حكاية جارتى

[hany57]

المشاركة الأصلية كتبت بواسطة ام مدحت

حكاية جارتى

ياحلاوة فقرنا ياجماله

وانا جوزى موظف غلبان

والراتب لو جانى بحاله

بالعافيه يكفـّينى لبان

,,

آدى جارتى وأعصابها الفالتة

كان جوزها ع الدرجة التالتة

شاف واسطه وراح كشك الكارتة

وبيرجع والجيب مليان

,,

وحماها كان خـُط كبير

بيفلكح وكأنه وزير

فى الشبكه بيعمل فوازير

ويوماتى بيشترى فدّان

,,

وأخوها بيسفـّر برّه

ويتاجر فى الفيزا الحـُرّه

ماصدقش ف عمرُه ولا مرّه

وبينجح فى الشورة كمان

,,

وعيالها نهبوا الأملاك

م البانجو بقوا م الملاك

اكبرهم كان صبى سبّاك

وبسرعه صبحُم أعيان

,,,

ودا كلـّه شايفاه بعنيّه

وحبيبى بيتغـزّل فيّه

وعشمنا ف ريحة تقليّه

مخلوطه ف كيلو بدنجان

,,,

وانا ح ارضى بنصيبى وبختى

وأسيبُه واعزّل عند اختى

واتعالج وأنظــّم ضغطى

وأستنـّه فكر الإخوان

,,,

أختنا الفاضلة
الشاعرة أم مدحت
الفكرة جميلة
والنظم أجمل
ولا حرمنا الله أشعارك
وأعتقد أننا الآن عرفنا فكر الإخوان
لك التحية