أعمال من تنفيذ الفنان محمد الآلاتي - الصفحة 61

**فؤاد** · #**601** 08/08/2009, 09h58

أنا عندما أستمعت الي صوتك بالأغنيه حصلي زي ماسمعت عبح الحليم وهو بيغني الأغنيه
(( سرحت بعيييييييييييييد ))
طيب أحلي حاجه فيك ياأستاذ أبو حسام أن الكلمات خارجه بأحساس وخارجه من جوه القلب
والأغنيه دي صعبه أوي والله
لكن علي الأساتذه موش صعبه طبعاً

**الألآتى** · #**602** 08/08/2009, 12h29

اقتباس:

المشاركة الأصلية كتبت بواسطة Hisham Khala

برافو محمد الآلاتي رايدار
أنا سمعت الكونتربوينت شيللو - فلوت ، و الخلفيات المعمولة بالات النفخ و .....
برافو برافو .... ودنك حساسة جداً

هو ده النقد يادكتور هشام .. كنت منتظر رأيك فى الخلفيات .. والحمد لله إن رأيك جه فى صالحى ..

أشكرك ياحبيب قلبى ..

**الألآتى** · #**603** 08/08/2009, 12h31

اقتباس:

المشاركة الأصلية كتبت بواسطة فؤاد عبد الحميد

أنا عندما أستمعت الي صوتك بالأغنيه حصلي زي ماسمعت عبح الحليم وهو بيغني الأغنيه

(( سرحت بعيييييييييييييد ))
طيب أحلي حاجه فيك ياأستاذ أبو حسام أن الكلمات خارجه بأحساس وخارجه من جوه القلب
والأغنيه دي صعبه أوي والله

لكن علي الأساتذه موش صعبه طبعاً

الله يخليك يافؤش .. ربنا مايحرمنى من مداخلاتك وتشجيعك .. وأنا سعيد إن الأغنية عجبتك ..

**كمال عواد** · #**604** 09/08/2009, 16h54

والله ياابو حسام...حاجه روعه...وجهد جميل تشكر عليه....والله

بعانى من التحميل هذه الايام....الاغنيه طالعه حلوه
وانت مؤدى جبار...ومخارج الالفاظ عندك حكايه
انت ايه كنت مدرس عربى.وبعدين اصبح هناك
شىء مفروغ منه....ولايمكن ان يختلف عليه اتنين
هو فنيتك العاليه جدا...والمثابره الموجوده عندك
فى التعرف على كل جديد....فانت انسان رائع قبل
ان تكون فنان رائع....ونتعلم منك المثابره...
حتى اننى فى الشهرين الماضيين...اللى النت فيهم
زى الزفت...جلست اذاكر مع نفسى...برامج الصوت
والتركيبات....والحمد لله عرفت اشياء كثيره.....
وكل هذا نتعلم منك كل هذه الصفات.............

وعلى فكره استهلال الاغنيه جامد جدا..( انت قلبى )

ادماج حرف الالف مع النون...طالعه حلوه اوى.........
والاغنيه على بعضها...مع طولها وصعوبة لحنها...الا ان مفيش حاجه صعبه عليك.......وبعدين بتنفذ الاغنيه..بكل تفصيلاتهاالاصليه...وكانى اسمع الاصليه تماما.....

**الألآتى** · #**605** 09/08/2009, 17h24

اقتباس:

المشاركة الأصلية كتبت بواسطة كمال عواد

والله ياابو حسام...حاجه روعه...وجهد جميل تشكر عليه....والله
..

أخى العزيز كمال باشا

بصراحة .. لا أجد الكلمات المناسبة للتعبير عن إمتنانى لك .. وشكرى العميق لكلماتك المشجعة ..

وخاصة أنها صادرة عن فنان حقيقى ..

**محمد إبراهيم** · #**606** 14/08/2009, 13h20

رائع يا أستاذ ، عزفا صوتا وأداء ، جميل جدا ،
أرجو منك الإستماع إلى المحاولة التي قدمتها تحت عنوان : إسبقني ياقلبي ، خايف مرة أحب ، لست قلبي وإعطائي رئيك فيها وشكرا

**الألآتى** · #**607** 27/08/2009, 20h37

بعد إيه

رائعة عبد الحليم حافظ

كلمات : مأمون الشناوى

ألحان : كمال الطويل

تنفيذ وغناء العبد لله

وماحدش يقول لى هات المزيكا بتاعتها .. علشان متباعة

**ام مدحت** · #**608** 27/08/2009, 22h53

اقتباس:

المشاركة الأصلية كتبت بواسطة الألآتى

بعد إيه

رائعة عبد الحليم حافظ

كلمات : مأمون الشناوى

ألحان : كمال الطويل

تنفيذ وغناء العبد لله

وماحدش يقول لى هات المزيكا بتاعتها .. علشان متباعة

اطمئن ماحدّش هايقول لك غير
انك فنان جميل
وكل حاجه لك جميله
وكل سنه وانت طيب

**unicorn** · #**609** 28/08/2009, 00h03

بعد التحية و السلام , و الاشواق و الاحضان
الله ينور بالجامد أوى يا عم محمد,
أول مرة اسمعك ظابط الصوت بالجمال دة , كل مرة غالبا ما بيكون الايقاع أو المزيكا عالى و ملعلع و مغطى على الغنا , إنما المرة دى مظبوط تمام التمام
صوت فردة الكمنجة دى فى الاورج برضه ؟؟؟ اول مرة نسمع سولو كمان من الاورج , كمان اول مرة نسمع الهارب و الرق على الاورج ,
هو دة الكلام يا مايسترو شوفت الروقان
العزف استاذ كالعادة تسلم ايديك , الباصات اياها جميلة.
سؤال رخم كعادتى بعد إذنك : هو مش برضه منير مراد هو اللى ملحن فيلم يوم من عمرى ؟؟؟ و لا خمِّس مع كمال الطويل و قسِّموا السبوبة عليهم ؟؟؟
غنوة طويلة اكيد تعبتك فى شغلها يا مايسترو ,
الله ينور عليك يا مايسترو و يزيدك روقان عشان تبسطنا
كل سنة و انت طيب

**الألآتى** · #**610** 28/08/2009, 00h10

اقتباس:

المشاركة الأصلية كتبت بواسطة ام مدحت

اطمئن ماحدّش هايقول لك غير

انك فنان جميل
وكل حاجه لك جميله

وكل سنه وانت طيب

السيدة الفاضلة أم مدحت .. أشكرك كل الشكر وكل سنة وإنتِ طيبة ..