أعمال من تنفيذ الفنان محمد الآلاتي - الصفحة 35

**رائد عبد السلام** · #1 29/08/2009, 12h44

اقتباس:

المشاركة الأصلية كتبت بواسطة الألآتى

بعد إيه

رائعة عبد الحليم حافظ

كلمات : مأمون الشناوى

ألحان : كمال الطويل

تنفيذ وغناء العبد لله

وماحدش يقول لى هات المزيكا بتاعتها .. علشان متباعة

آآآآآآآآآآآآآه يا مايسترو ياعبقري
علي الموسيقي بتاعتك اللي بتاخد الواحد وتطير !!
بس :

آهو ده اللي كنت خايف منه
إن الفن يدخل مع البيزينس

عموماً ده حقك
اشمعني المطربين اللي زي
محمود سعد ومحمد عفيفي غرقانين
في السُبيّج وأنت حتشتغل ع الناشف
بصراااااااحة : حقك

**الألآتى** · #2 29/08/2009, 19h40

اقتباس:

المشاركة الأصلية كتبت بواسطة رائد عبد السلام

آآآآآآآآآآآآآه يا مايسترو ياعبقري

علي الموسيقي بتاعتك اللي بتاخد الواحد وتطير !!
بس :

آهو ده اللي كنت خايف منه
إن الفن يدخل مع البيزينس

عموماً ده حقك
اشمعني المطربين اللي زي
محمود سعد ومحمد عفيفي غرقانين
في السُبيّج وأنت حتشتغل ع الناشف

بصراااااااحة : حقك

حبيب قلبى رائد باشا ..

تصدق بالله .. إنى بارفض شغل كتير .. لمجرد إنى مش مستريح

لكن لما ألاقى واحد جاى يقول لى .. عايز أغنى لعبد الحليم أو عبد الوهاب أو فايزة أو .. أو .. بافرح وأزأطط ..

لكن لما ألاقيه مش مطرب .. وحايعك .. بازعل ..

وفى الأخر .. الرزق من عند ربنا ..

**Hisham Khala** · #3 29/08/2009, 20h14

حبيبي أبو حسام
أنا و الله في المطار دلوقتي على سفر بقي لي يومين و لسه فاضل لي يومين تانيين و لكن سمعت شغللك الجميل و سمعت الشغل اللي مع الكامنجه الصولو و مصاحبة اربيجات البيانو و الهارب و في الغناء اللزم الجميلة بتاعة الفلوت. بس (ليه ضيعته ليه) الاولي ضاعت منك و لكن الثانية زبطتها أحسن.
و بعدين كونك بتطلع دا كله على الأورج دي بطولة و شطارة لأنك بتعرف تستغل أمكانياتك أحسن أستغلال و بعدين العديد من الملحنين في أوربا و أمريكا كل شغلهم ديجيتال ، لأن الفرقة الموسيقية مكلفة جداً. لو عايز تجيب عازف فلوت أو كلارينت و عازف تشيللو و كونترباص غير الكمانجات يبقي خراب بيوت مستعجل طالما مفيش عائد مادي من العمل الفني.
أما بالنسبة لصوتك ما تقولش كروان! دا أنا ما بطلبش حد يغني الشغل بتاعي إلا أنت.
(أنا بأجملك في حكاية الصوت دي) و لكن أنت مؤدي و ودنك حلوة.

**كمال عواد** · #4 29/08/2009, 20h29

نفسى اخد راى الدكتور هشام واضع توقيعى عليه...هو ده

فعلا اللى لمسته من استاذنا الالاتى الحرفيه الزائده...وبيعمل
من الفسيخ شربات...والله لااجامل ياستاذ محمد...
انا استمتع بادائك ولا احسن مطرب..
وبعدين بتختار اغانى لايحسها ولا يعرف ياديها الا فنان حساس

وانا اسمع الحاجه على بعضها حته واحده.........
انت قلت بعد ايه حلو اوى.....بصرف النظر بقه عن العرب
والحلياتبتاع المطربين دى.....احساسك حلو..وودنك مالهاش حل
تقبل رايى المتواضع...من انسان لسه عنده مشاعر.واذن شويه بتسمع وتفرق بين الغص والثمين

**عفاف سليمان** · #5 07/09/2009, 08h50

استاذنا محمد الالاتى
كل سنه وحضرتك طيب ورمضان كريم
من اجمل واروع ما غنى عبد الحليم حافظ
بعد ايه
يا سلام يا استاذنا الالاتى رجعت لنا ذكريات جميله مع نغمات الموسيقى وشدوها احساس رائع وجميل
وتوزيع ممتاز ككل مره الواحد مش لاقى كلمه غير رائع وجميل وممتاز مفيش كلمه جديده فى قاموس اللغه العربيه نفسى اغير الكلمات
وهدوء الصوت
تحياتى لك ولابداعك ولاختياراتك
ورمضان كريم
اختكم عفاف

**الألآتى** · #6 30/08/2009, 22h06

إخوانى ..

شرفنى الأستاذ مروان شلبى .. بالمشاركة فى أغنية ( بعد إيه )

وقام مشكوراً بعزف مقاطع الكمان .. بما فيها صولو الكمان

ورأيت أنه من الأنانية ألا تسمعوا معى الأغنية بعد الإضافات الجميلة ..

فشكراً للأستاذ مروان شلبى .. لتفضله وجهده الواضح الجميل .

**ahmed noor** · #7 31/08/2009, 00h52

هى دى روح الاساتذه الكبار اللى مبيفوتوش (فتفوته)

الكلام ده كبير جدا وعندنا اساتذه كباااار جدا جدا جدا

استاذ الاتى .. استاذ مروان

بارك الله فيكما وفى الانامل الذهبيه اللى بتدينا حقنا كـــــــــــلـــــــــه

يا رب يدينى عمر وأكون .. ساعى .. فى وسط هذه النخبه الرائعه من اساتذة الفن

لكم تحياتى ....

**Hisham Khala** · #8 31/08/2009, 09h52

جميلة فعلاً
الكمان بتاعة الاستاذ مراون عملت شغل كويس.
الجليساندو و الماركاتو و التريل ... أضاف للعمل.
بس ليه ما صلحت {لييييه} بعد ليه ضيعت ليه ...
أحسنت يا أبو حسام و أحسنت يا أستاذ مراون.

**محمودسعد** · #9 31/08/2009, 18h45

متجمعين عندالنبي عليه الصلاه والسلام
يااحلي جامعه موسيقيه موجوده في النت كله وبره النت كمان
الاساتذه الافاضل
الالاتي وشلبي شلبي والالاتي محمدالالاتي ومروان شلبي مروان شلبي والالاتي الالاتي وشلبي شلبي والالاتي
الالاتي وشلبي شلبي والالاتي محمدالالاتي ومروان شلبي مروان شلبي والالاتي الالاتي وشلبي شلبي والالاتي
الالاتي وشلبي شلبي والالاتي محمدالالاتي ومروان شلبي مروان شلبي والالاتي الالاتي وشلبي شلبي والالاتي
الالاتي وشلبي شلبي والالاتي محمدالالاتي ومروان شلبي مروان شلبي والالاتي الالاتي وشلبي شلبي والالاتي
الالاتي وشلبي شلبي والالاتي محمدالالاتي ومروان شلبي مروان شلبي والالاتي الالاتي وشلبي شلبي والالاتي

**الألآتى** · #10 31/08/2009, 19h28

اقتباس:

المشاركة الأصلية كتبت بواسطة محمودسعد

متجمعين عندالنبي عليه الصلاه والسلام

يااحلي جامعه موسيقيه موجوده في النت كله وبره النت كمان
الاساتذه الافاضل
الالاتي وشلبي شلبي والالاتي محمدالالاتي ومروان شلبي مروان شلبي والالاتي الالاتي وشلبي شلبي والالاتي
الالاتي وشلبي شلبي والالاتي محمدالالاتي ومروان شلبي مروان شلبي والالاتي الالاتي وشلبي شلبي والالاتي
الالاتي وشلبي شلبي والالاتي محمدالالاتي ومروان شلبي مروان شلبي والالاتي الالاتي وشلبي شلبي والالاتي
الالاتي وشلبي شلبي والالاتي محمدالالاتي ومروان شلبي مروان شلبي والالاتي الالاتي وشلبي شلبي والالاتي
الالاتي وشلبي شلبي والالاتي محمدالالاتي ومروان شلبي مروان شلبي والالاتي الالاتي وشلبي شلبي والالاتي

باقول مجنون .. وماحدش مصدقنى ..

إنت بقى ياسيدى مجنون سعاد حسنى .. ولا مجنون مين بالظبط ..