خـريف الشوق

**Hisham Khala** · #4 28/05/2011, 16h52

اقتباس:

المشاركة الأصلية كتبت بواسطة على عبداللاه

ماتسبقنيش

وتحكى كلام هَيوجعنى

وسيبنى أعيش

وأنا حاسك بتسمعنى

ما تخلقليش فى أعذارك

حاجات من وحى أفكارك

وتحرمني أكون جارك

وأشوفك وإنت بتبيعنى

،،

خريف الشوق

بدا ظاهر

وإيه لما تعيدهولى !

وشكلي وصلت

في الأخر

وبتودعني في وصولي

بلاش تحكيلى

وتحاور

وعندك إيه تقولهولى !؟

ولو هتقولى

انا مسافر

برود شوقك وصفهولى

وسابني أضيع وضيعني

ماتسبقنيش

وتحكى كلام هيوجعنى

وسيبنى أعيش

وأنا حاسك بتسمعنى

،،

أنا عارف

بإنك ماشى مش راجع

لبستانى

ومش خايف

وهقبل أعيش حزين ضايع

ووحداني .

أنا شايف

لُقاك صفحه بتتراجع

فى وجدانى

وأضم بشُوقى

عنوانها ولو بايع

لعنواني

فمد إديك بقا شاور وودعني

ما تخلقليش في أعذارك

وتحرمني أكون جارك

وأشوفك وإنت بتبيعنى

...

على عبداللاه

رجل لا يمتلك أى شئ
المنصوره فى 25 / 5 / 2011

الأستاذ علي
أنت تمتلك أشياء كثيرة ، ما شاء الله عليك.
أسلوبك جميل و أفكارك منظمة
الموضوع تم تناوله كثيراً و هو هجر الحبيب ، و قد تناولته بطريقتك.
هناك مشكلة صغيرة هي المؤنث و المذكر ، فعندما تتكلم عنها أعتقد من المفضل أن تستخدم صيغة المؤنث و تتصرف للمحافظة علي الوزن.
كلمات جميلة و جذابة و أحاسيس فياضة.
تحياتي لشخصكم العزيز