تحليلات سيادة الرئيس ـ أبو على

**unicorn** · #1 29/12/2009, 21h42

اقتباس:

المشاركة الأصلية كتبت بواسطة سيادة الرئيس

عالم الحيوان

و كان متاخد من مقطوعة بإسم : Quiet Village

صدرت سنة 1958

يا ألطاف الله ,
جميلة أوى يا سيادة الرئيس , يدوم عزك يا افندم
الله يمسيه بالخير محمود سلطان و يرحم حامد جوهر كانوا هما animal planet بتاعنا وقتها و لا هند أبو السعود و د. مصطفى محمود كانوا discovery و national geographic , والله كانت مواعيد كل البرامج دى فى جدول كل المصريين اليومى , يعنى كنا نقول هانتفرج على جولة الكاميرا عند فلان أو عايز أرجع من صلاة الجمعة بدرى قبل عالم الحيوان
و كان ال talk show وقتها برامج طارق حبيب و منى جبر و نجوى ابراهيم و سمير صبرى
قكرتنا ليه بس
دلوقتى الواحد بيجيب الأولى و الثانية عشان تتفقع مرارته شوية مع مفيدة شيحة و حياة عبدون الله يحرقهم بجاز.
اسمحلى أضيف لموسيقى إخترنا لك الاسم cloud nine
لباند mongo santamaria
و موسيقى الكرة و الملاعب لونجا 79 لهانى شنودة و أظن على الطريق هى مايس الريم لزياد الرحبانى ,
تدوم عطاياك الملوكى يا أستاذ صلاح
هو مش برضه last tango in Paris كان ايام مارلون براندو ما كان قليل الادب

**abuzahda** · #2 29/12/2009, 22h01

و النبي ، ألاقيش عندك تتر "كاميرا 9" ؟ بتاع الست أماني ناشد ، الله يرحمها

يا كـُكـَّر ؟

**سيادة الرئيس** · #3 29/12/2009, 22h15

اقتباس:

المشاركة الأصلية كتبت بواسطة abuzahda

و النبي ، ألاقيش عندك تتر "كاميرا 9" ؟ بتاع الست أماني ناشد ، الله يرحمها

يا كـُكـَّر ؟

حبيبي و النبي يا صاحب الأنوار

للأسف يا سيدنا

ده أنا نفسي في برنامج ( الكاس لمين ) فكره يا سيكا و لا انت كنت طالب خايب

**abuzahda** · #4 29/12/2009, 22h28

اقتباس:

المشاركة الأصلية كتبت بواسطة سيادة الرئيس

حبيبي و النبي يا صاحب الأنوار

للأسف يا سيدنا

ده أنا نفسي في برنامج ( الكاس لمين ) فاكره يا سيكا و لا انت كنت طالب خايب

طبعاً فاكره ( كان تلفزة لبرنامج علي فايق زغلول : الغلط فين؟)

و فاكر - كمان 6/6 بتاع الست نوجه إبراهيم ، و كانت في آخر كل حلقة تطلب من جمهور - المنازل مش الاستوديو - اللي شبه النجم الفلاني ، يحضر لماسبيرو ...
و في حلقة الأستاذ فؤاد المهندس ، فتم اختيار 41 شبيه له (بعد التصفيات ، طبعاً)

فقيل يومها: يخلق من الشبه 40 ، و من فؤاد المهندس 41

،

طبعاً كنت تلميذ خايب .... ولا زلت

ما انت عارف

.

**رائد عبد السلام** · #5 30/12/2009, 17h14

سيدي الرئيس : أبو علي
عمنا الكبير : أبو زهدة

يا اسيادنا بالراحة علينا

انظروا كيف تحوّل موضوع موسيقي
لصلاح بك إلي مهرجان ..!!
هذا ما يسمونه فيض الحضور

قال وبيقولوا إن آخر ظرفاء العصر
كان كامل الشناوي !!!

حتي الظـُرف بيزيـّفوه ....!!

أمال أنتم تبقوا إيه ؟

ساعات باحسّ إن بلدنا غربال كبير
ما بيقعدش فيه غير ......النخالة

ربنا يرجعكم بالسلامة
يا أولي الألباب

**سيادة الرئيس** · #6 30/12/2009, 17h30

اقتباس:

المشاركة الأصلية كتبت بواسطة رائد عبد السلام

ربنا يرجعكم بالسلامة
يا أولي الألباب

ربنا ما يحرمنا من فيض ذوقك و كرم أخلاقك العالية يا رائد باشا

**سيادة الرئيس** · #7 29/12/2009, 22h07

اقتباس:

المشاركة الأصلية كتبت بواسطة unicorn

هو مش برضه last tango in Paris كان ايام مارلون براندو ما كان قليل الادب

آميه بقى

**عادل فؤاد رفاعى** · #8 30/06/2010, 12h12

موضوع جميل جدا..مخدتش بالى منه الا النهاردة

**ثومة 72** · #9 01/07/2010, 11h41

ايه الروائع دى تسلموا يا سيادة الرئيس وابوزهدة وكل الحبايب اللى مروا هنا والظرفاء الككر والسكر وعم رائد وكل اللى هنا .. بجد تحف وبرامج تتراتها جميلة اتمنى اشوفها وعلى فكرة يا عم الألأتى انا اصغر واحدة فيكم بس خيبتى انى ما عاصرت البرامج الجميلة دى بدل التوك شو والقرف بتاع النهار دا .. دى حتى شوية معلومة ثقافية فيها مش موجودة قولولى ازاى اشوفها ؟؟

**حسن كشك** · #10 04/07/2010, 01h58

طيب
فاكرين الصوره دى اللى كنا بنقعد نتفرج عليها لغاية التلفزيون مايفتح ... وكان بيصاحبها صفاره طويله .
الكلام ده من 50 سنه بالظبط
1960