أعمال من تنفيذ الفنان محمد الآلاتي - الصفحة 54

**رائد عبد السلام** · #1 03/12/2009, 06h05

رائع يا مايسترو

ماشاء الله عليك ...بلدوزر موسيقي

صدقني الإمكانيات المحدودة دي بإحساسك
أحسن ألف مرة من كل التقنيات الحديثة بلا روح

تسلم إيدك وإبداعك
وفي انتظار ما وعدتنا به

تقبل خالص تحياتي
ياصديقي المايسترو الكبير

محمد الآلاتي

**الألآتى** · #2 03/12/2009, 06h34

اقتباس:

المشاركة الأصلية كتبت بواسطة رائد عبد السلام

رائع يا مايسترو

ماشاء الله عليك ...بلدوزر موسيقي

صدقني الإمكانيات المحدودة دي بإحساسك
أحسن ألف مرة من كل التقنيات الحديثة بلا روح

تسلم إيدك وإبداعك
وفي انتظار ما وعدتنا به

تقبل خالص تحياتي
ياصديقي المايسترو الكبير

محمد الآلاتي

ربنا يسلمك من كل شر ياعم رائد ..

كل العملية .. إنى باتحدى نفسى فى الأعمال الكبيرة دى ..

وبحاول أتغلب على قلة الأمكانيات ..

وكمان باختبر ودانى فى الخلفيات والهارونيات والخطوط الموسيقية المتعددة فى العمل ..

وأرجو أن أكون نجحت فى 30 % بس .. رضا من ربنا .. حاننهب .

**الألآتى** · #3 03/12/2009, 06h31

اقتباس:

المشاركة الأصلية كتبت بواسطة Hisham Khala

تنفيذ الموسيقي هايل ، و ودنك حساسة جداً عشان تعرف تنفذ التوزيع بهذا الاتقان.
تحياتي ليك

إنت لسه عارف النهارده .. إن ودنى حساسة يادكتور ..

دى هى الحاجة الوحيدة إللى طلعت بيها من الدنيا ..

مش كفاية خيبان فى كل حاجة ..

المهم .. أتمنى تكون بخير .. وصحة جيدة .. وأشكرك ياحبيب قلبى

**الألآتى** · #4 03/12/2009, 06h26

اقتباس:

المشاركة الأصلية كتبت بواسطة مروان شلبي

الأستاذ المايسترو

محمد الالاتي

الحقيقة بانك تستحق كل هذه الالقاب بكل جداره . للأعمال المهمه

والصعبه التي تنفذها بحرفية عاليه . خاصة بعد ان استطعت

منفردا ان ترسم لنا صورة كاملة لهذه الانشوده التي عشعشت في

ضميرنا ولاتزال .

التوزيع كامل بكل عناصره وقد اعجبني وضوح دور الة البيكولو

التي لعبت دور البطولة في هذا النشيد فقد كانت تحلق عاليا

لترفع معها احلامنا وامالنا .

شكرا لك

أخجلتم تواضعنا يافنان ..

أشكرك أخى مروان .. وأتمنى عودة التعاون بيننا ..

فهذا شئ يسعدنى جداً ..

**الألآتى** · #5 08/12/2009, 14h14

منك ياهاجر دائى

كلمات : أحمد شوقى بك

ألحان : محمد عبد الوهاب

عزف وتنفيذ وكل حاجة ( كالعادة ) : العبد لله

**mohamedafify** · #6 08/12/2009, 15h59

الله على الاختيارات يا ملك الصعب يالالاتى محدش عمرة يفكر فى تحف زى دى الا واحد جامد زى الالاتى اجمل تحية منى ليك انت والاسرة الكريمة بكتب وانا متمتع بتحفة من الروائع
اخوك محمد عفيفى

**الألآتى** · #7 09/12/2009, 03h21

ربنا يخليك ليا ياعفيفى .. ياصاحبى ..

إنت الوحيد إللى بليت ريقى من صباحية ربنا ..

يظهر البضاعة مش عاجبة الزباين ..

المرة الجاية حاعمل لهم ( أه ونص ) بتاعى نانسى عجرم ..

يمكن يعبرونا ويجبروا بخاطرنا .

**rif3at** · #8 09/12/2009, 04h20

مش بس بضاعتك يا أستاذ ألاتي حتى بضاعتي أنا كمان أقول لك أحسنت كما العادة و شكرا جزيلا على هذه القطعة الجميلة .

**الألآتى** · #9 09/12/2009, 07h11

اقتباس:

المشاركة الأصلية كتبت بواسطة rif3at

مش بس بضاعتك يا أستاذ ألاتي حتى بضاعتي أنا كمان أقول لك أحسنت كما العادة و شكرا جزيلا على هذه القطعة الجميلة .

أشكرك أخى رفعت على كلماتك المشجعة ..

هى فى الحقيقة حالة عامة .. ويظهر إن الناس زهقانة ..

معلش .. كأننا بنغنى فى الحمّام .. ومافيش جمهور ..

**الباشا** · #10 09/12/2009, 07h48

أعرف أنك تنتظر الرأى الفنى وليس رأى مستمع عادى
ولكن أرغب فى تحيتك وشكرك
وأقدر إقدامك على أداء هذا العمل الصعب الذى يندر أن يتصدى له أحد
هو تحدى لابد أنك قضيت فترة طويلة فى التجهيز له

وأهنئك على أنك كنت على قدر تحديك لنفسك

شكرا لك يا مايسترو