موزعة أصلاً .. أى لم يكتبه الملحن ساعة تلحين الأغنية .. ولكنه جاء فى الخاطر أثناء التسجيل .. ممكن أن يكون إقتراح الملحن .. وممكن أيضاً أن يكون إقتراح المطرب أو أى حد .. المهم إنه إقتراح لاقى القبول .. وطلع شكله حلو ..

[سمعجى]

يا سلام يا أخ غازى .. والله جيت على الجرح
دا كلام يا راجل .. ( فى قلبى غرام ) !
هل يوجد لها عشاق فى الدنيا غيرى ؟
طبعا يوجد ..
هل لاحظت ( شحنة ) الصدق العاطفى فى هذا العمل الفريد
هل لاحظت ( تلاحم ) اللحن بمعانى الكلمات
هل بكيت ؟!......... لست وحدك


أنها أغنية تسيطر على المشاعر تماما ..
و تأخذك فى رحلة ( صعود ) نحو شجن انسانى خالص
ليست مجرد أغنية ....
انها قطعة من الفن الخالص الصادق الانسانى

ولأننا بصدد فن حقيقى .. فلى ( رأى ) فى المسألة
و هو أن الفن الذى يحقق أكبر قدر من المشاعر الانسانية الصادقة
هو فن عظيم

( فى قلبى غرام ) تفيض بها روحى
و أحلق بأجنحتها الى عالم يتجاوز الواقع
يتجاوز الزيف و الكذب و الادعاء


أشكرك من قلبى يا غازى على الموضوع وعلى الاختيار
اختيارك جاء فى الصميم

و أشكر الفنان محمد الآلاتى
الذى فسر جماليات الموسيقى و الايقاعات
و رغم أن تلك الرائعة تستقر فى أعماق وجدانى

الا انى أحسد الفنان الآلاتى على قدرته

فى رؤية ما لا نراه


قرأت ما كتبه الآلاتى بدءا من الفوكس تروت
و مرورا بالحجاز و الزنجران و الكرد و السنباطى
محاولا فك طلاسم سر أثر هذه الرائعة ( الطلبية )
فلم ألمح سوى بريق متذبذب
يشبه انكسارات وشعشعة الشمس فوق سطح الماء
أما هو .. فيرى الشمس مباشرة


أحييك غازى .. و أحييى ( هوبا ) و ( بيبو )
و كل من نادته ( النداهة ) فى تلك الأغنية العبقرية

[غازي الضبع]

المشاركة الأصلية كتبت بواسطة سمعجى

( فى قلبى غرام ) تفيض بها روحى
و أحلق بأجنحتها الى عالم يتجاوز الواقع
يتجاوز الزيف و الكذب و الادعاء

تعبيرك جميل قوي يا أخ سمعجي
حسيت بيه فعلا ..
وفعلا لسه واخد بالي دلوقتي إني باشعر نفس الشعور لما باسمع في قلبي غرام
باحس فعلا إني بتجاوز الزيف والكذب والإدعاء وكل معاني الغش
الله عليك يا سمعجي
أحييك على تعبيرك