الجمل الموسيقية

[عادل صموئيل]

اخى العزيز
بالعكس يعنى احنا الاتنين كل ما كلامنا يطول بنقول ذكريات جميلة وخبرات وللعلم فيه مئات بيقروا اللى بنكتبو يستفيدوا منه هو مشكلة البيتستاكاتو الشرقى فى الشيللو والكونترباص انو موهبة اكتر منو دراسة يعنى عظمة وحسان كمال كانوا فلتة من فلتات الزمن وكانوا اصدقائى وحصل كتير لما كنا بنسافر للخارج ان كان فى غرفة الفندق فيها سريرين بينام فيه عازفين وكذا مرة كان شريكى فى الغرفى حسان كمال بالذات .. كنا بنقعد نتكلم وهو حكى لى ان فى العمهد لما اتعلم كان بيتعلم العزف بالقوس والبيتسكاتو التقليدى والغربى اصلا لكن الشرقى ده هو اللى اخترعه ونفس الموضوع لعظمة
والتميز الخطير لهذين الفلتتين واللى ما اتكرروش تانى ان المبدع طالما بيبدع تلاقى ابداعه بيختلف حسب كل لحن وحسب كل جملة يعنى انت لما تركز معاهم تلاقى حركة معينة تجنن بيقولها مثلا لما يكون الايقاع مقسوم والمقام بياتى ولما تركز معاه فى اغنية تانية نفس المقام ونفس الايقاع تلاقيه بيقول ابداع تانى ... العازف القليل تلاقيه بيكرر نفس الحركة فى المقامات او الايقاعات
فى سر من اخطر اسرار الحان عبد الوهاب والسنباطى ثم بعدهم بليغ لقط منهم انك على نفس الفرقة ونفس المقام ونفس الاايقاع ممكن تعمل خمسين جملة كل جملة لها نكهة مختلفة وده الاعجاز بتاعهم يعنى اى ملحن لو انا جبت لو 7 جمل بياتى وايقاعهم مقسوم او واحدة كبيرة والجمل فى الحان مختلفة ممكن نلزقهم ورا بعض ماتحسش امهم الحان مختلفة لأن النكهة واحدة ولكن العبقريات دول كانت النكهة المختلفة بتيجى من حركة بيعملها حسان كمال ما يعملهاش فى اللحن التانى ثم اختراعات عبد الوهاب يعنى يخلى كذا آلة يعملوا حاجة مع بعض او القانون يداعب شىء ورا الفرسة يعنى مش فى منطقة عزفه ولكن فى منطقة نشازه
بس انا بجد كل ما افكر فيك اقول يا بختك انك لسه بتشتغل او ربنا اكرمك وانطك بتلاقى مجال تشبع فيه هوايتك
يعنى احنا الكارثة عندنا ان الفن انحدر مرة واحدة ونوعية العازفين اللى مثلى بقوا موضة قديمة يعنى مالناش شغل
وكلمة شغل مش انى اروح اعزف اى حاجة ف اى حتة واقبض ولكن انى اعزف فى فرقة زى الماسية اللحن كلو بيعتمد على الكمنجات .. مش انا فقط يعنى الحفانوى لو كان موجود النهاردة كان برضو مالوش شغل لن حتى نوعية شغلنا محتاجة سميعة ولحن حلو النهاردة مفيش سمعية فيه ناس بتتنطط والجملة الجملة راحت لن بقى كلو تزريع مزعج بيضيع نكهة الجملة ولاتظهر الجملة الجميلة من الرديئة من اللى اتسمعت 500 مرة قبل كده
مع اطيب تحياتى

[أحمد الجوادي]

المشاركة الأصلية كتبت بواسطة عادل صموئيل

اخى العزيز
بالعكس يعنى احنا الاتنين كل ما كلامنا يطول بنقول ذكريات جميلة وخبرات وللعلم فيه مئات بيقروا اللى بنكتبو يستفيدوا منه هو مشكلة البيتستاكاتو الشرقى فى الشيللو والكونترباص انو موهبة اكتر منو دراسة يعنى عظمة وحسان كمال كانوا فلتة من فلتات الزمن وكانوا اصدقائى وحصل كتير لما كنا بنسافر للخارج ان كان فى غرفة الفندق فيها سريرين بينام فيه عازفين وكذا مرة كان شريكى فى الغرفى حسان كمال بالذات .. كنا بنقعد نتكلم وهو حكى لى ان فى العمهد لما اتعلم كان بيتعلم العزف بالقوس والبيتسكاتو التقليدى والغربى اصلا لكن الشرقى ده هو اللى اخترعه ونفس الموضوع لعظمة
والتميز الخطير لهذين الفلتتين واللى ما اتكرروش تانى ان المبدع طالما بيبدع تلاقى ابداعه بيختلف حسب كل لحن وحسب كل جملة يعنى انت لما تركز معاهم تلاقى حركة معينة تجنن بيقولها مثلا لما يكون الايقاع مقسوم والمقام بياتى ولما تركز معاه فى اغنية تانية نفس المقام ونفس الايقاع تلاقيه بيقول ابداع تانى ... العازف القليل تلاقيه بيكرر نفس الحركة فى المقامات او الايقاعات
فى سر من اخطر اسرار الحان عبد الوهاب والسنباطى ثم بعدهم بليغ لقط منهم انك على نفس الفرقة ونفس المقام ونفس الاايقاع ممكن تعمل خمسين جملة كل جملة لها نكهة مختلفة وده الاعجاز بتاعهم يعنى اى ملحن لو انا جبت لو 7 جمل بياتى وايقاعهم مقسوم او واحدة كبيرة والجمل فى الحان مختلفة ممكن نلزقهم ورا بعض ماتحسش امهم الحان مختلفة لأن النكهة واحدة ولكن العبقريات دول كانت النكهة المختلفة بتيجى من حركة بيعملها حسان كمال ما يعملهاش فى اللحن التانى ثم اختراعات عبد الوهاب يعنى يخلى كذا آلة يعملوا حاجة مع بعض او القانون يداعب شىء ورا الفرسة يعنى مش فى منطقة عزفه ولكن فى منطقة نشازه
بس انا بجد كل ما افكر فيك اقول يا بختك انك لسه بتشتغل او ربنا اكرمك وانطك بتلاقى مجال تشبع فيه هوايتك
يعنى احنا الكارثة عندنا ان الفن انحدر مرة واحدة ونوعية العازفين اللى مثلى بقوا موضة قديمة يعنى مالناش شغل
وكلمة شغل مش انى اروح اعزف اى حاجة ف اى حتة واقبض ولكن انى اعزف فى فرقة زى الماسية اللحن كلو بيعتمد على الكمنجات .. مش انا فقط يعنى الحفانوى لو كان موجود النهاردة كان برضو مالوش شغل لن حتى نوعية شغلنا محتاجة سميعة ولحن حلو النهاردة مفيش سمعية فيه ناس بتتنطط والجملة الجملة راحت لن بقى كلو تزريع مزعج بيضيع نكهة الجملة ولاتظهر الجملة الجميلة من الرديئة من اللى اتسمعت 500 مرة قبل كده
مع اطيب تحياتى

أخي العزيز الأستاذ عادل المحترم

كل عام وأنت بألف خير، عيد ميلاد مجيد.
أعاده الله عليك وعلى جميع مسيحيي حبيبتي مصر أم الدنيا وعلى جميع مسيحيي الشرق من أقباط إلى أرمن إلى باقي الطوائف الحبيبة، وأعاده الله على مصر أم الدنيا وعلى جميع العرب مسلمين ومسيحيين بالخير والسعادة والازدهار.
أدعو الله أن تستمر الأحوال المستقرة في مصر الغالية جدا على قلبي، وأن يمتد الاستقرار لباقي الدول العربية.

بالنسبة لعظمة وعازف الشيللو حسان كمال فهما فعلا شيئا مدهشا، بالمناسبة لم أكن أعرف اسم عازف الشيللو قبل أن تكتب لي انت اسمه، لكنني باستمرار حينما أشاهد حفلة من حفلات كوكب الشرق، أقوم بمراقبة الحوار الأكثر من الرائع بين عظمة وحسان، أكثر من مراقبتي للست وللفرقة، فهو فعلا شيء مثير للدهشة. أنا ما بعرفش الاتنين، لكن باعرف أولاد عظمة الاتنين عصمت وحسيب، رحمهما الله، عصمت كان عازف كونتراباص هايل وحسيب كان زميلي في الكونسيرفتوار.
لا أخفي عليك فأنا في أشد الشوق لأن أجلس في فرقة شرقية كبيرة فكل الفرق التي عملت بها منها إثنتين شكلناها أنا وصديقي فيها عدد من الآلات لكن فيها كمان واحد وشيللو وبعض الآلات المختلطة، الكمان هو أنا.
تعلم بأنك حينما تجلس إلى جوار عازف كمان وكما نقول واحد يسلي التاني واحد بيقول عربة وصاحبه بيقول عربة تانية، بتكون حاجة في منتهى الجمال، أنا مفتقد لكل ده. يعني بيكون الشغل مرتب جدا لكنه (خواجاتي)، صحيح اني باعزف باسلوب عربي أصيل وأحيانا تركي بحسب العمل، لكن غير لما بتقعد جنب عازف كمنجة.
والأدهى هو أنني مفتقد للجو الشرقي، مفتقد لأن أجلس في قهوة حقيقية زي ما كنت زمان لما كنت طالب في مصر، كنت أجلس على طول في قهوة العريش في وسط البلد، وكان على طول بيقعد نجيب محفوظ ويلتف حوله عدد كبير من محبي الأدب، وكان بيقعد على بعد متر أو مترين من المكان اللي بنقعد فيه أنا وأصحابي.
بس بيني وبينك فإن مصيبة الأغاني الهابطة قد وصلت لأوروبا، سأروي لك قصة حدثت معي قبل عدة سنوات حينما كنت في لندن.
مرة كنت شغال في حفلة وكان العازفين مختلطين ما بعرفش أغلبهم، عارف إيه اللي قالوا لي؟
قال لي أحدهم: العازف الشاطر هو اللي بيكون حافظ أغاني فلان وفلاني، يعني الأغاني لناس أصبحوا مطربين وهم لا يعرفون شيء عن الموسيقى، يعني الأغاني اللي لو طلعت في التلفزيون عندي أو عندك فأنا وأنت سنغير المحطة عشان ما بنقدرش نقاوم نسمع النشاز ده والأغاني السيئة للغاية دي، ده في نظرهم هو العازف الشاطر. تخيل؟؟؟
بس كان لي أصحاب موسيقيين في لندن أغلبهم مصريين، كان المرحوم عبود عبد العال صديق كنت أحبه جدا وهو كان يبادلني نفس الحب، كنا بندردش في التلفون عشان كان ساكن بعيد جدا عني. وكان لي أصدقاء تانيين زي الجمل الكردي واللي اسمه الحقيقي جميل عوض، وهو من عازفين الأكورديون القدامى، وهو ظهر في نفس الوقت الذي ظهر فيه فاروق سلامة، واختارته أم كلثوم عشان يشتغل معاها لكنه لم يشتغل عشان كوكب الشرق كانت بتعمل بروفات كتير وكان الدفع مش ولا بد، ويقوللي انه كان بيجيب اللي بتدفعه كوكب الشرق في يومين. عشان كده برز فاروق سلامة، ولا أظن أنك تعرفه عشان هو صحيح من عمرنا تقريبا يعني أكبر مني بحاجة بسيطة لكنه نزل السوق (كما كنا نسميها) بدري وهو صغير جدا، وبعد كده ترك مصر إلى لبنان وثم إلى سوريا وبعد ذلك اتجه إلى لندن وهو مستقر هناك إلى اليوم. وفيه لي كمان صديق تاني اسمه وائل أبو بكر، وهو عازف كمنجة كويس جدا، صباعه يشبه صباع الجرشة، وكان لي أصحاب كتير غيرهم.
كنت على طول باقضي الوقت مع صديقي الجمل الكردي (جميل عوض) ومرة كنا قاعدين في بيته وقام عزف لي لونجا من تأليفه، قلت له حاوزعهالك دلوقتي، فقمت على كومبيوتره وكان منزل فينالي اللي باشتغل أنا عليه، وقمت كتبتها بسرعة وقمت موزعها ومخلصها واحنا قاعدين عنده في الشقة. أهي دي اللونجة اللي قلتلك عليها، لكن حطيت الأصوات بعدين:
Longa El-Gamal El-Kurdi, Arrangement and Harmony by Ahmad Al-Jawadi - YouTube

الجمل كان بيقولي انه مرة حصلت خناقة بينه وبين عبود في أغنية على الله تعود لوديع الصافي، كان الجمل الكردي بيضيف إضافة مش مكتوبة في النوتة وده خلى عبود يعصب على الجمل، لكن لما وديع سمعها قال لعبود: خليها زي ما بيقولها، أهي الأغنية والسولو، السولو اللي حصلت الخناقة عليه ييجي بعد دخول وديع مباشرة، يعني بعد على الله تعود على الله، سولو صغير جدا:
‫ظˆط¯ظٹط¹ ط§ظ„طµط§ظپظٹ - ط¹ظ„ظ‰ ط§ظ„ظ„ظ‡ طھط¹ظˆط¯ (ظ†ط³ط®ط© طµط§ظپظٹط©)‬‎ - YouTube
بالمناسبة فسولوات أغاني فيلم فريد الأطرش على الأكورديون للفيلم اللي عمله في لبنان كلها من عزف الجمل الكردي، وكان شغال مع عبد المطلب زمان.

لما كنت في مصر، انت عارف لما كنت باروح تسجيلات كل مرة باقعد جنب عازف واتعرف عليه، ويكون كتير من العازفين أكبر مني ويعرفوا كتير عن أسرار المغنين والملحنين، وكانوا بيقولولي على طول على حاجات مش ممكن أعرفها إلا منهم.

بالمناسبة فإن عبود عبد العال هو من أصل مصري ومن طنطا، وهو قريب الجرشة، وحسب ما انا فاكر انه قال لي أن الجرشة هو ابن عم أبوه أو حاجة زي كدة.

إلى اللقاء مع دردشة أخرى

خالص تحياتي

أحمد الجوادي

[عادل صموئيل]

اخى العزيز اشكرك على المعايدة
واشكرك على الذكريات اللى تشبه ذكرياتى
اما عن الكمنجات .. هو كان زمان فى العشرينيات كان الفرقة الموسيقية تخت شرقى يعنى كلهم على بعضهم كانو خمس عازفين .. لكن لما ظهر عبد الوهاب ابتدت الفرقة تكبر ولما وصل العدد الى اكتر من 7 كمنجات هم مع بعض بيبقى صوتهم بناتى شوية لذلك اضيف التشيللو يعمل بالانس فى الصوت ثم اضيف شيللو تانى لحد ماوصلنا ل 12 كمنجة وعليهم 3 شيللو وكان زى ماقلت لك وظيفة الشيللو الاوسط البيتسكاتو

وانت لو عازف كمان شطاطر ولوحدك فى مجموعة بتقول بمستواك ولكن لو جنبك كذا عازف حلو بتقول اكتر من مستواك كذا مرة لأن بيطلع شىء نفسى خطير اسمو السلطنة .. يعنى انت لو ولحدك لازم تشيل الشغلة كلها مش حايبقى عندك وقت تلعب اوتقول حلية حلوة لن ممكن المطرب يقع لنو بيغنى على الكنجة لكن لما يكون كذا عازف وانت نفسك تقول حاجة تبقى شىء مربح للشغلة ..وبعدين سر طرب زمان ان الكذا كمنجة الحلوين اوى لما يتسلطنوا ويطلعوا ابداعهم بيبقى شىء يفوق الخيال وهو من اهم مميزات فرقة ام كلثوم لن مفيش نوتة وبتعتمد على الحفظ والمواهب وتلاحظ اعلى اعلى درجات السلطنة والانسجام لما الفرقة تعزف لازمة الانتظار مرتين وام كلثوم ماتدخلش تغنى والفرقة تعزف الازمة كذا مرة تلاقى كل اعادة فيه حاجة مختلفة لأن الكمنجات بتبقى وصلت لأقصى درجة من السلطنة والابداع والحكاية ى بتعمل مشكلة فى المونتاج يعنى الازمة يتتعاد 6 مرات وحرام انك تقص من الكنوز دى وترمى
اما عن اولاد عظمة انت طبعا كنت اعرفهم شخصيا واقول لك حاجة يمكن انت اول مرة تسمعها .. عصمت عباس عازف الكونترباص المبدع لما كبر شوية لعب بيز جيتار .. وللعلم كان احلى بيز جيتار سمعتو فى حياتى لنو بيلعب على البيز جيتار نفس اللى بيقولو على الكونترباص يعنى زى ما انت فاهم اصول العزف على الكونترباص الشرقى وشرب من ابوه كتير جدا جدا .. جبناه مرة فى الفرقة الماسية فى اغنية فايزة ياما انت واحشنى عزف معانا بيز جيتار وكان مذهل يعنى نسى تشوف الاغنية دى وتسمعها بعد ماقلت لك وتركز مع البيز جيتار بس هى كانت فى الاغنية دى بس ما اتكررتش لأن جايز والله اعلم يكون عبد الحكم اتضايق لأنو حس انو بيلغيه كده يعنى الكونترباص بيبقى صوته جوا الفرقة وممكن يكون الميكروفن بتاعه مش مركز او مش مضبوط لكن البيز جيتار معاه زمان كان امبليفاير كبير اد التلاجة ال 10 قدم لأنو لو اتحط فى امبليفايزر بتاع الاورج او الجيتار يفرقعه يعنى بياكل الجو
ومع الاسف مافيش واحد بيز جيتار حلو شرقى فى مصر كلهم بيقولوا اى حاجة مقرفين يعنى يعنى حتى او اتكلت عليه فى الحرف اللى مع الدوم اول المازورة ممكن زمنه مش حلو وبيوقع الايقاع غير البلاوى يعنى انت بتقول مى بيمول وهو بيديك رى او دو دييز وهو يديك دو وبالطبع لما يكون المقام شرقى ومعندوش سيكاه اللى زى عصمت عباس بيتصرف يعنى بيديك حروف تجمل البياتى اوى مش تدمره
وعبده داغر كمان كان صديقى وهو من عائلة كلها بتوع كمنجة يعنى اخوه عيسوى كان عازف ودلوقتى بيشتغل بيصلح كمنجات فى بيتو فى عابدين ولهم اخ ثالت اسمو خضر داغر فاتح محل الات موسيقية فى شارع محمد على فى الحارة اللى على ناصيتها هوة التجارة بس الكارثة انى بحكى لك عن حاجات كلها اندثرت يعنى كل محلات الموسيقى ف شارع محمد على قفلت حتى قهوة التجارة اللى كانت جزء من تالايخ الفن فى مصر قفلت وتتصور انا عندى مشكلة خطيرة او كارثة انى دلوقتى لو عايز املا شعر قوس ما الاقى حد كويس بضطر اشترى قوس صينى تمنو خمسين جنيه وطبعا قوس من وزن قوس المحترفين بس المذطر بقى يعنى بشتغل بيه شوية ( فى البيت طبعا ) وبرميه ...اما عائلة الجرشة هو كان زميلى فى الكلية بس هو اتاخر كتير اوى وكانت معايا نفس دفعتى اختو كان اسمها فاطمة الجرشة وبعدين بقت معيدة وزمانها بقت دكتورة وهو بيقربوا لعبود عبد العال
زمان كان الموسيقى الشاطر بيقاس حافظ ايه للعمالقة يعنى انا شفت واحد عازف جيتار لازم اقل شىء يكون حافظ صولوهات ام كلثوم مثلا لقيته مش حافظ يبقى لايساوى شىء ... دلوقتى الذوق بتاع بعض المستمعين بقا زبالة بس برضو فيه ناس لسه بتسمع واولادهم بيسمعوا بدليل حفلات فى الاوبرا ليها رواد منتظمين وانت لو تقدر تعمل فرقة صغيرة فى المكنا اللى انت فيه ولو عندك امكانيات تجيب كام عازف وتعزفوا الاغانى الشرقية اللى على اصلها حاتكسروا الدنيا ... يعنى انت قلت انك بتكتب اللى فى مخك وبتجيب عازف اجنبى وبيعزفه بس بيبقى عزف ميتود مافيهوش روح يعنى مثلا عندك حسن شرارة هو فى الغربى انا اعترف انو احسن منى 100 مرة لكن فى الشرقى
لو فيه صولو بياتى انا اقوله بمعنى لو هو قاعد جنبى وفيه صولو غربى هو طبعا احسن منى لكن لو فيه صولو بياتى بالطبع انا اقوله احلى والفكرة ان العازف الشرقى المكقامات دى بتبقى فى دمه
حاكتب لك تانى بعد كده عبد الوهاب كان بيعمل ايه مع بتوع الاورج اول ما السيكاه ظهرت فى الاارج او على الاصح الاورج كان غربى واول ما ركبوا لو سيكاه
مع اطيب تحياتى

[khalil mourad]

حديثكما هذا ذو شجون، عندما رحل عنا العظماء لم أن قد تجاوزت بعد الثمان سنوات من عمري، لكني كلي حنين إلي هذا الزمان الجميل
أكملا حديثكما، ودعاني أصغي، لو سمحتما
كم أنا فخور بمعرفتكما
تحياتي

[أحمد الجوادي]

المشاركة الأصلية كتبت بواسطة khalil mourad

حديثكما هذا ذو شجون، عندما رحل عنا العظماء لم أن قد تجاوزت بعد الثمان سنوات من عمري، لكني كلي حنين إلي هذا الزمان الجميل
أكملا حديثكما، ودعاني أصغي، لو سمحتما
كم أنا فخور بمعرفتكما
تحياتي

صديقي العزيز أستاذ خليل المحترم

فعلا حديثنا ذو شجون، نحن الإثنان أنا والأستاذ عادل من نفس العمر الفني والحقيقي، وكل منا له ذكريات خاصة به، وذكريات الأستاذ عادل هي في مصر وأنا ذكرياتي في مصر والعراق والأردن والسويد وإنجلترا بسبب كثرة ترحالي وقسم منه ترحال قسري ما أبعدني عن وطني الكبير. وكلام أخي العزيز يثير عندي أجمل الذكريات والتي سوف أكتبها شيئا فشيئا.
كنت أنوي منذ زمن أن أكتب مذكراتي ويبدو أن الوقت قد حان والفضل يعود لأخي الاستاذ عادل.
هناك الكثير الكثير في جعبتي لم أكتبه بعد، ففي كل حقبة من حياتي يوجد الكثير جدا، وفي كل فرقة عملت بها أو ترأستها لدي ذكريات جميلة جدا ونوادر قسم منها عجيبة. تخيل أنني عزفت مع أناس كثيرين جدا ابتداءا من موسيقار الأجيال محمد عبد الوهاب وانتهاءا ببعض طلابي الموهوبين جدا، ووزعت الكثير جدا من الموسيقى ففي التلفزيون العراقي فقط لدي ربما أكثر من مائة لحن من توزيعي، لكن بعد عام 2003 فقدنا كل شيء وأصبح الغوغائيين يعبثون بأعمالنا التي كلفتنا الكثير جدا من الجهد والوقت، ويسحبون الأشرطة الموسيقية لتسجيلاتنا وكأنها لعب أطفال ولا يعرفون قيمتها وماذا بها!!!
وبالمناسبة فتوجد أشياء كثيرة جدا مشتركة بيننا نحن الاثنين، أولها عطاءنا غير المحدود وحبنا بل عشقنا لهذا العطاء الذي هو بدون أي مقابل.

خالص محبتي

أحمد الجوادي

[عبد الهـادي]

السلام عليكم
أستادي العزيز أحمد الجوادي
أتمنى أن تكون بخير و بصحة جيدة
لو سمحت لي و كان لديك القليل من الوقت
أود أن أسئلك بخصوص التعامل مع الموتيف
هل يجب أن نعتمد على احساسنا عند التعامل مع الموتيف اعتمادا على قواعد الفارييشن
و هل يمكن أن نستخدم الموتيف اعتمادا على احساسنا فقط دون التطرق لقواعد الفارييشن
و بالنسبة لعملية تلحين الكلمات هل يمكن أن نستخدم فيها الموتيف و قواعد الفارييشن أم لا
و شكرا جزيلا أستادي العزيز
مع تحياتي و خالص محبتي و تقديري

[أحمد الجوادي]

المشاركة الأصلية كتبت بواسطة عبد الهـادي

السلام عليكم
أستادي العزيز أحمد الجوادي
أتمنى أن تكون بخير و بصحة جيدة
لو سمحت لي و كان لديك القليل من الوقت
أود أن أسئلك بخصوص التعامل مع الموتيف
هل يجب أن نعتمد على احساسنا عند التعامل مع الموتيف اعتمادا على قواعد الفارييشن
و هل يمكن أن نستخدم الموتيف اعتمادا على احساسنا فقط دون التطرق لقواعد الفارييشن
و بالنسبة لعملية تلحين الكلمات هل يمكن أن نستخدم فيها الموتيف و قواعد الفارييشن أم لا
و شكرا جزيلا أستادي العزيز
مع تحياتي و خالص محبتي و تقديري

صديقي العزيز أستاذ عبد الهادي المحترم

شكرا على سؤالك الجميل
لا اذكر إن كنت قد نشرت هنا في سماعي شرحا عن السوناتة، واقصد أجزاء السوناتة أم أنني لم أفعل!

على العموم فحينما نقول سوناتة يتبادل إلى ذهن القارئ عملا موسيقيا مكتوبا لآلة مثل البيانو أو أكثر من آلة، إلى أن يصل العدد ليصبح للأوركسترا وفي هذه الحالة تسمى سيمفونية.
أرجو أن لا تؤدي كلمة سوناتة إلى لبس في الفهم حيث أن السوناتة ممكن أن تعني قالب السوناتة وممكن أن تعني العمل الكامل.

الحركة الأولى من السوناتة والتي عادة ما تكون سريعة، تبنى عادة على قالب السوناتة والذي كنت قد شرحته سابقا وحللت حركة منه وكانت معزوفة مسائية صغيرة لموتسارت.

الحركة الثانية من السوناتة والتي غالبا ما تكون بطيئة، هناك خيارات عديدة لبناء هذه الحركة، من هذه الخيارات هي أن تبنى على قالب اللحن والتنويعات، أي Theme and Variations أو Air and Variations.

بصراحة لا يمكن أن نسميه قالب لكنني سأستمر بتسميته قالب أثناء الشرح، لأن فيه حرية كبيرة في التأليف، مثلا لا يمكن مقارنته بقالب السوناتة (Sonata Form) أو بقالب الروندو بأشكاله، أو قالب المينويت والتريو، أو غيرها من القوالب التي يجب أن يلتزم المؤلف فيها بقواعد وقوانين معينة في تأليفها.

هذا القالب هو عبارة عن لحن بسيط يختاره المؤلف، إما أن يكون من وضعه أو أن يأخذه من مؤلف آخر، أو من لحن شعبي ويبني عليه الفارييشنات.
عادة ما يكون اللحن الذي يختاره المؤلف أن يكون ثنائي أو ثلاثي، والأمثلة كثيرة جدا على ذلك، وقد أبدع الكثير من المؤلفين بصياغة هذا القالب.

في هذا القالب وبعد أن يستعرض المؤلف اللحن الاساسي، يبدأ بكتابة تنويعات (Variations)، هذه التنويعات تكون مبنية اللحن الأصلي، إما أن تكون التنويعات لحنية أو أن تكون هارمونية.
في كلا الحالتين يجب أن يكون اللحن الأصلي واضحا ومتواجدا في التنويعات، أي أنك تسمع اللحن الأصلي في التنويعات لكن بطرق مختلفة.
في حالة التنويعات اللحنية، يتم عمل تغييرات (وتجميلات) في اللحن نفسه، لكن النوتات الأساسية التي في كل فارييشن يفترض أن تكون متواجدة، لكن بطريقة مغايرة.
أما الفاريشن الهارموني فغالبا ما يكون اللحن الأساسي موجوداً كما هو لكن التنويعات تكون على الهارموني المصاحب له.

أي ما يعني أن للمؤلف الحرية الكاملة في اختيار الطريقة التي يعمل بها الفارييشنات، لكن طبعا بحدود وهي أن يلتزم باللحن الأصلي وان لا يبتعد عنه ويذهب لمكان آخر بعيد جدا. كل شيء وارد في عمل التنويعات، حتى تغيير السلم، وحتى تغيير الميزان.

اخترت لك فارييشن لموتسارت وهو من أكثر الفارييشنات شيوعا وفي نفس الوقت فقد أبدع موتسارت أيما إبداع في صنع هذه التنويعات، اللحن الأساسي هو أغنية توينكل.

https://www.youtube.com/watch?v=fGGWtz_v6xM

خالص محبتي

أحمد الجوادي