حكاية جارتى

**ليلى ابو مدين** · #1 23/08/2012, 13h57

اقتباس:

المشاركة الأصلية كتبت بواسطة ام مدحت

حكاية جارتى

ياحلاوة فقرنا ياجماله

وانا جوزى موظف غلبان

والراتب لو جانى بحاله

بالعافيه يكفـّينى لبان

,,

آدى جارتى وأعصابها الفالتة

كان جوزها ع الدرجة التالتة

شاف واسطه وراح كشك الكارتة

وبيرجع والجيب مليان

,,

وحماها كان خـُط كبير

بيفلكح وكأنه وزير

فى الشبكه بيعمل فوازير

ويوماتى بيشترى فدّان

,,

وأخوها بيسفـّر برّه

ويتاجر فى الفيزا الحـُرّه

ماصدقش ف عمرُه ولا مرّه

وبينجح فى الشورة كمان

,,

وعيالها نهبوا الأملاك

م البانجو بقوا م الملاك

اكبرهم كان صبى سبّاك

وبسرعه صبحُم أعيان

,,,

ودا كلـّه شايفاه بعنيّه

وحبيبى بيتغـزّل فيّه

وعشمنا ف ريحة تقليّه

مخلوطه ف كيلو بدنجان

,,,

وانا ح ارضى بنصيبى وبختى

وأسيبُه واعزّل عند اختى

واتعالج وأنظــّم ضغطى

وأستنـّه فكر الإخوان

,,,

الله الله الله
يا حلاوتك إنت وجمالك يا ست أم مدحت
يا غالية
كلام يتوزن بالذهب ، وتشريح للحالة المستعصية والأمراض
المتفشية في المجتمع المصري (الفساد ، الفقر ، ...السرقة )
الى آخره بكلام واضح وبسيط ولكنه مؤثر وعميق المعنى
وأنا معاكي كلنا مستنيين فكر الإخوان
..........أفلح إن صدق.........
سلمت يدك
تحياتي وتقديري
ليلى ابو مدين

**ام مدحت** · #2 28/08/2012, 21h41

اقتباس:

المشاركة الأصلية كتبت بواسطة ليلى ابو مدين

الله الله الله
يا حلاوتك إنت وجمالك يا ست أم مدحت
يا غالية
كلام يتوزن بالذهب ، وتشريح للحالة المستعصية والأمراض
المتفشية في المجتمع المصري (الفساد ، الفقر ، ...السرقة )
الى آخره بكلام واضح وبسيط ولكنه مؤثر وعميق المعنى
وأنا معاكي كلنا مستنيين فكر الإخوان
..........أفلح إن صدق.........
سلمت يدك
تحياتي وتقديري
ليلى ابو مدين

الاخت الغالية
الاستاذة/ليلى ابومدين
مرورا أضاء الصفحات
وأعطى الجمال للكلمات
وأسعد لنا الاوقات
كل عام وانتم بخير

**Hisham Khala** · #3 29/08/2012, 03h18

هايله

هايله

اسمحي لي الحنها علي لحن من اغنية امل حياتي ، انا دندنتها في دماغي و بإذن الله اكتب اللحن بكره

**ام مدحت** · #4 29/08/2012, 12h35

اهلا بالغالى
د/هشام
كل عام وانتم بخير
طبعا شرف عظيم
ان نستمع اليها بألحانكم الجميلة
لكم كل تقديرى

**ALY ELHELALY** · #5 29/10/2012, 15h02

[QUOTE=ام مدحت;601385]

والله كلمات رغم بساطتها ورقتها
لكن مليانه بالمعاني الجميله
وكلها حقايق وواقع بنعيشه
دمتى لنا سيدتي الفاضله بهذا الرقي والإبداع
خالص تحياتي

**محمد الشافعى احمد** · #6 29/10/2012, 18h18

السيدة الفاضلة / أم مدحت
كلماتك الرائعة توصيف دقيق لما يجرى
الآن فى المجتمع مما يعتبره البعض من
قبيل الشطارة والفهلوة وهى فى حقيقتها
أشياء أخرى غير ذلك ، ربنا يسترها على
البلد اليومين دول .
تقبلوا تحياتى