باحبّك يامصر - الصفحة 3

**على عبداللاه** · #1 09/01/2010, 19h58

اقتباس:

المشاركة الأصلية كتبت بواسطة سعدالشرقاوى

بحبّك يامصر

,,,,,,,,,,,,
آه لو بايدى ياستّ البلاد
واقدرأليّن قلوب الولاد
نراجع تاريخك فى يوم الميلاد
ونرفع رايات الكرامة يامصر
,,,,,
آه لو بايدى واضمّك لحضنى
وابوح لك بحبّى وحنانك ياخدنى
واحسّ انّى ابنك وعطفك ساندنى
وترخص حياتى عشانك يامصر
,,,,,
وأشوفك اصاله وضلّ وامان
وريحة جناين ونخل وغيطان
وألفّ السواقى وأروّى الشراقى
وليكى اشتياقى بيكبر يامصر
,,,,,,
ابنك وكان البعاد غصب عنىّ
وراجع وعارف لطيرك تحنىّ
تقولى ضنايا اللى كان حتـّه منىّ
وأزيّن خدودى بترابك يامصر
,,,,,,
وحنان الامومه يبان ترضى عنىّ
وتحت جناحاتك تسيل دمعة منىّ
ساعتها ح يظهر دليلك لأنىّ
بحبّك بحبك بحبك يامصر
,,,,,,
واخضّر فى سيوه واعمّر فى سينا
فى وسط الصحارى تبان كام مدينه
وأعمل شطوطك مراسى ومينا
واقابل ضيوفك بحضنى يامصر
,,,,,
وقوتى ف يوم التحدّى الوقود
واوقـّف عنيّه حرس ع الحدود
زخيرتك فى دمّى ونفسى بارود
وأفدى ترابك بروحى يامصر
,,,,,,
وأشوفك عروسة فى يوم الزفاف
وأحسّك طهاره واصل وعفاف
وبين الحبايب يموت الخلاف
ونزرع جدورك محبّه يامصر
,,,,,,
ياحضن المقطـّم ياكبرى اللمون
ياريش الحمامه ياغصن الزاتون
ترابك مكاحل لمجرى العيون
ونيلك مسجّل تاريخك يامصر
,,,,,
كلامى وسكوتى ياغاليه بحبك
حياتى وموتى مدوّبنى حبك
واكرّر بصوتى اللى مبحوح بحبّك
واحبك احبك احبك يامصر
,,,,,,,

تحياتى يامن ضغطت على حلاوة الكلمه فى وقت وجود المعنى
هفضل العمر كله اتعلم منك
ومش عارف واوفيك قدرك من الكلام
تقبل تحباتى

**Tarek Elemary** · #2 18/07/2009, 06h27

اقتباس:

المشاركة الأصلية كتبت بواسطة ام مدحت

الاستاذ/طارق العمرى

فعلا شئ غريب جدا
الحاج سعد كتب القصيدة دى واحنا فى احدى القرى المطله على البحرالمتوسط
بعد صلاة المغرب وبعد وضعها فى المنتدى قبل مراجعتها
علشان النت فترات وصوله ضعيفة جدا
زكرت له هذه الملحوظات وفوجئت انى بيقول لى بالنص
(طارق ح يصلحها)
فضحكت وقلت له طيب اتصل عليه قول له
وفعلا حاول الاتصال وقال 012مافيهوش شبكه
خليها على الله
ودا كان سر اصرارى انى انا اللى ارد عليك
سبحان الله مااراها الا لغة القلوب
مع ان الموضوع عنده عادى وفى منتهى الهدوء
بيقول لى (مش قلت لك)
اسمح لى بهذا التدخل فما شغلنى الا انتظارى حتى قرات ردك المتوقع منه
تحياتى لكما

ام مدحت

السيدة الكريمة الفاضلة حرم عم سعد المصون (أم مدحت)
يعلم الله أن القلوب عند بعضها و ما يكنه الفؤاد للمبدع عم سعد لا تسعه الصفحة من حب و تقدير و إعجاب و هو على عظيم إبداعه شديد التواضع و شديد الألفة دام عزه و دام تواضعه و دام إبداعه
يا سيدتى .....
التواصل هنا فى مخيلتى ماهو إلا محاولة للوصول للأجمل و الأفضل فما معنى أن أكون أنا الأفضل أو أتصارع مع غيرى
إنه شعر و الشاعر فنان و الفنان مبدع فإذا أبدع شاعر فجمال إبداعه يصيبنى بحالة نشوة و غبطة و إنتشاء (فأنا مستفيد بلا شك من إبداع غيرى)
و الله هو المبدع الأول و الأعلى و لله المثل الأعلى و أمرنا أن نتفكر فى خلقه و إبداعه (ثم إرجع البصر كَرَّتين هل ترى من فتور)
الحمد لله على صفاء النفوس و على شفافية عم سعد و على قلبك النبيل و سمو مشاعركما و الله أدعو أن يديم هذا الحب السامى النظيف

**اسلام عاكف** · #3 09/01/2010, 08h51

اقتباس:

المشاركة الأصلية كتبت بواسطة سعدالشرقاوى

بحبّك يامصر

آه لو بايدى ياستّ البلاد
واقدر أليّن قلوب الولاد
نراجع تاريخك فى يوم الميلاد
ونرفع رايات الكرامة يامصر
,,,,,
آه لو بايدى واضمّك لحضنى
وابوح لك بحبّى وحنانك ياخدنى
واحسّ انّى إبنك وعطفك ساندنى
وترخص حياتى عشانك يامصر
,,,,,
واشوفك أصاله وضلّ وأمان
وريحة جناين ونخل وغيطان
والفّ السواقى وأروّى الشراقى
وليكى اشتياقى بيكبر يامصر
,,,,,,
إبنك وكان البعاد غصب عنىّ
وراجع وعارف لطيرك تحنىّ
تقولى ضنايا اللى كان حتـّه منىّ
وازيّن خدودى بترابك يامصر
,,,,,,
حنان الامومه يبان ترضى عنىّ
وتحت جناحاتك تسيل دمعة منىّ
ساعتها ح يظهر دليلك لأنىّ
بحبّك بحبك بحبك يامصر
,,,,,,
واخضّر فى سيوه واعمّر فى سينا
فى وسط الصحارى تبان كام مدينه
وأعمل شطوطك مرسى ومينا
وأقابل ضيوفك بحضنى يامصر
,,,,,
وقوتى ف يوم التحدّى الوقود
واوقـّف عينيّه حرس ع الحدود
ذخيرتك فى دمّى ونفسى بارود
وأفدى ترابك بروحى يامصر
,,,,,,
واشوفك عروسة فى يوم الزفاف
واحسّك طهاره وأصل وعفاف
وبين الحبايب يموت الخلاف
ونزرع جدورك محبّه يامصر
,,,,,,
ياحضن المقطـّم ياكوبرى اللمون
ياريش الحمامه ياغصن الزتون
ترابك مكاحل لنور العيون
ونيلك مسجّل تاريخك يامصر
,,,,,
كلامى وسكوتى ياغاليه بحبك
حياتى وموتى مدوّبنى حبك
واكرّر بصوتى اللى ضايع بحبّك
واحبك أحبك أحبك يامصر
,,,,,,,

شكرا يا استاذ سعد عشان امتعتنا بهذه القصيدة الرائعة
اللي بتدخل القلب علطوول ... ومش كتير على مصر ومش غريب عليها
ان يكون فيها شاعر عبقري مثل حضرتك
تقبل مروري وشكرا