أعمال من تنفيذ الفنان محمد الآلاتي

**الألآتى** · #1 30/12/2009, 06h28

اقتباس:

المشاركة الأصلية كتبت بواسطة محمودسعد

ياسلام ياسلام ياسلام

قلبت علينا النحت والمرمه والحقاق والابيج واميييييه والانصيف والسهلي بضم الميم والبرقع
ياااااااه
كل ده افتكرته من تعقيبك انت والغالي صلاح علام (سياده الرئيس)
صحيح كانت ايام ؟؟؟؟؟؟؟؟؟؟؟؟؟؟؟؟؟
مش سوده ؟
لا كانت ايام تمشي فيها في الشارع تلاقيه شبه فاضي
ياسلام عالتجاره وحلاوتهم وكازينو شريف وسرسع ووووو
زمان يافن
دلوقتي بتوع موبيليا كسر كمان في محمد علي
وعاوز يكون فيه فن ياراجل منك له ؟
البركه فيكم انتم ويديكم الصحه والعمر ويخليك لينا يامشعل مشاعل المبدعين ياالاتي

تصور بقى يامحمود .. إنى عمرى ماشتغلت فى محمد على .. أو طلعت مع أى فرقة من هناك ..

لأنى كنت بشتغل فى باب الشعرية .. وكانت معايا فرقتى الخاصة ..

وكنا بنعتبر محمد على .. مستوى أقل من باب الشعرية .. لأنه لامم من كل لون ..

طبعاً لما كبرت .. كنت باروح الشارع علشان أجيب البنات بس .. وماحدش يفهم غلط .. البنات يعنى الراقصات .. علشان الشغل ..

الله يخرب بيت دى أيام .. وتقوللى مش سودة ياعم محمود ..

**محمودسعد** · #2 30/12/2009, 07h01

اقتباس:

المشاركة الأصلية كتبت بواسطة الألآتى

تصور بقى يامحمود .. إنى عمرى ماشتغلت فى محمد على .. أو طلعت مع أى فرقة من هناك ..

لأنى كنت بشتغل فى باب الشعرية .. وكانت معايا فرقتى الخاصة ..

وكنا بنعتبر محمد على .. مستوى أقل من باب الشعرية .. لأنه لامم من كل لون ..

طبعاً لما كبرت .. كنت باروح الشارع علشان أجيب البنات بس .. وماحدش يفهم غلط .. البنات يعنى الراقصات .. علشان الشغل ..

الله يخرب بيت دى أيام .. وتقوللى مش سودة ياعم محمود ..

اه ياخويا قلب علينا قلب
مش بقوللك الدم بيحن
الله يرحمك يابو كحله انت وجلال الشنكحاوي وعم توكال ورمضان القهوجي بتاع الدفراوي وغير بقي محمد الامبابي ؟؟؟
يااااااه
الله يباركلك يابو حسام
تصور ان الحال من بعضه في حكايه باب الشعريه ؟؟برضه انا خريج باب الشعريه
بس والله كانت ايام حلوه يامحمد
رغم اي شئ ؟؟ علي الاقل كنت بتتعامل مع فنانين مش نبطشيه وكان زميلك يعني فنان ؟مش حاجه تاني وماكانش اي واحد بيجعر يبقي مطرب وماكانش اي واحد يسجل سيديهايه ايا كان بيشتغل ايه وفجاه تلاقيه بقي مطرب
ياعم بقي؟؟؟؟؟؟
وانا ياعم راضي حكم الناس القديمه ؟
هل دلوقتي هو اللي اسود ؟؟ولا زمان من 30 سنه ؟؟؟
ولنعتبر ده سؤال للجميع ارجو الاجابه عليه
وانا راضي ياالاتي ؟؟

**الألآتى** · #3 30/12/2009, 07h35

اقتباس:

المشاركة الأصلية كتبت بواسطة محمودسعد

اه ياخويا قلب علينا قلب

مش بقوللك الدم بيحن
الله يرحمك يابو كحله انت وجلال الشنكحاوي وعم توكال ورمضان القهوجي بتاع الدفراوي وغير بقي محمد الامبابي ؟؟؟
يااااااه

ربنا يرحمهم جميعاً .. وفاكر ( عم قرنى ) مكوجى الرجل .. كان قصاد أبو كحله على طول .

دلوقتى الشارع كله مش موجود .. الحكومة هدت المكان كله علشان تفتح شارع على بورسعيد ..

حتى الذكريات مستكترينها علينا .

**عفاف سليمان** · #4 30/12/2009, 08h04

اقتباس:

المشاركة الأصلية كتبت بواسطة الألآتى

أهو سيادة الرئيس شرحلك يادكتور ..

ومحمود سعد فضحنا ..

وزيادة فى الفضيحة .. مانا خلاص سبت الشغلة .. حاقولك على شوية مصطلحات ومعناهم ..

محمود سعد قال شوية منهم زى :

النحت = الشغل
المرمة = شغلانة صغيرة ( على قدها )
الحقاق = الطبال
الأبيج = الأجر
أميييه = خليها فى سرك
الأنصيف = نصف جنيه
الصوهلى = جنيه
البرقع = ربع جنيه

وكمان شوية من عندى ..

الشمالة : خمسة جنيه .. وكانت زمان خمس قروش
العنترة : عشرة جنيهات .. وكانت زمان عشرة قروش
الرخوة : الأكل
مآحلى = الشاى

وغيرهم وغيرهم .. ده غير الكلام بالسيم .. أو السين

يعنى كل كلامنا يبدأ بحرف السين .. ثم نقول كلمة تبدأ بالحرف الذى وضعنا مكانه السين .. شغلانه يعنى

بس الكلام ده قدام الزباين بس .. لكن بينا وبين بعض .. بنتكلم عادى ..
ياللا .. عايزين فضيحة أكتر من كده ..

كل ده بسبب مشاعل

كلما بقى يادكتور هشام .. عن التغييرات والكروماتيك والذى منه .

اقتباس:

المشاركة الأصلية كتبت بواسطة الألآتى

تصور بقى يامحمود .. إنى عمرى ماشتغلت فى محمد على .. أو طلعت مع أى فرقة من هناك ..

لأنى كنت بشتغل فى باب الشعرية .. وكانت معايا فرقتى الخاصة ..

وكنا بنعتبر محمد على .. مستوى أقل من باب الشعرية .. لأنه لامم من كل لون ..

طبعاً لما كبرت .. كنت باروح الشارع علشان أجيب البنات بس .. وماحدش يفهم غلط .. البنات يعنى الراقصات .. علشان الشغل ..

الله يخرب بيت دى أيام .. وتقوللى مش سودة ياعم محمود ..

اقتباس:

المشاركة الأصلية كتبت بواسطة محمودسعد

اه ياخويا قلب علينا قلب

مش بقوللك الدم بيحن
الله يرحمك يابو كحله انت وجلال الشنكحاوي وعم توكال ورمضان القهوجي بتاع الدفراوي وغير بقي محمد الامبابي ؟؟؟
يااااااه
الله يباركلك يابو حسام
تصور ان الحال من بعضه في حكايه باب الشعريه ؟؟برضه انا خريج باب الشعريه
بس والله كانت ايام حلوه يامحمد
رغم اي شئ ؟؟ علي الاقل كنت بتتعامل مع فنانين مش نبطشيه وكان زميلك يعني فنان ؟مش حاجه تاني وماكانش اي واحد بيجعر يبقي مطرب وماكانش اي واحد يسجل سيديهايه ايا كان بيشتغل ايه وفجاه تلاقيه بقي مطرب
ياعم بقي؟؟؟؟؟؟
وانا ياعم راضي حكم الناس القديمه ؟
هل دلوقتي هو اللي اسود ؟؟ولا زمان من 30 سنه ؟؟؟
ولنعتبر ده سؤال للجميع ارجو الاجابه عليه
وانا راضي ياالاتي ؟؟

والله انا استمتعت بالموسيقى
وبالكلمات الجميله عن السين اللى بيبقى بين الموسيقيين
المفروض تعملوا قاموس للغه دى فى ملف قبل ان يتنسى
وينتهى مع الزمن
كنوع من المعلومات العامه
مش هتضر لكن ممكن تفيد
هههههههههههههههههه
تحياتى دائما لابداعاتكم الجميله
و يارب دائما تنوروا سماعى
وتذكرونا معكم بايااااااااااااااااام زمان
اختكم عفاف

**سيادة الرئيس** · #5 30/12/2009, 09h05

و في السياق و لكي تعم الفائدة أنصح و بشدة الإطلاع على هذا الموضوع

هنا

**محمودسعد** · #6 30/12/2009, 09h22

اقتباس:

المشاركة الأصلية كتبت بواسطة سيادة الرئيس

و في السياق و لكي تعم الفائدة أنصح و بشدة الإطلاع على هذا الموضوع

هنا

اللي عاوز يتعلم لغه غريبه عليه لانها لغه ولاد الكار (الفنانين )
يدخل فعلا موضوع سياده الرئيس
مع ان اللغه دي اندثرت بس عم صلاح فكرنا بيها هو والالاتي

**Hisham Khala** · #7 30/12/2009, 15h26

شحلوح شمبول بلابل المفلي

انتم فاكرين انكم الواحدين اللي تعرفوا السيم

السخس فونا ذي فونا

= الشخص فينا ذو فن

**abuzahda** · #8 31/12/2009, 01h15

اقتباس:

النحت = الشغل
المرمة = شغلانة صغيرة ( على قدها )
الحقاق = الطبال
الأبيج = الأجر
أميييه = خليها فى سرك
الأنصيف = نصف جنيه
الصوهلى = جنيه
البرقع = ربع جنيه

وكمان شوية من عندى ..

الشمالة : خمسة جنيه .. وكانت زمان خمس قروش
العنترة : عشرة جنيهات .. وكانت زمان عشرة قروش
الرخوة : الأكل
مآحلى = الشاى