جوز المرتين

#1 15/01/2011, 13h56

اقتباس:

المشاركة الأصلية كتبت بواسطة ليلى ابو مدين

أخي الباشا قمر زمان

أُسعدت بكل خير
بما إن حضرتك طلبت مني أقول الحق فمتزعلش من اللي هاقوله
إنت فعلاً مظلوم في حكاية السكاكين والأكياس
ولكن سيادتك مش مظلوم قوي أقولك ليه؟!!
يعني حضرتك عايز تتجوز عليها وتجيب لها ضرة وكمان نازل غزل في الستات الحلوين اللي جايين يباركوا يوم الصباحية
وبتعمل مقارنة بينها وبينهم وكمان طلعت القطط الفاطسه
فيها ولم تترك عيب الا ووصفتها به ده غير المعايره
وعايزها تقولك سماح يا سيد الملاح وتقبل الأيادي
أظن مش ممكن تنتظر رد فعل منها غير اللي قالتهولك
(على المأذون عدل) ,,يبقى حضرتك لازم تتنازل شويه وتهدي الموضوع وتقولها كلمتين حلوين يمكن تهدى وترضى وترجع
الأمور تاني أحسن من الأول
وما توصلش الأمور للسكاكين والأكياس
وربنا يستر
خالص تحياتي

ليلى ابو مدين

يعني يا ست ليلى .... بذمتك في حد عاقل يجوزمرة في حياته .... يرجع يكررها..... إلا إذا كان رغم أنفه ومجبر على كدة .... وبعدين أنا ما طلبتش المأذون ..... ولا قلت روحي على بيت ابوكي ..... هي اللى طلبت .... وده عيب الستات .. مش بتشوف الا مشكلتها بس ... وما تعترفش بالغلط أبداً .... مش تفكر في الاسباب ايه ..... وايه خلى جوزها بعد المدة دي من الجواز يجوز عليها ورغم ظروفه المادية او الاجتماعية يقدم على هذا العمل..... المشكلة عندنا ان الواحدة تعمل من نفسها أميرة وحورية من الحوريات وبعد ما تتجوز تهمل في نفسها وبيتها وولادها وتطلع ميت حجة حجة لأنها حاسة انها ملكت الرجل وبعد المصيبة ما تحصل ويجوز تبتدي تتعدل وتصلح من حالها كأن الزواج بأخرى هو العلاج الشافي لها.... طب كنتي فين من الأول ... وبعدين الراجل عشان يكون طيب مع زوجته هي تظن انه ضعف منه وبدال ما كانت زي غصن البان بأت عامة زي جذع الشجرة ومش مهم تلبس ايه اهي هدوم المطبخ ماشي الحال وريحة البصل طالعة منها وتتاوب تلاقي ريحة التوم تخليكي تجري برة الشقة

وبعدين الكلام يوم السبوع بتاع الولد .... مش الصباحية ... ما تحوديش الكلام

وخليكي صاحية معايا
وكفاية مش عايز اكلم تاني احسن الكلام مش حيعجبكم ... تحياتي ودايما منورة الموضوع ومشعللاه انت والست عفاف ... عارفكم عايزين تولعوها وتقعدوا تتضحكوا.... ماشي ما دام ده حيبسطكم

**ام مدحت** · #2 15/01/2011, 15h31

كلّ يومين ها اعمل لى حكايه

علشان كلمتى مش مسموعة

ودايما شايله الهمّ وساكته

وشايفه المرّ وشاربه اللوعه

,,,,,,

أصل أنا جوزى سعادة البيه

بيلمّ السّتات حواليه

فى نص الليل يتصلوا عليه

ومرارتى صبحت مفقوعة

,,,,,,

وبيطلب أرقام ويجمّع

فى صبايا بتقعد تتدلع

وانا سامعه والقلب مولع

وحرارتى دايما مرفوعة

,,,,,,

وبيضحك مع كل صديق

ومعايا يقضـّيها زعيق

وشتايم دايما ع الريق

بملافظ كلها ممنوعه

,,,,,,

وبيطلع م البيت متعايق

ويجينى دايما متضايق

حكاياته مع كل خلايق

ولعندى بتروح مقطوعه

,,,,,

وانا جرحى صبح زىّ الدّمّل

ماعددش الاعصاب تتحمّل

بصراحه ماقدرش أكمّل

وانا عايشه ويّاك مخدوعه

,,,,,

#3 15/01/2011, 22h38

اقتباس:

المشاركة الأصلية كتبت بواسطة ام مدحت

كلّ يومين ها اعمل لى حكايه

علشان كلمتى مش مسموعة

ودايما شايله الهمّ وساكته

وشايفه المرّ وشاربه اللوعه

,,,,,,

أصل أنا جوزى سعادة البيه

بيلمّ السّتات حواليه

فى نص الليل يتصلوا عليه

ومرارتى صبحت مفقوعة

,,,,,,

وبيطلب أرقام ويجمّع

فى صبايا بتقعد تتدلع

وانا سامعه والقلب مولع

وحرارتى دايما مرفوعة

,,,,,,

وبيضحك مع كل صديق

ومعايا يقضـّيها زعيق

وشتايم دايما ع الريق

بملافظ كلها ممنوعه

,,,,,,

وبيطلع م البيت متعايق

ويجينى دايما متضايق

حكاياته مع كل خلايق

ولعندى بتروح مقطوعه

,,,,,

وانا جرحى صبح زىّ الدّمّل

ماعددش الاعصاب تتحمّل

بصراحه ماقدرش أكمّل

وانا عايشه ويّاك مخدوعه

,,,,,

طبعاً كلمتك مش مسموعــــــة
لأنك يا نايمة يا موجوعــــــــــة
ولما أقولك كلمة يادلوعــــــــــة
تقولي يوه راسي مصدوعــــــة
طب مرارة مين الى مفقوعــة
*****
طب ايه يا ختي اللى قهرك
وايه بأة ياروحي اللي زعلك
ومخليكي لا على حامي ولا
ولا بارد وعاملة زي الزنبـلك
وانت حرارتك دايما مفصولة
*****
وانت بأة غيرانة عليــــــــــــــــــــة
والا غيرانة م الصبيــــــــــــــــــــــة
عشان حلوة وجميلة وبهيـــة
وانت ياندابــة يالوانجيــــــــــــــة
فضحتيني والله ..يامنكوشة

**NAHID 76** · #4 16/01/2011, 08h36

بسم الله الرحمن الرحيم
لا والله يا سى الباشا قمر الزمان
ما يمكن أن نكون كلنا عليك
نحن معك ومن خلفك ندفع بكل زوج الى الأمام والعلالى
ولا نستطيع العيش بدون وجودكم
بس أعمل فى الزوجه أى حاجه ميهمهاش لكن يتزوج عليها الرجل
أه
تفقد صوابها لانك بتقول لها بكده
انتى ولا حاجه
يرضيك يا سى الباشا
تحياتى

#5 16/01/2011, 09h31

أهلا بالأستاذة ناهد
والله الست ام مدحت كتبت كلام موزون وجميل في البداية وبتسأل الزوج عن احواله بعد الزواج الثاني وانا تدخلت بشكل مغاير عشان اقول ان الزواج الثاني يعني مش لازم يكون فراغة عين ممكن يكون له دوافع أخرى وغالباً ما بتكون الزوجة السبب المباشر وأكرر غالباً لأن كثير من الزوجات وخاصة في هذه الأيام والأفكار التي تدعوا للمساواة وان لازم يكون لها دخل هي حرية فيه وأشياء كثيرة ودون أن تدرك معنى الزواج ولا حتى تدرك قيمتها هي كزوجة والتي لو تعلم كم أعطاها الاسلام من مكانة تفوق مكانة الرجل لما فكرت في أي شئ .... لكن ماذا نفعل ؟.....
كما أن الزواج الثاني في بعض الأحيان بيكون علاج للزوجة الأولى ..... وهناك سؤال آخر يطرح نفسه الآن منذ بضعة عقود كان الزواج الثاني او الثالث أمر طبيعي ولم تكن المرأة تقيم الدنيا وتقعدها مثل الآن .... فماذا حدث؟ .... ثم نتسائل لماذا تفضل المرأة أن يخونها زوجها ألف مرة على أن يتزوج بأخرى ؟ الموضوع كبير وشائك وتداعياته كثيرة .... وعواقبه أيضاً أليمة بالرغم من ضرورته في بعض الأحيان ولنا في السلف الصالح أسوة في ذلك .
تحياتي وتقديراتي لشخصكم الكريم

**ام مدحت** · #6 16/01/2011, 19h14

اقتباس:

المشاركة الأصلية كتبت بواسطة NAHID 76

بسم الله الرحمن الرحيم
لا والله يا سى الباشا قمر الزمان
ما يمكن أن نكون كلنا عليك
نحن معك ومن خلفك ندفع بكل زوج الى الأمام والعلالى
ولا نستطيع العيش بدون وجودكم
بس أعمل فى الزوجه أى حاجه ميهمهاش لكن يتزوج عليها الرجل
أه
تفقد صوابها لانك بتقول لها بكده
انتى ولا حاجه
يرضيك يا سى الباشا
تحياتى

اختى الكبيرة
الاديبة الاستاذة
ناهد
احمدالله ان طمأن قلبى على سلامتكم
وقد ازدانت صفحتى المتواضعة
بنيل توقيعكم الغالى
فجمّل موضوعى
وأكمل منقوصه
كل عام وانتم بخير

**ام مدحت** · #7 17/01/2011, 15h49

لو راح تعزم كل خواتك

شرط يجونى بنصّ ولادهم

الآ شقاوة الدنيا بحالها

بتيجى معاهم على بيت خالهم

,,,

أدّاره وأعيّط ع السّلم

واتحمّل ماقدرش أتكلم

أهاليهم تسكت وتبلـّم

وكأن مابيخلـّف غيرهم

,,,,

بيجونى دستة ستات

وانا باجرى بتلات عجلات

وولادهم فى عيـيط وصوات

وماحدّش راضى يزعّلهم

,,,,

والبليه كسرت أباجورة

والصاله بقت ملعب كورة

وأنا شايله ف قلبى ومحسورة

ماقطيعه خواتك وعيالهم

,,,,,

الفرشه اتحدفت فى الحاره

ولا فاضل ع الحيطه ستاره

واخواتك فاكرينها شطاره

ولا قدرت واحده تسكـّتهم

,,,,,

وف مرّه كسروا السّراحه

واهليهم قاعده ومرتاحه

ومادوقتش فى وجودهم راحه

ولا باقدر انفـّذ طلباتهم

,,,,,,

نظراتهم بتأثر فيــّه

وانا رايحه ياحبيبى وجايّه

وباشوفهم يتغامزوا عليّه

طلقنى يالله وريّحهم

,,,,,,

**عفاف سليمان** · #8 19/01/2011, 23h52

اقتباس:

المشاركة الأصلية كتبت بواسطة ام مدحت

لو راح تعزم كل خواتك

شرط يجونى بنصّ ولادهم

الآ شقاوة الدنيا بحالها

بتيجى معاهم على بيت خالهم

,,,

أدّاره وأعيّط ع السّلم

واتحمّل ماقدرش أتكلم

أهاليهم تسكت وتبلـّم

وكأن مابيخلـّف غيرهم

,,,,

بيجونى دستة ستات

وانا باجرى بتلات عجلات

وولادهم فى عيـيط وصوات

وماحدّش راضى يزعّلهم

,,,,

والبليه كسرت أباجورة

والصاله بقت ملعب كورة

وأنا شايله ف قلبى ومحسورة

ماقطيعه خواتك وعيالهم

,,,,,

الفرشه اتحدفت فى الحاره

ولا فاضل ع الحيطه ستاره

واخواتك فاكرينها شطاره

ولا قدرت واحده تسكـّتهم

,,,,,

وف مرّه كسروا السّراحه

واهليهم قاعده ومرتاحه

ومادوقتش فى وجودهم راحه

ولا باقدر انفـّذ طلباتهم

,,,,,,

نظراتهم بتأثر فيــّه

وانا رايحه ياحبيبى وجايّه

وباشوفهم يتغامزوا عليّه

طلقنى يالله وريّحهم

,,,,,,

غاليتى الجميله
وست الكل الاصيله
الست ام مدحت
ان جم البيت وضايقوكى
وبعيالهم دوشوكى
وانتى عامله ليهم كل جمايل
وحامله همهم وهم العدايل
ان جم بيت اخوهم على حسك
مانتى اصيله وده من اصلك
تتحملى كلامهم وهمزهم وغمزهم
وببشاشه تقابليهم
والاكل تغديهم وتعشيهم
وان كسروا لك الاطباق
ما تقولى ليهم
والكوبايات راحت من لعب العيال
وسايباهم فى البيت اهاليهم
يلعبوا كوره فى الحوش
وع السطوح
واللى يتوه واللى يروح
من فرش وكوبايات مكسوره
واطباق فى الهوا طايره ومنتوره
وانتى يا عينى قاعده منتظره
الملعب ينفض وترتاحى شويه
وفى اخر الليل يسيبوا البيت
ومن التعب تنامى مهدوده
وتانى يوم تنضفى
مكان ما عملواماتش الكوره
شاربين منه يا حبيبتى
نفس الكاس يا اموره
ومش قادرين نتكلم
علشان دا حلنا واهى مستوره
هنعمل ايه فى اهليهم
لو يحسوا بتعبنا ليهم
مكانوش عملوا بيت اخوهم
ملعب ولعبوا فيه الكوره
حبيبتى الغاليه
الست ام مدحت
سلمت افكارك وسلمت اشعارك
وسلمت لنا جميعا
ويحفظك من كل شر اللهم آمين
ارق تحياتى
اختك عفاف