طعم الليالى

[ام مدحت]

http://http://www.4shared.com/audio/.../__online.html

كلمات/ام مدحت
لحن وغناء الاستاذ/محمد الالاتى
طعم الليالى

بتغيب فى البعد يامه
وانا باستـنـاّك ياغالى
تحرمنى الأبتسامه
وجمال طعم الليالى
ولا مرّه سألت فيّه
والناس بتلوم عليّه
والدّمعه اللىّ ف عنيّه
كشفت للكل حالى
,,,,,
دايما بتقول لى بكره
واليوم مابـينـتهيش
وسايبلى ف قلبى زكرى
تموّتنى عشان تعيش
وباخاف تكتر ذنوبى
أو حدّ يشوف عيوبى
لو قولت لنفسى مرّه
انسى وماتفكـّريش
ويطول هجرك عليّه
واتعوّد ع الأسيّة
وتبان دمعة عنيّه
تكشف للكل حالى
,,,,,,
وساعات بالمح صحابى
حبايـبهم موجودين
آخد على خاطرى منـّك
ويعذبنى الحنين
واتمنىّ لو تجينى
فى الحال يانن عينى
واللىّ بينك وبينى
يتلمّ ف كلمتين
وانسى اللىّ فات ياروحى
أيّام تعبى وجروحى
واتهنىّ بيك ياغالى
ويحلى طعم الليالى
,,,,,,