طلبات نوتة أ / عادل صموئيل الجزء الثانى

[عمرو الهنداوي]

شكرا استاذ ايهاب على النصيحة لكن انا بدور على برنامج عمل

محدد وعلمى وسريع لتحسين السماعى وانا بدات ادرس المقامات بشكل مفصل اكتر

متشكر على النصيحة وهى فى بالى ويارب تظهر نتجة قريبا

كل التحية

[عادل صموئيل]

عزيزى عمرو
والكلام طبعا للجميع
السماعى اولا بيحتاج اذن موسيقية عالية ولو توفرت .. هنا انا السماعى مالوش طريقة محددة ولكن ممكن ييجى بكذا طريقة لن اللى بيعزفوا سماعى بتيجى معاهم الموسيقى اتوماتيك مش بيفكروا فيها .. يعنى انت لو فى مولد شفت واحد عازف شعبى بيعزف حاجة هو مليعرفش يقلهالك حروف .. ولكن عشان نخلط او نستفيد من العلم فى السماعى
اولا عايز اشرح لكم حاجة اللى هى المسافات الموسيقية او الابعاد الموسيقية للى ما يعرفهاش او مادرسهاش فى معهد
اولا البعد الكامل يعنى واحد تون ,, والنص بعد يعنى نص تون والبعد الشرقى يعنى 3/4 تون او مسافة
ولما نيجى نطبقعم على النغمات بيبقى اسمها المسافات
يعنى اولا مسافة التانية الكبيرة وهى مسافة او بعد وتساوى واحد وهى المسافة بين اى نغمتين متجاورتين
زى الدو وال رى ... او ال فا والصول أو ال السى بيمول والدو وطبعا هابطة وصاعدة يعنى زى ال لا وال صول
والثانية الصغيرة بتبقى نصف تون يعنى زى دو ودو دييز او رى ومى بيمول او سى ودو أو مى وفا
هنا المفروض الاذن لما تسمع تانية كبيرة وتانية صغيرة لازم تحس ان الصغيرة النغمتين لازقين فى بعض قريبين يعنى
نيجى بعد كده لمسافة التالثة وهى كبيرة يعنى 2 تون يعنى من دو الى مى او من صول الى سى
والثالثة الصغيرة بتكون واحد ونص تون يعنى من دو مثلا الى مى بيمول او من صول الى مى ناتوريل
اما الرابعة التامة بتبقى اتنين تون ونص يعنى مثلا من دو الى فا او هابط من صول الى رى
والخامسة التامة يعنى 3 ونص تون يعنى من دو الى صول او من رى هابط الى صول وهكذا
انت لما تسمع اى موسيقى بتكون تتكون من نغمات متتالية ... اول نغمة .. النغمة اللى بعدها بتكون اما خطوة سلمية يعنى التانية اللى بعدها او قفزة يعنى تالثة او رابعة او خامسة وهكذا
وهنا اول اختبار انك تحس ان النغمة التالية خطوة ولا قفزة والخطوة قريبة يعنى نص تون ولا تون
والقفزة تيجة اد ايه يعنى تالتة ولا رابعة وهكذا وطبعا صاعدة ولا هابطة
بالخبرة كل ده بييجى اتوماتكى يعنى العازف مش بيفكر يعنى زى اللى بيكتب بإحتراف على ىالكمبيوتر مش بيبص على ايده فين الحروف ....
والبدايات ممكن انك تضغط على نغمة لا وانت تغنى الصول بتاعتها بعدين تضغط تشوف انت صح ولا غلط وهكذا من نغمة لا جرب كل الحروف اللى جنبها
الاختبار التانى لو انت عندك جملة موسيقية اسهل جملة مافيهوش حروف كتير
اعزفها كتير لحد ما تحفظها اوى بعدين شيل النوتة ,,, بعدين حاول تعزفها مصورة على نغمات تانية
يعنى بادءة من دو اعملها من صول او من لا وهكذا لأن حاتعمل تحويلات تقيدك
بعدين اختار جملة موسيقية تكون حافظها اوى وحاول تطلعها سماعى يعنى حسس على النغمات مرة فى مرة حتلاقى مستواك ابتدا يرنفع هى العملية ممارسة واصرار ومفيش حاجة صعبة
يعنى فى السسيرك الراجل اللى بيمشى على حبل متعلق عالى انت تشوفه تخاف وتدوخ هو ماشى كانو ماشى على الارض عادى بالتدريب والاصرار وجربوا واحنا معاكم
مع اطيب تحياتى

[انيس بوراس]

السلام عليكم و رحمة الله رمضان مبارك
استاذي الفاضل و الموقر لك الشكر ولاحترام على ما تقدمه من اعمال للموسيقى العربية ، قمت بكتابة اغنية عيد الكرامة للسيدة وردة رحمها اللة ، واذا تفضلت وكان عندك متسع من الوقت ، ارجوا عن تقدم لي النصاءح و الارشادات
وتاذن لي بارسال التدوين هذا بعد مىافقتكم طبعا,
لكم خالص التحية و التقدير ، اطال الله في عمركم بالصحة ة العافية,
عبد الوحيد بوراس من الجزاءير,