ليه خيالك .. وأعمال أخرى

[عفاف سليمان]

المشاركة الأصلية كتبت بواسطة ليلى ابو مدين

الاستاذ الفاضل والشاعر الملهم

سمير حسين
أسعدك الله بكل خير
هذه الخاطره كنت قد كتبتها لأرد بها علي قصيدتك "إيه حكايته"
ولكني لم أجرؤ على كتابتها في المشاركه وتراجعت خشية
ان تكون كلمات غير لائقه ولكن بعد تشجيعك لي أود أن تقرأهذه
الكلمات
*****
هانقولك إيــــــــــــه ونعيدلك إيـــــــه
يا سيد الكــــــــــــــل يا عمنــــــــــــا
ليـــــــــــــــه تظلم بس حبيبـــــــــــك
وتقــــــــــــــول فايتنــــــا لوحــــــدنا
ماهو يمكن سايق دلالـــــــــــــــــــــه
وبـعيد عنك وصــــــــــــــــــــــــــــاله
لاجـل يزيد في الغــــــــــــــــــــــــلاوه
وتشوف ويـــــــــاه الحــــــــــــــــلاوه
ولا تيــــــــــجي في يوم تقولـــــــــــه
بطــــــــل تقل حبه وفـــــــــــرح قلبنا
دي حكايتـــــــه حكايه جميلـــــــــــه
تـتقــــــــــــــال في ألف.. ليـــــــــــله
.......مولاي.......
*****
يارب أكون وفقت في التعبير عن مضمون قصيدتك
وسامحني إن كنت قد تجاوزت
مع خالص تحياتي وتقديري
ليلى ابو مدين

الله الله الله
طيب قولوا لى انا ارد على مين
فيكم
على استاذ
(((سمير)))
وعلى عليك يا
غاليتى
(((ليلى)))
ماشاء الله
احنا بعد كده هنكلم بعض بالشعر
والكلمات الجميله
بجد انا سعيده ان فى تشجيع
لنا جميعا من قبل
اخونا الاستاذ سمير
والله فيه الخير
لانه بيحاول يطلع المواهب المدفونه او
بيساعدنا على ان نعبر عن ما يجول
فى مشاعرنا واحاسيسنا
بجد طيب ارد على مين فيكم
خلاص انتم الانتنين
حلوين وكلامكم جميل
وفيه تعبير
وموسيقى ولحن جميل
شكلنا كده راح نعمل مواويل
ونغنى عليها اه يا ليل يا عين
والله بجد تسلمون
وبجد غاليتى ليلى
انا بشوف ردودك الحلوه
دائما مضبوطه وفيها نوع من النغم
وبعدين كده هنقط على بعض
ههههههههههههههه
ربنا يسعدكم بالخير
ويارب من حلو الى احلى واحلى
دمتم لى بصحه وسعاده
اختكم عفاف

[سمير حسين]

المبدعات كلاما وشعرا

( الأستاذة عفاف سليمان)

( الأستاذة ليلى أبو مدين )

عفوا .. شرف لى أن تخط أقلامكما حروفها هنا .. ويسعدنى دائما هذا التواجد الذى يعبر عن مدى الترابط الأخوى بيننا جميعا هنا فى أرقى المنتديات ( سماعى ) كما أن المنتدى كساحة للفن والثقافة والأدب يتسع للجميع .. وكلما زاد عطاءنا وتنافسنا الشريف كلما زادت الإجادة

أهلا بالمنافسات الجميلة الراقية التى تخرج ما نختزنه من أفكار
وأعمال أدبية وغنائية حتى ولو كنا فى بداية الطريق

فهناك مقولة شهيرة تقول :

مشوار الألف ميل يبدأ بخطوة

أما هذه الأبيات تذكرنى بالديالوج الغنائى الذى نشاهده فى الأفلام الغنائية..

هانقولك إيــــــــــــه ونعيدلك إيـــــــه
يا سيد الكــــــــــــــل يا عمنــــــــــــا
ليــــــــه تظلم بس حبيبــــــــــــــــــك
وتقــــــــــــــول فايتنــــــا لوحــــــدنا
ماهو يمكن سايق دلالـــــــــــــــــــــه
وبـعيد عنك وصــــــــــــــــــــــــــــاله
لاجـل يزيد في الغــــــــــــــــــــــــلاوه
وتشوف ويـــــــــاه الحــــــــــــــــلاوه
ولا تيــــــــــجي في يوم تقولـــــــــــه
بطــــــــل تقل حبه وفـــــــــــرح قلبنا
دي حكايتـــــــه حكايه جميلـــــــــــه
تـتقــــــــــــــال في ألف.. ليـــــــــــله
.......مولاي.......

شكرا أستاذتنا شهر زاد على أبياتكم الشعرية الجميلة

وشكرى للأستاذة عفاف

وتمنياتى بالتوفيق لنا جميعا
...

[سمير حسين]

.. زمان ..

لسه فاكر....................

أيــــــــــــوه ما نستش اللى كان

واللى شوفناه ف حبنـــــــــــــــــا

أيام زمان ...................

لمــا كنتِ بتصحى من قبل الأدان

وتدقى على قلبى بمشاعـــــــــرك

نضحك وتصحى الجـــــــــــيران

كنت أحس والدنيــــــــــــا ضلمة

كأن نور الشمس بــــــــــــــــــان

أخرج وإيدى حاضنة إيـــــــــــدك

والطريق بالناس مَــــــــــــــــلان

وكل كلمة حب حلــــــــــــــــــــوة

تبقى خضرة ع اللســـــــــــــــــان

فارشة لينــــــــــــــا ف كل خطوة

سكة مفروشة بالريحــــــــــــــان

يــــــــــــــــــــــــــــــــــــــــــــــاه

دا كان زمان

...

جاي تقول ده كان زمــان
وانا فاكرة كل همســـــــة
وكل اللى بينا واللى كان
كأنه كان من لحظـــــــــة
شفت في عنيك الأمـــــان
والحب من أول نظـــــرة
وحبك في عنية بــــــــان
وعشنا أيام مع الفرحــة
أغنية حب على كل لسان
وقصة كتبناها كلمة كلمة
بكل الشوق والحنـــــــان
ومع كل نظرة وكل لمسة
غنت الطيور في كل مكان
وجاي دلوقتي تقـــــــــول
ده كان زمــــــــــــــــــان

[ليلى ابو مدين]

شاعرنا الهمام
الاستاذ سمير حسين
الله الله الله
اسمحلي أقول لسيادتك أن قصيدة كان زمان من أجمل ما كتبت
هنا في ....ليه خيالك ..والدليل على ذلك هذا التفاعل
الجميل من أستاذنا الباشا قمر زمان
فموضوع الابيات ثري جداً ومن الممكن كتابة عشرات القصائد
عنه ومشاركة مني وتفاعلاً مع كلماتك الرائعه
وأيضاًهذا الحوار الراقي الذي بدأه أستاذنا الباشا
فقد كتبت رد على "هي" بكلمات قليله فأرجوا الا أكون تجاوزت حدودي وأطمع في كرمك الكبير
***
أيوه هاقــــــــــــولك ده كان زمـــــان
بعد ما بعدتــــــــــي عني ونسيـــــتي
حبي وشــــــــــــــوقي..واللي كـــــان
ليه بتفكري في أيـــــــــــــــــام زمــان
وبتطلبي دلوقتي مني الحب والامــان
وإنتِ اللي غدرتــــــــــي وخنتــــــــي
ودوقتيني السهد واللوعه والحرمـــان
جربي بقى دلوقتي غدر الايــــــــــــام
ومتسألنيش على اللي كـــــــــــــــــان
اللي كان خلاص بقى طي النسيــــــان
ما راح وراحت معاه اللهفه والاشجان
****

[عفاف سليمان]

صباح الفل
طيب انا اكتب رد لمين فيكم
ليك شاعرنا الاستاذ
((سمير))
ولا لاستاذنا
((مصطفى))
ولا
لغاليتى
(( ليلى))
ماشاء الله عليكم
كلامكم بالشعر جميل
لغه وزوق وفن اصيل
ارد انا على
مين ولا مين
حلوه الكلمات استاذ
(( سمير))
بس ليه كان زمان
ليه ميبقاش فيه امل
دا الامل بيبقى احلى
لما نقول
اه
كــــــــــــــــــان زمان
خلى الامل يجى فى بكره
وبكره نعيش فيه
ونفتكر معاه
احلى ذكرى
ومنقولش تانى
اه كان زمان
طبعا انا مش كاتبه خاطره
ولا مداخله
دا رد فقط
تحياتى وامنياتى لكم باوقات طيبه
دمتم لى بخير جميعا
اختكم عفاف

[سمير حسين]

الأســــاتذة الأفاضل

الأستاذ .. الباشا قمر زمان

الأستــاذة .. ليلى أبو مدين

الأستــاذة .. عفاف سليمان
...
أولا : شرف لى تواجدكم دائما هنا وهذا يسعدنى جدا جدا
ثانيا : هذه الجملة بالذات من الأستاذة ليلى زعلتنى جد جدا :
كتبت رد على "هي" بكلمات قليله فأرجوا الا أكون تجاوزت حدودي وأطمع في كرمك الكبير

.. يا أستاذة ليلى .. أؤكد ثانية أن تواجدكم فقط شرف فما بالى بأن يضع كل منكم أفكاره وأشعاره هنا أستاذنا القدير الباشاوأستاذة ليلى وأستاذة عفاف والله سعدت جدا وما تأخرى فى الرد اليوم إلا لوجودى فى مامورية عمل فأرجوا لكل من يستكمل نصا لى أو يكتب إضافة ممنوع كلمة إستئذان المكان لنا جميعا نتناقش ونتحاور ونكتب ما نحسه .. فأهلا بكل من يتواجد فى ليه خيالك .. وأكرر دون إستئذان ..
ثالثا : بعدما قرأت أشعاركم مش عارف أكتب إيه الموضوع بقى أجمل مما كتبته وأعطى أستاذنا الباشا الفرصة يرد لأنه صاحب هى .. ويارب يكون متواجد علشان أعرف أرد عليه هو أنا أنسى اللى عمله معايا بعد حكاية بتعة العمشة وكل الناس الحلوين خاصمونى بعدها..

أطيب تحياتى لكم وأهلا بكم شرفتونى
...