نوتات من تدوين أحمد الجوادي

[guest]

استاذ ارمندو

الحقيقة كلامك يدخلنا في قصة كبيرة
حتي يرد عليك استاذ احمد .. و احب اقول ل حضرتك ان احمد بيك فعلا نموذج مشرف للموسيقي العربية في الغرب و اقولك كمان ان اي نجاح ل موسيقي عربي في الغرب هو نتاج تجارب و جهود فردية و غالبا يكون نتاج مجهود جبار لأسباب كتير جدا
هحاول اختصر قدر الامكان و لكن الموضوع فعلا كبير
1.موسيقانا الشرقية غنية جدا و لا تفتقر ابدا الي الرقي .. هي موسيقي راقية و خاصة و ليها احساس و مذاق مختلف
2.رأي الغرب في موسيقانا جميل و يحترموها و يقدروها و لكن يصعب عليهم فهمها بسبب اختلاف الاحاسيس و الثقافة
3.عمر خورشيد لم يدخل الربع تون علي الة الجيتار و لكنه كان عازف متميز و يعرف يديك احساس الشرقي علي الجيتار من خلال مقامات مفيهاش ربع تون و لكن فيها احساس الشرقي زي مقام الحجاز مثلا مفيهوش ربع تون و لكن تركيبته شرقية في جنس من اجناسه
الة الجيتار الة ثابتة لا يمكن ادخال عليها الربع تون و لكن دا لا يمنع ان فيه تجارب حصلت فعلا ل تشريق الالة و لنا في الفنان الفرنسي انريكو ماسياس اكبر دليل و هو من اكبر المعجبين بالموسيقي الشرقية و يقدمها لجمهوره و بتقبلوها و يحبوها

Enrico Macias - Oh Guitarre - YouTube

4.الكلام عن المراكز الثقافية مخجل جدا و احب اقولك ان دور السفارات في الخارج يتلخص في ان السفير في الاسانسير
و اقصي ما يعملوه يخلصوا ورق روتيني للمواطنين في الخارج و دمتم من خلال القنصلية و السفير دوره مكتبي بحت في تحسين العلاقات و تبادل الزيارات البروتكولية مش اكتر
الكلام عن انشاء معاهد موسيقي عربية شرقية في الغرب هي من درب الخيال .. كلامي محبط و لكن هو دا الواقع

الاسباب قد تكون خافية و لكن هاقولها علي الملأ
العرب في الغرب منظور اليهم علي انهم ارهابيين سواء كانو مسلمين او مسيحيين علي السواء وانا شفت دا ب نفسي
حتي الاتراك في اوروبا لا يعتبروا من الغرب لأسباب سياسية و علي الاخص دينية حيث يعتبروا ان تركيا بلد مسلم و بالتالي هم حذرين و متخوفين جدا جدا من التعامل مع المسلمين .. مع ان الشخص الموسيقي روحه ابعد ما تكون عن التعصب و الارهاب
دايما يا ارمندو بيك فيه تعصب خفي و مستتر و حساسية تجاه كل ما هو قادم من الشرق لبعض الاسباب اللي قلتها قبل كدة

مش عيب ان احنا نديلهم الموسيقي بتاعتنا علي الطبق بتاعهم
انا مثلا قمت ب توزيع اغنية شد الحزام ل سيد درويش

Shed El Hezam - Sayed Darwish - YouTube

عارف ان التوزيع ممكن يكون صادم و مزعج ل بعض الناس بتاعتنا

لكن لو انا في مكان و عزفتها زي الاصلي .. ما حدش ها يسمعني .. ما باليد حيلة
و نفس الكلام عملته مع لونجا نكريز و لونجا ميشيل و حاجات تانية
الواحد مفيش قدامه ايه تاني يعمله ؟

الكلام يطول جدا جدا .. الموضوع فعلا كبير
مثال بسيط
لو جالك عازف عود الماني في مصر
و لعب عود في مصر
هل تقبله لو كان في نفس مستوي الموجودين ؟
بالتأكيد لأ .. معملش اضافة

نفس الموضوع
لو راح واحد عازف فيولين عربي يقدم في الاوركسترا مثلا في فيينا
و التصفية النهائية بينه و بين عازف نمساوي او اوروبي
و الاتنين في نفس المستوي .. او حتي العربي احسن حاجة بسيطة
برضه ها ياخدو الاوروبي
ياخد العربي بس لو هو فعلا فيه فرق كبيييييير في المستوي

و قيس علي كدة

قد اكون طولت في الكلام و لكن انا بجد فخور بحضرتك و ب غيرتك علي موسيقانا العربية و الشرقية
و تأكد تماما انها راقية جدا و محترمة

تحياتي و تقديري