مزيكاتى فى صفحاتى

[الألآتى]

المشاركة الأصلية كتبت بواسطة ehabalaaeldin

انا نزلت الكتاب النهاردة .. و معرفتش اسيبه غير لما اخلصه كله من كتر ما هو جذاب و جميل و دمه خفيف

الجميل في الكتاب برضه انه مكتوب باللغة العامية المصري بتاعتنا .. مش عربي و نحوي و التزام باللغة ( مع الاحترام للغة العربية )
تحس من الكتاب ان الكاتب قاعد معاك شخصيا و بيحكيلك الحدوتة في استرسال و مش عاوز تسيبه

استاذ انور .. شكرا للمساهمة بالكتاب .. كتاب جميل
استاذ محمد .. شكرا علي الكتاب
مجرد اقتراح لحضرتك يا محمد بيه .. اذا قرأت مشاركتي
ليه سيادتك ما تديش الكتاب لدار نشر و يقوموا بطباعته و نشره كنسخة تجارية في المكتبات المختلفة .. منها دا يجيب ل حضرتك عائد مادي و الحاجة التانية ان الناس تقرا الكتاب خصوصا ان البعض لسة مش بيستخدم انترنت و ليه بيعتمد علي الكتب المباعة التقليدية
جرب ..... مش ها تخسر حاجة

و لكل الاصدقاء في المنتدي .. ارشح الكتاب للقراءة

و شكرا للجميع

تابعت مشاركتك ياأستاذ إيهاب ( وتابعت أيضاً لإقتراحاتك فى قسم الإقتراحات فى المنتدى بخصوص قسم النوت )

ودعنى أولاً أشكر معك الأخ العزيز أنور الحارث لجهده الوافر فى جمع وترتيب وتبويب مايحتويه هذا الكتاب

ثم أشكرك بصفة شخصية لحرصك على تحميل الكتاب وقراءته لتقدم لنا بعهدا هذا التحليل الذى ينتهى بإقتراحك بخصوص طبع الكتاب

أخى العزيز إيهاب

فى الحقيقة والواقع ( والذى منه ) .. إن هذه الدروس والمحاضرات والتحليلات والمعلومات التى يحتويها الكتاب ..

لم تأتى أو تُكتب فى يوم وليله كما تعلم .. إنها نتاج سنوات فى عالم الإنترنت

قام الأستاذ أنور مشكوراً بالتنقيب عنها فى أرجاء الشبكة العنكبوتية ..

والكتاب بهذا الشكل لا يصلح للطباعة بالتأكيد .. هو يصلح كتاب ألأكترونى .. لكنه لا يصلح كتاباً ورقياً مطبوعاً

لأنه يحوى معلومات من الشرق ومن الغرب .. يميناً وشمالاً .. معلومات متفرقة ودروساً للمقامات وللنوتة .. وردوداً على بعض الإستفسارات .. بالإضافة لجزء من السيرة الذاتية للكاتب .. حاجة كده ( سمك لبن تمر هندى )

وأعتقد أننا بحاجة لفصل محتويات هذا الكتاب .. للحصول على أكثر من كتاب فى نواحى عدة من نواحى الموسيقى

فيمكن أن نجمع كل مايتعلق بالمقامات .. ليست الدروس فقط .. وإنما كل مشاركة أو رد على إستفسار .. ويتم ترتيب كل هذا فى كتاب .. وبعدها يمكن أن نكرر هذا مع دروس ومحاضرات النوتة .. وكتاب ثالث للتحليلات وأساليب الملحنين المختلفة فى التلحين .. وهكذا

وبصراحة .. أنا أكسل من أن أقوم بأى مهمة من هذا النوع .. ولولا الأستاذ أنور لما خرج هذا الكتاب الألكترونى إلى النور

أشكرك مرة أخرى أخى العزيز على متابعتك