أنا و الأهلى مش عاشق ولا معشوق
و لا لحظة هوى عابر و بكرة أفوق
أنا مفتون و متشرب هواه و الشوق
مخلينى ساعة ما يميل أبات محروق
وأنا العصفور و هوه جناح واخدنى لفوق
ساعات بيئن و أما يميل بيتَّاخر
لكن غيره يطول ميله بلا آخر
و ألاقى كل أهلاوى بنادى القرن يتفاخر
و نسمع فى هوانا ليه كلام يمكن يكون ساخر
لكن عنه مانتحول لأنه بيضحك الآخر
و ياما كتير عوازل غنوا للتانيين
و قاموا الفرح لو مرة بقوا التانيين
و لو مرة الزمن يضحك لناس تانيين
بيتبدل كلامهم يبقوا ناس تانيين
يرجعهم حنينهم تانى للتانيين
أنا و الأهلى مش عاشق و لا معشوق
و لا غرقان بيتعلق بحبل الطوق
صحيح موجوع و همه يومين و بكره تروق
و هوه الشمس لوغابت هاييجى شروق
رد: حكاياتى مع الأهلى
العرض الشجري