الورد .. وأعمال أخرى

[سعدالشرقاوى]

الاخ الاستاذ
ممدوح محفوظ
امتعتنا بهذه الرباعيات
المنظومه والهادفة
دمت بكل خير

[ممدوح محفوظ]

المشاركة الأصلية كتبت بواسطة سعدالشرقاوى

الاخ الاستاذ
ممدوح محفوظ
امتعتنا بهذه الرباعيات
المنظومه والهادفة
دمت بكل خير

استاذ سعد الشرقاوى
اسعدنى تعليقك
و لما سمعت ازجالك وعرفت قدرك
اخافنى تعليقك
فقد يصيبنى الغرور بأن كلماتى امتعتك ...ء

[ممدوح محفوظ]

فى ذكرى جمال عبد الناصر


بعد الأمَال الفرع مَال و على الكِتاف احْمَال

عُمال مَ شافت مَال نهبوها رِجال اعْمَال

فوق الفساد إهمال .. عَمال يزيد عَمال

واتغيرت احوال ... بَعدك , حبيبنا جمال ...ء

[ممدوح محفوظ]

صاحب اُسود و سدود .. عزمك مَ كان له حدود

و الى بخيره يجود مش ممكن يلاقى جحود

بعدك شَبعنا شُرود وجمود وكلنا الدُود

و بقينا اهل لحود ... يا ريت الى فاتنا يعود ...ء

[ممدوح محفوظ]

صانعوا نصر اكتوبر


يوم العبور يا نور فِ ضميرنا و عقولنا

عزْم الرِجال قولناه ... شِعر و زَجل قولنا

و مَهما وصَفنا مَ نوصل للحقيقه كتير

بإراده و إيمان عَبَروا والنصر جابُولنا



بطل الحكايه دِ جندى من ولادنا شِديد

عاشِق بلاده و جهاده والاراده حديد

قاعد على شط الكنال صاحى ومستنى

اخر مناه العبور .. ويوم عبوره عيد



عدى الكنال مَرات و الليل وَفى وسَتّار

ينْزف فِ دم العدو يملالُه ليلُه نار

يا ألف يوم أمجاد رسَمت طريق النصر

يوم العبور خَلى ضَلمه قلوبنا نهار



فى كل عيله نلاقى مِ البطل ده كتير

الى مصيره شهيد والى مصيره اسير

والى رَجَعْ بالامل شايله على كتافه

دولْ إلى ضَحّو و صَبرو ..و جابو نصر كبير ....ء

[ممدوح محفوظ]

يا غصن ليه زعلت الوردَه دى منّك
بكت الليالى و دارت دمعها عنّك
إن كنت انت الضِل , هىّ العبير يرويك
و إن كنت إنت اللّحن , هىّ نَغَم فنّك ....ء

[ليلى ابو مدين]

المشاركة الأصلية كتبت بواسطة ممدوح محفوظ

يا غصن ليه زعلت الوردَه دى منّك

بكت الليالى و دارت دمعها عنّك
إن كنت انت الضِل , هىّ العبير يرويك

و إن كنت إنت اللّحن , هىّ نَغَم فنّك ....ء

بسم الله الرحمن الرحيم

الشاعر الكبير الاستاذ
ممدوح محفوظ
أسعدك الله بكل خير
الله الله الله
إيه الرومانسيه والشاعريه دي كلها يا أستاذنا ...
أبيات رومانسيه كلماتها رقيقه كلها عذوبه وسلاسه
ومعانيها ذات إحساس عالي جداً
أحسنت يا شاعرنا الكبير
متعك الله بالصحه والعافيه
مع خالص تحياتي واحتراماتي
ليلى ابو مدين