أعمال - كمال عواد - الصفحة 2

**كمال عواد** · #1 28/04/2009, 17h06

كلك كرم وزوق يااستاذ محمد....فعلا كده التسجيل احلى..
بس صوت الاستاذ الألآتى احلى بكتير....ودى مجرد تحيه
منى لاستاذنا الكبير لانى سمعت الاغنيه امس..وشدنى الرقه اللى فيها....وقلت اغنى مقطع افكره بيها....ولكن اعمل ايه خبرتى
فى التكنولوجيا بسيطه جدا..وطبعا مابغنيش فى جمالك ولا جمال
الاستاذ..............

**الألآتى** · #2 28/04/2009, 18h10

رائع .. بديع ياأستاذ كمال ..

كنت فين من زمان .. والله إستمتعت .. وكأنى أسمع الأغنية لأول مرة ..

عزف العود جميل ومتمكن .. أما الصوت .. ياعينى .. مطرب ياناس مش أى حاجه ..

وأدينا كسبنا مطرب معانا .. يعنى مالناش حجه .. أنا مش حاغنى تانى .. لأن حرام نهيقى يقارن بهذه الأصوات الجميلة ..

أحسنت ياأستاذ كمال .. وليتك تكمل الأغنية .. عايزين نسمعها على بعضها ..

**كمال عواد** · #3 28/04/2009, 18h25

ياعمنا ياحبيب قلبى...والله انا عاوز اشارك بعمل فى مستوى اعمالكم الجميله...او على المستوى الشخصى..بعمل اخر متكامل
يشبه صوره وايه وانشاء الله قريبا جدا باذن الله...نحن نجهز لاعمال .انشاء الله تحوز رضاكم......بس انا عجبنى اللحن.وقلت ادندن جزء منه على العود...وكنت والله خايف منك
لان اسىء الى لحنك خصوصا بصوتى اللى قدى وعزفى المتواضع...واما حضرتك تقول على صوتك نهيق ( امال انا اكون ايه)..انا سمعتلك سيبه يندم..وياكمال ياكمال....وبقول خساره..الناس الحلوه دى مش واخده حقها........ولازم حضرتك تعلم جيدا اننى هاوى.ولست محترفا

اشكرك كل الشكر على استحسانك لى

**محمودسعد** · #4 29/04/2009, 08h15

فنان جميل ومهذب ومتربي وابن ناس 00 = صوت حلو عزف حلو ملحن حلو
احساس واداء وانفعال ومشاعر 00 = كمال عواد
الحلو يتحب لاجل النبي

000000000000000الحلو يتحب لاجل النبي
الحلو يتحب لاجل النبي
الحلو يتحب لاجل النبي

**عفاف سليمان** · #5 29/04/2009, 10h04

يا استاذ كمال انت فعلا اسم على مسمى
كمال وفيك الكمال من الصوت والاداء واللحن والاحساس
عواد وانت فعلا عواد فى الاحساس فى التعبير
بتتكلم بالعود فى جمال ورقه وعذوبه
ثنائى جميل انت والعود ممتزجون ببعض...... هو بيعبر عن احساسك ودفء مشاعرك
نيجى بقه للصوت مش هعرف اقول زى اللى سبقونى
والله خساره انك متحاولش تستخدم هذه المواهب الجميله التى تمتاز بها
واتمنى من الله عز وجل ان ارى اعمالا لك فى المجالين
ولك وللجميع كل التقدير والاحترام
اختكم عفاف

**كمال عواد** · #6 29/04/2009, 14h05

اقتباس:

المشاركة الأصلية كتبت بواسطة عفاف سليمان

يا استاذ كمال انت فعلا اسم على مسمى

كمال وفيك الكمال من الصوت والاداء واللحن والاحساس
عواد وانت فعلا عواد فى الاحساس فى التعبير
بتتكلم بالعود فى جمال ورقه وعذوبه
ثنائى جميل انت والعود ممتزجون ببعض...... هو بيعبر عن احساسك ودفء مشاعرك
نيجى بقه للصوت مش هعرف اقول زى اللى سبقونى
والله خساره انك متحاولش تستخدم هذه المواهب الجميله التى تمتاز بها
واتمنى من الله عز وجل ان ارى اعمالا لك فى المجالين
ولك وللجميع كل التقدير والاحترام

اختكم عفاف

الاخت الفاضله رقيقه الحس والمشاعر..مدام عفاف

عبير هذا المنتدى القيم...والعطر الذى يملآ صفحاته....لكى طله تعطى للمشاركه حس ومعنى...وتكون اجمل من المشاركه ذاتها

شكرا جدا على اطرائك على..وكل هذا الكلام الجميل..ياريت بالفعل استحقه....ولكنها مشاركه
منى للتعبير عن تعب وجهد الاستاذ اللاتى..لاسعادنا...........................

كل الدعوات منى با الصحه والعافيه لكى وللاسره الكريمه.......اخوكى الصغير ..كمال

**كمال عواد** · #7 29/04/2009, 13h54

اقتباس:

المشاركة الأصلية كتبت بواسطة محمودسعد

فنان جميل ومهذب ومتربي وابن ناس 00 = صوت حلو عزف حلو ملحن حلو

احساس واداء وانفعال ومشاعر 00 = كمال عواد
الحلو يتحب لاجل النبي

000000000000000الحلو يتحب لاجل النبي
الحلو يتحب لاجل النبي

الحلو يتحب لاجل النبي

انت اللى قطعه من السكرياستاذ محمود..وهذا هو الفنان الذى اعتبره فنانا حقيقيا..ان يكون صاحب مبدأ وقيم..اما ان ترتفع بك
الموهبه..او عدمها احسن....كلامك بلسم يشفى العليل...وعلطول بسمع..حاجاتك..خصوصا ابو سمره ..مروقها انت جدا...

واصبح الان لجلوسى على النت معكم مذاق خاص..يسمو بى وبمشاعرى....كل انسان فيكم له طعم حلو...واتمنى من الله

ان يدوم تلك المشاعر المملؤه بالحب...

قول ياحبيبى وصحى الليل

كلامك بلسم يشفى العليل

**كمال عواد** · #8 03/05/2009, 15h33

الى اعضاء المنتدى الكرام زارنى امس صديقى وحبيبى الدكتور اشرف عبدالرحمن.....وكانت جلسه شاعريه مملوؤه بكل المشاعر والاحاسيس..وكان تسجيل هذه الاغنيه الرائعه للفنان
عماد عبدالحليم...بصوته الدافىء المملوء بالشجن وعزفه الحنون على العود..............

متمنيا ان تنول استحسان اعضاء المنتدى الفنانين الكبار

**الألآتى** · #9 03/05/2009, 16h08

الشكر لك أستاذ كمال .. وللدكتور أشرف ..

عزف جميل وأداء أجمل ..

أغنية الشمس غابت من أحب الأغنيات لنفسى ..

وهى مقدمة مسلسل ( الضباب ) الذى قام ببطولته عماد عبد الحليم ..

ومن ألحان الموسيقار محمد على سليمان .

**رائد عبد السلام** · #10 03/05/2009, 17h06

الله ...الله... الله

تسلم يا دكتور ... وتسلم إبداعاتك
صوت سليم وجميل وشجي

أصل (بحري ) ده مابيجيش منه غير
النسيم العليل
ماتحرمناش من جمالك
ياعم أشرف
واللا إنت مالكش حبايب
غير كمال عواد .... صاحبي وحبيبي !!