طلبات نوتة أ / عادل صموئيل الجزء الثانى

**وائل علوي** · #1 31/01/2013, 02h41

السلام عليكم جميعا
اخواني الاعضاء وحشتوني جدا
استاذي الفاضل عادل صموئيل ربنا يديك الصحة والعافية على هذا المجهود والكرم الحاتمي
ارجو ممن لديه الملف الصوتي لسماعي نهاوند زي زمان -احمد حسن لانه جميل ومحتاجه
واشكر الاخ الذي طلبه وعرفنا عليه والشكر كل الشكر لاخونا عادل على كتابته
اخى العزيز وائل
اليك الملف الصوتى هو موجود فوق فى اول الصفحة فيديو كمان لو تحب
مع اطيب تحياتى عادل صموئيل
مع خالص تحياتي

**علي ثلاثة** · #2 31/01/2013, 09h36

أستاذ عادل
سلام وتحية لك ولكل الأعضاء
--
من فضلكم
ما حكاية هذه الأغنية وقد أدرجت لها
بعض الروابط
--
ما سنة ظهورها
‫ط£طھط¹ط¬ظ„ ط§ظ„ط¹ظ…ط± ط§ط¨طھط؛ط§ط، ظ„ظ‚ط§ط¦ظ‡ط§ - ظ…ط*ظ…ط¯ ط¹ط¨ط¯ ط§ظ„ظˆظ‡ط§ط¨ Mohamed Abdelwahab‬&lrm; - YouTube

‫ط§ظ… ظƒظ„ط«ظˆظ… - ط§طھط¹ط¬ظ„ ط§ظ„ط¹ظ…ط± طھط³ط¬ظٹظ„ ظ†ط§ط¯ط± ظƒط§ظ…ظ„‬&lrm; - YouTube

‫ط§ظ… ظƒظ„ط«ظˆظ… ظˆظ…ط*ظ…ط¯ ط¹ط¨ط¯ ط§ظ„ظˆظ‡ط§ط¨ - ط§طھط¹ط¬ظ„ ط§ظ„ط¹ظ…ط±‬&lrm; - YouTube

وشكرا

اخى العزيز
انا من الروابط ممكن اتخيل حكايتها
طبعا بخبرتى
اول رابط مكتوب سنة 1927 عبد الوهاب لحن الاغنية دى وسجلها ولكن يظهر لسبب ما هو ما اذاعهاش وده اللى خلى السنباطى يلحنها تانى لأم كلثوم
سنة 1937 والرابط الثالث ده حد بيلعب يعنى لزق سطر من دى وسطر من دى هو بس حظه ان المقامات متجانسة
مع اطيب تحياتى عادل صموئيل

**نور الصباح** · #3 02/02/2013, 23h16

أســــــــــــــتاذنا الجليل وصديقــــــــــــــنا العزيز وأخــــــــــــانا الحبيب
عـــــــــــــــــــــــــــــــــــــــــــــــــ ــــــادل صموئـــــــــــــــــــــــــــــــــــــــــــيل
سلام الله عليكم ورحمته وبركاته
وبعـــــــــــــــــــــــــــــــــــد :
بمناســــــــــبة ذكرى رحيــــــل ووفاة الفنان الموسيقار الراحل
فريـــــــــــــــــــــــــــــد الأطرش
طلبنــــا من جنابكم أن تتكرم بتدوين الأغنيات التالية :
1 - (يا حبيبى يا إللى جنبى ) فى الصفحة رقم ( 119) بتاريخ 26 / 12 / 2012
2 - ( حبيبى فين إنت فين) فى الصفحة رقم ( 127) بتاريخ1 / 1/ 2013 وذلك بعد تغيير الملف التالف
3 - ( بعد إللى كان) فى الصفحة رقم ( 119) بتاريخ 26/ 12 / 2012
4 - ( أجـــــــــل بهـــــــواك) فى الصفحة رقم 121 بتاريخ 27 / 12 / 2012
علما بأن هـــذه الأغنيات غير مدونة من قبل ولا توجد فى أى
منتدى متخصص أو غير متخصص
أطال الله عمركم وجعلكم حارسا وفيا - كما كنت دائما -
على نشر ورفعة الموسيقى العربية والفن العربى الأصيل
والعمل على ارتقائها وحسن تذوقها وانتشارها عالميا
ملحوظة هامة : و الحمد لله القائمة نقصت - ههـــــــــــاههههـــــــهههاى
وشكررررررررررررررررررررررررا
أخوكم
نور الصباح

**نور الصباح** · #4 02/02/2013, 23h21

الأخ الحبيب والفنان الكبير الأســـــــــــــــــــــــــتاذ المايســـــــــــــــــــترو
عـــــــــــــــــــــــــــــــــــــــــــــــــ ــــــــــــادل باشـــــــــــــــا صموئــــــــــــــــــــــــــــــــــــيل
سلام الله عليكم ورحمته وبركاته
وبعــــــــــــــــــــــــــــــــــــد :
ما أشـــــــــــــبه الليـــــــــــــــلة بالبارحـــــــــــــــــة وما أشـــــــــــــــبه الأمس
باليــــــــــــــوم
لقـــــــــــد أخـــــــــذت ( اللمبة السحرية ) من فيلم ( عفريتة هانم ) فاكره ولا لأ
ودخلت بشــــــــــــويش مغارة الفنان الراحل المايســــترو وموســـــــــــــــيقار
الأزمان كما يحب أن أن يســـــــــــموه محبـــــــــوه فوجدت بالمغارة الجميلة
والرهيبة للراحل الجميل كثيرا من الأغانى الوطنية التى تســـــــــــــــمعها وكأنها
كتبت لهذا الزمن وهذه الثورة { ثورة 25 يناير }
فلماذا يطمس ويترك هذا التراث الرائع والجميل والمعبر وهذه الأعمال الرائدة
والمفروض أن ننفخ فيها روح الحياة من جديد
فياريت ياريت جنابك تتكرم بتدوينها إنصافا لهذا الفنان العظيم الذى أحب مصر
قلبا وقالبا وقد عاشت مصر والعالم العربى والقومية العربية فى ضميره حتى
توفاه الله وعاش هو فى ضمير مصر والأمة العربية والوطن العربى فى غنائه
وموسيقاه
فلو سمحت وسمح وقتكم الثمين أن تدون هذه الأغنيات وهى :
1 - -{نشيد الجامعات }- الملف الصوتى صفحة (144) بتاريخ 29 / 14 / 2013
2 - -{ثورة مايو }- الملف الصوتى صفحة (144) بتاريخ 29 / 14 / 2013

3 - -{نشيد الشباب }- الملف الصوتى صفحة (144) بتاريخ 29 / 14 / 2013

4 - أغنية -{ قول للخاين والمأجور }- الملف الصوتى صفحة (144) بتاريخ 29 / 14 / 2013

وهى أغان وطنية مناسبة لما تمر به البلاد تسمعها فتجد أنها صيغت لتناسب ثورة يناير 2011
وشكررررررررررررررررررررررا
أخوكم
نور الصباح

**عاصم المنشاوى** · #5 03/02/2013, 17h44

استاذ أعادل

تعيش وتفتكر....38 سنة عدت....ذكرياتك مع الحدث ده ...وتأثير الوفاة على بليغ والسنباطى كان ايه؟

**عادل صموئيل** · #6 04/02/2013, 17h49

اقتباس:

المشاركة الأصلية كتبت بواسطة عاصم المنشاوى

استاذ أعادل

تعيش وتفتكر....38 سنة عدت....ذكرياتك مع الحدث ده ...وتأثير الوفاة على بليغ والسنباطى كان ايه؟

اخى العزيز
السؤال ده عويص جداوينفع اجابته تبقى ضمن موضوع رسالة دكتوراه , وانا كنت طول وقتى ( او طبيعتى ادرس واتامل فيما حولى ) يعنى ممكن واحد كان موجود زميلى لكن كان بيعزف ويقبض ويمشى من غير مايحلل المواقف والشخصيات ف ما يقوبش اللى حقوله
اولا بالنسبة لبليغ حمدى يعنى ام كلثوم كانت بتمثل له 20% من انتاجه الفنى فكانت الخسارة كبيرة .. وبعد وفاة ام كلثوم عوض الاغانى الطويلة مع عبد الحليم ووردة
لكن الكارثة الكبرى كانت لرياض السنباطى , لن ام كلثوم بالنسبة له كانت المطربة اللى بتنفذ 80% من انتاجه الفنى الصعب جدا على غيرها .. ولولا ام كلثوم ماكان السنباطى وصل الى هذا الحجم الدولى او كان بقى زى محمود الشريف يعنى عبقرى لكن شهرته محدودة .. والموضوع ان ام كلثوم كانت تنظيم او مؤسسة يعنى ام كلثوم وفرقتها ونظام الشغل .. كانت فرقة ام كلثوم بتعزف من غير نوتة ( مع ان نفس العازفين بيشتغلوا فى الفرقة الماسية واللى هم احسن ناس مجتمعين بيقروا نوتة فى العالم العربى ) لكن كان نظام ان الملحن بيعمل بروفات شهر ونصف على اللحن وبيحفظ الفرقة على العود مميزاته ان العازف بيحفظ كل همسة او نفس فى اللحن وده اللى بيديك السلطنة الغير عادية فى اغانى ام كلثوم بالذات .. يعنى من وجهة نظرى انا سعاد محمد هى رقم 2 بعد ام كلثوم ولكن الفرقة ( او الفرق ) اللى بتغنى عليها كانت بتعزف بنوتة .. وهنا رياض السنباطى لما يعمل لحن لازم يبقى محدود ( او متكتف بالمصرى ) يعنى لازم يعمل جمل تتكب نوتة 100% لأن هذه الفرقة كبيرها اسبوع بروفات والتحفيظ مش حاينفع , يعندى عندك مثلا لحن زى اراك عصى الدمع ده عشان يتعزف كما ينبغى لازم يتحفظ .. كمان كانت سعاد محمد لما بتغنى ام كلثوم ( بعد وفاة ام كلثوم طبعا ) كانت بتبقى حلوة ليه ؟ عشان هى والفرقة حافظين اللحن صم من ام كلثوم .. لكن لو لحن من دول كان جديد مش ممكن حايطلع بالجودة دى .. واقول لكم على سر .. ان كذا مشروع اغنية كان بيشتغل فيهم السنباطى المفروض لأم كلثوم ولكن مع وفاة ام كلثوم اضطر يسعملهم اسهل شوية عشان مشكلة النوتة ... واحكى لكم قصة صغيرة انا حضرتها فى الفرقة الماسية فاكرين اغنية نبتدى منين الحكاية .. فيها كوبليه طويل بيبتدى بأدليب بيقول : وف لخظة وقفنا وابتدا خوفنا .. الادليب ده 3 اسطر وباقى الكوبليه اللى على ايقاع .. احنا اخدنا 3 ايام نعمل ال 3 اسطر الادليب ونص ساعة خلصنا الاربع صفحات بتاعة باقى الكوبليه واللى على ايقاع .. والسبب ان الملحن والمطرب فى الأدليب بيحفظونا الروح والاداء والسكتات والنفس بين جزء وجزء .. اما اللى على ايقاع هو متكوب كويس اوى طبعا ومحدد وعبد الحليم حافظ ( حافظ ) وعازف الايقاع حسن انور فاهم حايعمل ايه وفين ومفيش مشكلة لكن المشكلة الكبرى فى تظبيط الادليب , ولما نرجع للسنباطى كما قلت قبلا انه كان كل اغنية بيلحنها لحد غير ام كلثوم لازم بيستأجر فرقة ويغنيها تانى بصوته عشان يحس انه فيه توثيق على مزاجه هو للحن ... زمان ايام ام كلثوم كان عبد الوهاب بيقبض فى اللحن 1500 جنيه .. كان السنباطى هو الوحيد اللى بيقبض منها 2000 جنيه وللعلم ده وقتها كان مبلغ فادح .. واقول لكم على سرتانى ... ايام بروفات عبد الحليم كنا بنعل اكتر من 40 بروفة .. الساعة 6 مساء كل يوم .. كان وقتها احمد فؤاد حسن بيوقف كل الشغل التانى فيما عدا لو حفلة لودرة او فايزة ويكون الحان قديمة محفوظة يعنى نروح الحفلة على طول من غير بروفات .. لكن كل التسجيلات تقف .. كان من مميزات او انظمة ام كلثوم انها بتعمل ال 50 بروفة الساعة العاشرة صباحاً .. بحيث انها ما تتعارضش مع شغل العازف التانى .. فيه حاجة كمان مهمة جداً .. النهاردة الناس اللى بتغنى كلها لما تسمع تلاقى فى كل جملة كام حرف اما نشاز او المطرب مساحته الصوتية قليلة اوى .. وجود ام كلثوم على القمة .. كان بيحدد اللى فى القاع يعنى وقتها هات لى مطرب كان اى حاجة مش حتلاقى والسبب وجود العمالقة .. ولو تلاحظ ان بعد رحيل العمالقة البالوعات اتفتحت والصراصير طلعت .. من اخطر واهم الظروف وقتها ان المناخ العام راقى جدا .. يعنى الجمهور كان متذوق ( آخر حاجة ) كان بيلفظ اى مطرب ردىء وبالعكس كنت تلاقى اغنية ام كلثوم واللى كانت بتبفى موضة السنة كل الشعب بيدندنها من اكبر المثفين لأقل درجة ثقافة فى المجتمع وهى الزبالين والعربجية .. النهاردة ذوق العربجية فرض نفسه على بتوع الجامعة ... يعنى طبعا مهزلة
رحم الله ام كلثوم والسنباطى وبليغ وكل من امتعونا
مع اطيب تحياتى عادل صموئيل

**dorame** · #7 04/02/2013, 22h16

اقتباس:

المشاركة الأصلية كتبت بواسطة عادل صموئيل

اخى العزيز
السؤال ده عويص جداوينفع اجابته تبقى ضمن موضوع رسالة دكتوراه , وانا كنت طول وقتى ( او طبيعتى ادرس واتامل فيما حولى ) يعنى ممكن واحد كان موجود زميلى لكن كان بيعزف ويقبض ويمشى من غير مايحلل المواقف والشخصيات ف ما يقوبش اللى حقوله
اولا بالنسبة لبليغ حمدى يعنى ام كلثوم كانت بتمثل له 20% من انتاجه الفنى فكانت الخسارة كبيرة .. وبعد وفاة ام كلثوم عوض الاغانى الطويلة مع عبد الحليم ووردة
لكن الكارثة الكبرى كانت لرياض السنباطى , لن ام كلثوم بالنسبة له كانت المطربة اللى بتنفذ 80% من انتاجه الفنى الصعب جدا على غيرها .. ولولا ام كلثوم ماكان السنباطى وصل الى هذا الحجم الدولى او كان بقى زى محمود الشريف يعنى عبقرى لكن شهرته محدودة .. والموضوع ان ام كلثوم كانت تنظيم او مؤسسة يعنى ام كلثوم وفرقتها ونظام الشغل .. كانت فرقة ام كلثوم بتعزف من غير نوتة ( مع ان نفس العازفين بيشتغلوا فى الفرقة الماسية واللى هم احسن ناس مجتمعين بيقروا نوتة فى العالم العربى ) لكن كان نظام ان الملحن بيعمل بروفات شهر ونصف على اللحن وبيحفظ الفرقة على العود مميزاته ان العازف بيحفظ كل همسة او نفس فى اللحن وده اللى بيديك السلطنة الغير عادية فى اغانى ام كلثوم بالذات .. يعنى من وجهة نظرى انا سعاد محمد هى رقم 2 بعد ام كلثوم ولكن الفرقة ( او الفرق ) اللى بتغنى عليها كانت بتعزف بنوتة .. وهنا رياض السنباطى لما يعمل لحن لازم يبقى محدود ( او متكتف بالمصرى ) يعنى لازم يعمل جمل تتكب نوتة 100% لأن هذه الفرقة كبيرها اسبوع بروفات والتحفيظ مش حاينفع , يعندى عندك مثلا لحن زى اراك عصى الدمع ده عشان يتعزف كما ينبغى لازم يتحفظ .. كمان كانت سعاد محمد لما بتغنى ام كلثوم ( بعد وفاة ام كلثوم طبعا ) كانت بتبقى حلوة ليه ؟ عشان هى والفرقة حافظين اللحن صم من ام كلثوم .. لكن لو لحن من دول كان جديد مش ممكن حايطلع بالجودة دى .. واقول لكم على سر .. ان كذا مشروع اغنية كان بيشتغل فيهم السنباطى المفروض لأم كلثوم ولكن مع وفاة ام كلثوم اضطر يسعملهم اسهل شوية عشان مشكلة النوتة ... واحكى لكم قصة صغيرة انا حضرتها فى الفرقة الماسية فاكرين اغنية نبتدى منين الحكاية .. فيها كوبليه طويل بيبتدى بأدليب بيقول : وف لخظة وقفنا وابتدا خوفنا .. الادليب ده 3 اسطر وباقى الكوبليه اللى على ايقاع .. احنا اخدنا 3 ايام نعمل ال 3 اسطر الادليب ونص ساعة خلصنا الاربع صفحات بتاعة باقى الكوبليه واللى على ايقاع .. والسبب ان الملحن والمطرب فى الأدليب بيحفظونا الروح والاداء والسكتات والنفس بين جزء وجزء .. اما اللى على ايقاع هو متكوب كويس اوى طبعا ومحدد وعبد الحليم حافظ ( حافظ ) وعازف الايقاع حسن انور فاهم حايعمل ايه وفين ومفيش مشكلة لكن المشكلة الكبرى فى تظبيط الادليب , ولما نرجع للسنباطى كما قلت قبلا انه كان كل اغنية بيلحنها لحد غير ام كلثوم لازم بيستأجر فرقة ويغنيها تانى بصوته عشان يحس انه فيه توثيق على مزاجه هو للحن ... زمان ايام ام كلثوم كان عبد الوهاب بيقبض فى اللحن 1500 جنيه .. كان السنباطى هو الوحيد اللى بيقبض منها 2000 جنيه وللعلم ده وقتها كان مبلغ فادح .. واقول لكم على سرتانى ... ايام بروفات عبد الحليم كنا بنعل اكتر من 40 بروفة .. الساعة 6 مساء كل يوم .. كان وقتها احمد فؤاد حسن بيوقف كل الشغل التانى فيما عدا لو حفلة لودرة او فايزة ويكون الحان قديمة محفوظة يعنى نروح الحفلة على طول من غير بروفات .. لكن كل التسجيلات تقف .. كان من مميزات او انظمة ام كلثوم انها بتعمل ال 50 بروفة الساعة العاشرة صباحاً .. بحيث انها ما تتعارضش مع شغل العازف التانى .. فيه حاجة كمان مهمة جداً .. النهاردة الناس اللى بتغنى كلها لما تسمع تلاقى فى كل جملة كام حرف اما نشاز او المطرب مساحته الصوتية قليلة اوى .. وجود ام كلثوم على القمة .. كان بيحدد اللى فى القاع يعنى وقتها هات لى مطرب كان اى حاجة مش حتلاقى والسبب وجود العمالقة .. ولو تلاحظ ان بعد رحيل العمالقة البالوعات اتفتحت والصراصير طلعت .. من اخطر واهم الظروف وقتها ان المناخ العام راقى جدا .. يعنى الجمهور كان متذوق ( آخر حاجة ) كان بيلفظ اى مطرب ردىء وبالعكس كنت تلاقى اغنية ام كلثوم واللى كانت بتبفى موضة السنة كل الشعب بيدندنها من اكبر المثفين لأقل درجة ثقافة فى المجتمع وهى الزبالين والعربجية .. النهاردة ذوق العربجية فرض نفسه على بتوع الجامعة ... يعنى طبعا مهزلة
رحم الله ام كلثوم والسنباطى وبليغ وكل من امتعونا
مع اطيب تحياتى عادل صموئيل

استاذنا الغالي الاستاذ الدكتور عادل صموئيل

لماذا لا تولف كتاب ذكرياتي مع العمالقة مثلا وتتحفنا وتتحف الناس الذواقة باسرار وقصص لم تذكر من قبل فهذا مشروع يستفيد منه كل من يحب هولاء العمالقة ولم يحالفة الحظ بسماعهم مباشرة او باللقاء بهم
ثانيا رائع منك ان ذكرت اولا الحالة الاقتصادية لبليغ والسنباطي بعد وفاة ام كلثوم وهذة معلومة جديدة جدا ورائعة وخلال قرائتي لبعض الكتب سمعت ان السنباطي كان مادي شوية حتى انه رفع سعر اللحن الى 4000 جنية وهي رفضت وبدات تتجة للملحنين الجدد مثل بليغ وغيرة لمدة سنتين وبدا عبدالوهاب بتدريبها على لحن انت عمري وبدات الصحف بكتابة عناوين ذهب العهد السنباطي وبدا العهد الوهابي وبعد سنتين رجعت عاوزة منه يلحن الاطلال لان القصيده لا يمكن تلحينها الا من السنباطي وكانها مفصلة علية فتوسط احد الشعراء وحصل اللي حصل ورجع الاعلام يقول لا عهد بعد عهد السنباطي

في السر الاول اللي قولته " واقول لكم على سر .. ان كذا مشروع اغنية كان بيشتغل فيهم السنباطى المفروض لأم كلثوم ولكن مع وفاة ام كلثوم اضطر يسعملهم اسهل شوية عشان مشكلة النوتة ... " هل تذكر من هذة الالحان شئ مثلا سيد مكاوي كان بيلحن اوقاتي بتحلو لكن بعد ان ماتت ام كلثوم جبها لوردة لكن السنباطي لا نعلم اي لحن كان بيلحن لها وجابه لحد تاني الا ان قصيدة من اجل عينيك كان اخر لحن لها.

لقد ذكرت ايظا المساحة الصوتية وعلى هذا الاساس احب اسالك في رايك من الملحنيين العمالقة استغل معظم طبقات المساحات الصوتية لام كلثوم بالنسبة لي اعتقد السنباطي ولست متاكد فيهمني رايك كثيرا لانه لا نقاش بعد راي حضرتك وهل تعتقد انهم فعلا استغلوا طبقاتها الصوتية كاملة ام مازالت قداراتها الصوتية كانت اكبر

في الاخير جبت انت جملة تكتب بماء من ذهب واروع وصف سمعتة في حياتي للفن الجديد الهابط اللي يهز الوسط ولا يهز المشاعر وهو " ولو تلاحظ ان بعد رحيل العمالقة البالوعات اتفتحت والصراصير طلعت " ازاي جبت الجملة هذة مش عارف لكن وصف دقيق رائع رائع واكثر من رائع

وفي رايك مين من المطربين او المحنيين الموجودين حاليا بيعجك وهل في امكانية حد يطور من صوته ويخلية حلو او الى حد ما مقبول

اخى العزيز
كلامك بيسعدنى لأنك متفهمما اقول
اخطر مشكلة اليوم مش فى المطربين ولكن فى ذوق المستمعين الذى انحط لدرجة عالية جدا
يعنى مثلا فى الطعام لو فيه محلين واحد بيقدم اكل نظيف ومتقن وجميل وبجواره محل بيقدم اكل ردىء وفاسد تلاقى الجمهور بيقبل على الردىء ... او مش بيميز الفرق بينهم والشىء ده خلا الكل بيقدم طعام ردىء .. يعنى حتى لما تنزل اى دولة عربية وتجرب الاكل القومى بتاعها تلاقيه مش حلو زى زمان
نفس المشكلة فى الغناء يعنى بإستثناء القلة الباقية من زمان زى هانى شاكر ... الكل لازم تولع فيه لأنه بيفتقد اى الف باء الغناء وهو الاذن الموسيقية ال 100% , يعنى عبد الوهاب مرة قال كلمة : لو اتفق حماران لأطربا
يعنى اسوأ صوت هو صوت الحمار لكن لو حماران نهقا من نفس التون لأطربا
واللى بغنوا دلوقتى ماحصلوش الحمير
انت قلت عن الطبقة الصوتية لأم كلثوم .. مهما قدمت كان عندنا اكتر يعنى زى سيارة سرعتها 250 كم/ساعة
وبتجرى بسرعة 120كم /ساعة كده بتكون فى كامل طاقتها ولسه فيه اكتر كتير
من امثلة الاغانى التى كانت لم كلثوم ولكن القدر لم يسعف السنباطى اغنية يا حبيبى لاتقل ضاع حبى من يدى
واغنية بردة البوصيرى : كيف ترقى رقيك الانبياء ياسماء ماطولتها سماء
وانا شخصيا عزفت مع ياسمين الخيام هذه الاغنية وجت فى مقطع فيه تطويل مسافة روند وياسمين نسيت نفسها وحبت تعمل زى ام كلثوم وطولت اكتر وخرجت خارج الوحدة لن ام كلثوم كانت لما بتطول وبتمد لحد الدوم مش تطول وخلاص بمعنى لو نغمة روند وتقفل على الدوم لازم لما تطول قول كمان روند او اتنين ولكن لازم تقفل على الدوم .. ام كلثوم كانت بتحسبها وكان عازف الرق يعنى بتنظر اليه بطرف عينها ( ودى اهم حاجة ) وبيقفولوها مع بعض ... وكان زمان عندها عازف رائع اسمو ابراهيم عفيفى كان حتى لو طولت وكانت حاتقع كان العبقرى ابراهيم عفيفى بيعمل اتنين دوم كان بيعدل الايقاع لكن ياسمين الخيام ماتعرفش الكلام ده ولما وقعت طبعا السنباطى اتجنن
بعدها بشهركنا فى بروفة وقال لى بكره عندكم ايه بالليل قلت له عندنا حفلة لياسمين الخيام قال لى والله العظيم : هى لسه بتغنى ؟؟؟؟؟ يعنى ياسمين الخيام دى على الاقل بتغنى احسن من اليسا وكل الطابور ده لكن السنباطى لم يكون يعترف بيها كمطربة لأن المقاييس عنده كانت صعبة جدا ... واذا كانت عجبتك كلمة الصراصير
احنا كنا فى مناخ الملحنين كلهم دمهم خفيف يعنى بيطلع منهم حاجات تجنن وعفوية واكيد اللى اتربى فى هذا المناخ اكيد يطتعلم منهم
اقول لكن حاجة تضحك : مرة كنا فى بروفة لأغنية دينية لسعاد محمد وكان فيه صولو السنباطى قال نعمله اكورديون ... ساعتها كان عمر ما اى ملحن عمل صولو اكورديون فى اغنية دينية فى التاريخ
فقال عازف متخلف الاكورديون حرام يا استاذ .. فرد عليه السنباطى بعفوية : ليه يا ابنى هو بيعزف مورتاديلا ؟؟
والمعروف ان المورتاديلا لحم محفوظ مصنوع من لحم الخنزير
ونكمل بعدين مع اطيب تحياتى عادل صموئيل

**زينة الغريبي** · #8 05/02/2013, 21h07

شكرا أستاذ عادل على المعلومات القيمة

**dorame** · #9 08/02/2013, 19h31

اقتباس:

المشاركة الأصلية كتبت بواسطة dorame

اخى العزيز
كلامك بيسعدنى لأنك متفهم ما اقول
اخطر مشكلة اليوم مش فى المطربين ولكن فى ذوق المستمعين الذى انحط لدرجة عالية جدا
يعنى مثلا فى الطعام لو فيه محلين واحد بيقدم اكل نظيف ومتقن وجميل وبجواره محل بيقدم اكل ردىء وفاسد تلاقى الجمهور بيقبل على الردىء ... او مش بيميز الفرق بينهم والشىء ده خلا الكل بيقدم طعام ردىء .. يعنى حتى لما تنزل اى دولة عربية وتجرب الاكل القومى بتاعها تلاقيه مش حلو زى زمان
نفس المشكلة فى الغناء يعنى بإستثناء القلة الباقية من زمان زى هانى شاكر ... الكل لازم تولع فيه لأنه بيفتقد اى الف باء الغناء وهو الاذن الموسيقية ال 100% , يعنى عبد الوهاب مرة قال كلمة : لو اتفق حماران لأطربا
يعنى اسوأ صوت هو صوت الحمار لكن لو حماران نهقا من نفس التون لأطربا
واللى بغنوا دلوقتى ماحصلوش الحمير
انت قلت عن الطبقة الصوتية لأم كلثوم .. مهما قدمت كان عندنا اكتر يعنى زى سيارة سرعتها 250 كم/ساعة
وبتجرى بسرعة 120كم /ساعة كده بتكون فى كامل طاقتها ولسه فيه اكتر كتير
من امثلة الاغانى التى كانت لم كلثوم ولكن القدر لم يسعف السنباطى اغنية يا حبيبى لاتقل ضاع حبى من يدى
واغنية بردة البوصيرى : كيف ترقى رقيك الانبياء ياسماء ماطولتها سماء
وانا شخصيا عزفت مع ياسمين الخيام هذه الاغنية وجت فى مقطع فيه تطويل مسافة روند وياسمين نسيت نفسها وحبت تعمل زى ام كلثوم وطولت اكتر وخرجت خارج الوحدة لن ام كلثوم كانت لما بتطول وبتمد لحد الدوم مش تطول وخلاص بمعنى لو نغمة روند وتقفل على الدوم لازم لما تطول قول كمان روند او اتنين ولكن لازم تقفل على الدوم .. ام كلثوم كانت بتحسبها وكان عازف الرق يعنى بتنظر اليه بطرف عينها ( ودى اهم حاجة ) وبيقفولوها مع بعض ... وكان زمان عندها عازف رائع اسمو ابراهيم عفيفى كان حتى لو طولت وكانت حاتقع كان العبقرى ابراهيم عفيفى بيعمل اتنين دوم كان بيعدل الايقاع لكن ياسمين الخيام ماتعرفش الكلام ده ولما وقعت طبعا السنباطى اتجنن
بعدها بشهركنا فى بروفة وقال لى بكره عندكم ايه بالليل قلت له عندنا حفلة لياسمين الخيام قال لى والله العظيم : هى لسه بتغنى ؟؟؟؟؟ يعنى ياسمين الخيام دى على الاقل بتغنى احسن من اليسا وكل الطابور ده لكن السنباطى لم يكون يعترف بيها كمطربة لأن المقاييس عنده كانت صعبة جدا ... واذا كانت عجبتك كلمة الصراصير
احنا كنا فى مناخ الملحنين كلهم دمهم خفيف يعنى بيطلع منهم حاجات تجنن وعفوية واكيد اللى اتربى فى هذا المناخ اكيد يطتعلم منهم
اقول لكن حاجة تضحك : مرة كنا فى بروفة لأغنية دينية لسعاد محمد وكان فيه صولو السنباطى قال نعمله اكورديون ... ساعتها كان عمر ما اى ملحن عمل صولو اكورديون فى اغنية دينية فى التاريخ
فقال عازف متخلف الاكورديون حرام يا استاذ .. فرد عليه السنباطى بعفوية : ليه يا ابنى هو بيعزف مورتاديلا ؟؟
والمعروف ان المورتاديلا لحم محفوظ مصنوع من لحم الخنزير
ونكمل بعدين مع اطيب تحياتى عادل صموئيل

استاذنا العزيز الغالي والمتواضع عادل صموئيل
اني سعيد جدا بالنقاش معاك وبامثالك الرائعة الناقدة وتحليلك الموسيقي والصوتي الذي في محلة
بالنسبة لاغنية لا تقولي ضاع حبي من يدي
كان عندي احساس كبير انها لام كلثوم وهذة معلومة لسه طازه انها كانت لام كلثوم لاننا اشوفها مفصله على ام كلثوم اوقول بيني وبين نفسي كيف لوغنتها ام كلثوم واخيرا ثبت انت احساسي وياريت لو تنوتها يا ريت

بالنسبة بردة البويصيري اول مرة اسمع عنها وسابحث عنها وحلو انك فتحت موضوع ياسمين الخيام
هذة الفنانة صوتها عذب وشجي جدا مع انها غنت اغنية وحدة جدا " ابعد عني عيونك " من اروع ما سمعت الحان عبدالوهاب وبعدها كلها موشحات دينية ولم ينصفها احد اعلاميا
بالنسبة لسوال من اكثر الملحنيين استغل قدرات ام كلثوم الصوتية مع اننا متفقين ان قدراتها كبيرة وما حد يوصلها لكن من الاكثر برايك

واول مره اعرف ان السنباطي كان دمه خفيف مع ان النكتة جدا حلوة بتاع لحم الخنزيز ده حلوه حلوه حلوة

تحياتي واحترامي

**وائل علوي** · #10 31/01/2013, 22h34

اقتباس:

المشاركة الأصلية كتبت بواسطة وائل علوي

السلام عليكم جميعا
اخواني الاعضاء وحشتوني جدا
استاذي الفاضل عادل صموئيل ربنا يديك الصحة والعافية على هذا المجهود والكرم الحاتمي
ارجو ممن لديه الملف الصوتي لسماعي نهاوند زي زمان -احمد حسن لانه جميل ومحتاجه
واشكر الاخ الذي طلبه وعرفنا عليه والشكر كل الشكر لاخونا عادل على كتابته
اخى العزيز وائل
اليك الملف الصوتى هو موجود فوق فى اول الصفحة فيديو كمان لو تحب
مع اطيب تحياتى عادل صموئيل
مع خالص تحياتي

استاذي الغالي الف شكر وتحية على سرعة ردك وربنا يخليك لينا