اقتباس:
المشاركة الأصلية كتبت بواسطة ام مدحت
اهلا بك استاذى /مصطفى
مرورا كريما اضاء صفحتى
وزين موضوعى المتواضع
ويسعدنى جدا ان اتواصل معكم
بس ربنا يعدل حال النت
فكرك يعنى شارينى بمالك
كرسى حديد اوساعةيابانى
او شغاله تربّى عيــــــــالك
ساكنـــه على الباب الورّانى
لأ ياحبيبى سلامـــــة عقلك
دانا حبّيت والهــــــــم كوانى
شوفت كتيرمن قبل ماقابلك
كتر الشوق وقـّع لى سنانى
واحلف لو ودّيتنى لأهلـــــى
عمرى ماعدت ارجعلك تانى
وان فكـّرت ف يوم تندهـلى
حاقفل حنكـــى واسدّ ودانى
واللى بنيته العمر بحـــــاله
راح يتهدّ ف ظرف ثــوانى
وبدل مااصرخ وارفع صوتى
وألمّ عليّه ساعتهــا جيرانى
لازم اصارحك ما انت حبيبى
واقول عيشتك مشعجبــــانى |
أنا شاريكـــــي بمالي !!!؟
هو ده اللى جـــــــه ف بالك
وهمة دول بــــــــس عيالــي
وماهماش ياختـــــــي عيالك
ده القطط بتربـــــــي ولادها
وانت رمياهم عند جيرانــك
فين همة يا روحي العيــــال
ده هو واحد وكمــــان غلام
والناس مش بتخلــــف زيك
كدة وخلاص والســـــــــلام
د بتراعيهم وتخـــاف عليهم
كمـــــــان حتــــى من الكلام
وانت كنتي بتعملي ايهـــ أكتر
م اللي بتهمله كل الزوجـــات
تكنس وتمسح وتطبخ وتخلف
عشان تعيش في تبات ونبات
كل ده يا عنية في أول عـــام
والتاني والله لسة ما فــــــات
ومش عايزاني اجوز تانـــــي
وانت محصلتيش حتى الست
ساكنـــه على الباب الورّانى
وتقوليلى كـــدة وبكل بساطة
حاقفل حنكـــى واسدّ ودانى
ماهو لازم يا خرابي تقفليـه
أمال عايزاني اسمع ايه تاني
رد: جوز المرتين
العرض الشجري