لو ما قدرتش تسعد

[abuzahda]

المشاركة الأصلية كتبت بواسطة ناصر دويدار

لو ما قدرتش تسعد غيرك

ما تبكيش يوم حد
أصل البُكا حراق
بيعيش صوت ع الخد
يفضل يلمع
يبعد يرجع
ينشف يصبح
جـــرح بجد
ما تبكيش يوم حد
كلمة ظلم تفوت ع العين
تنزل دمـــع
كلمة ظلم تخش القلب
تطفى الشمع
حاسب من غلطة على لسانك
وياريت يبقى العـفـو حصانك
يرمـح يعـفــى
يضم يدفــى
الناس من البرد
ما تبكيــــش يوم حــــــــد
ما تدخلش فى قلبك حد ما تعرفهوش
واللى يحبك
حبه بجد ما تجرحهوش
كون إنسان على طول الخط
وأبقى لكل غريق الشط
سلم تسلم
وأحلم أحلم
عيش بالحب
أرخــــى وشد
ما تبكــيـش يوم حـــــد

معلش يا أستاذ ناصر
ممكن نتكلم جد شويّة ، على أساس ان الناس هنا سامعانا (سماعي بئى)

أحلامك الشِعريّة ممكن تتحقق في مكانٍ ما على أرض ربنا ، علشان أحلامك لها جدر ، مش زي أحلام اليقظة ، طايرة في الدخان .
أنا أقترح مكان ورا مسرح البالون (أظن إسمه الحِيتِيّة) ، كنت زمان بروح هناك عند جماعة أشرار (شكلهم قرأوا قصيدك دي) ،

كان مُستحيل حد يخرج من عندهم مابيضحكش .... إلاّ اللي دفع الحساب .

يا سلااااااام لو العالم ده يحكموه الشعراء ، حتى و لو كانوا: أشرار الحِيتِيّة

[ناصر دويدار]

[QUOTE=abuzahda;352059]

معلش يا أستاذ ناصر

ممكن نتكلم جد شويّة ، على أساس ان الناس هنا سامعانا (سماعي بئى)

أحلامك الشِعريّة ممكن تتحقق في مكانٍ ما على أرض ربنا ، علشان أحلامك لها جدر ، مش زي أحلام اليقظة ، طايرة في الدخان .
أنا أقترح مكان ورا مسرح البالون (أظن إسمه الحِيتِيّة) ، كنت زمان بروح هناك عند جماعة أشرار (شكلهم قرأوا قصيدك دي) ،

كان مُستحيل حد يخرج من عندهم مابيضحكش .... إلاّ اللي دفع الحساب .

يا سلااااااام لو العالم ده يحكموه الشعراء ، حتى و لو كانوا: أشرار الحِيتِيّة
000000000000000000000000000000
أنت عارف لو الشعرا حكموا العالم مش حتلاقى ع الأرض تعبان واحد أولاً الشعرا
سيبك من أنهم كدابين شوية لكن لو عصرتهم حينزلوا حنية وعدل وحب وحق وخير وجمال بس المشكلة
أنهم حيفتحوها على البالون والخيبة التقيلة مش هيعرفوا يقفلوها بس أنت عارف أنت مش لايق فى الجـــد والبدلة والجرافتة أرجع تانى للتى شيرت والمقص والزرع ويلا هات خرطوم المية عندنا شغل كتير الورد اللى مزروع ده لازمله جناينى زيك يا جنينة ماشية على الارض 0

[علاء قدرى]

لو حكم العالم الشعراء
لاكل العالم من فوقهم ؛ومن بين ايديهم ومن تحت ارجلهم ..................................كلام
ولالتحفوا .................................................. ..............بالعراء
الشعراء ملح الارض .....بهم نتذوق الطعام
وقطعة سكر .........تقلل مرارة الاشياء
لكنهم ..............لا يصنعون الطعام؟؟؟؟

[abuzahda]

المشاركة الأصلية كتبت بواسطة علاء قدرى

لو حكم العالم الشعراء
لاكل العالم من فوقهم ؛ومن بين ايديهم ومن تحت ارجلهم ..................................كلام
ولالتحفوا .................................................. ..............بالعراء
الشعراء ملح الارض .....بهم نتذوق الطعام
وقطعة سكر .........تقلل مرارة الاشياء
لكنهم ..............لا يصنعون الطعام؟؟؟؟

إيه يا أستاذ علاء ده
إنت كده هتقضي على طموحنا السياسي ، همّ يعني الشعرا يقلـّوا إيه عن بتوع لجنة السياسات ؟

أولاً بالنسبة لحكاية كذب الشعرا اللي قال عليها عمنا ناصر دويدار ، كذب الشعرا كذب مُتفق عليه مُسبقاً مابين الشاعر و المشعور و المستشعِر (الشاعِر و الشعر و القارئ) ، على أساس إن: أصدق الشِعر أكذبه

و بعدين لما الشاعِر يبقى حاكم - لاسمح الله- هيكون تحت إيده أدوات الحكم ، اللي هيّ أطول فعلاً من : الخيال و الكيبورد

يعني يكون الحاكم بقلب شاعِر

و بعدين يا عم ماهو عنترة العبسي ، كان شاعِر ، و كان بيحكم بني عبس من الباطِن

و أبي فراس الحمداني ، تجربته في الأسر تفكرك بنيلسون مانديلا في السجن ،
و فيدل كاسترو في الأحراش مع تشي جيفارا
و ناصر دويدار في الكراسي
و عمّي كمال في دمنهور
و رائد عبد السلام في القناطر
و طارق العمري في المركب
و عمنا سعد الشرقاوي في التوتة
و علاء طه ياسين في الصعيد
و محسوبك في كندا
و جمال فتحي في قلوبنا
و ...............
و كان أبو فراس - برضو - بيحكم بني حمدان من تحت الترابيزة

(إيه ده ؟ هو مكتوب على الشعرا يحكموا من تحت بس ؟)

إيه يا أستاذ ؟ إنت معانا و لاّ مع لجنة السياسات ؟
و لا قراءة الأدب شغلتك عن قراءة كتب تفسير الأحلام ؟!

إيه الإحباط ده
إيه ده؟
إيه ده؟
إيه ده؟
إيه ده؟
إيه ده؟

[رائد عبد السلام]

المشاركة الأصلية كتبت بواسطة abuzahda

إيه يا أستاذ علاء ده

إنت كده هتقضي على طموحنا السياسي ، همّ يعني الشعرا يقلـّوا إيه عن بتوع لجنة السياسات ؟

و ناصر دويدار في الكراسي
و عمّي كمال في دمنهور
و رائد عبد السلام في القناطر
و طارق العمري في المركب
و عمنا سعد الشرقاوي في التوتة
و علاء طه ياسين في الصعيد
و محسوبك في كندا
و جمال فتحي في قلوبنا
و ...............

إيه الإحباط ده
إيه ده؟
إيه ده؟
إيه ده؟
إيه ده؟

إيه ده؟

أحبابي الشعراء (الأصليين)
شعراء سماعي
عمي الشاعر المهندس / سيد أبو زهدة
أخانا الذي في المباحث(باعتبار ما سوف يكون): ناصر دويدار
حبيبي المثقف الكبير / علاء قدري

حتي لو الشاعر ينفع يحكم ...
أكيد مش حيبقي من شعراء سماعي
لسبب بسيط : إن عندهم أخلاق ...

والأخلاق والسياسة زي القط والفأر
(ده حتي القط والفأر أنا شوفتهم
في شارع جانبي في باسوس بيلعبوا سوا
وآخر انسجام
وقعدت أضحك وبقيت مستعجب...!!
وقلت ف نفسي دول أكيد خارجين من عند
محمد الآلاتي )

إنما شعراء سماعي لو حكموا
حتبقي ..... معجنة

ويُسأل في ذلك عمنا سمعجي
صح ياعمي كمال ؟؟

ولو ماردش عليا في خلال يوم
يبقي أكيد الشعراء مش ح يحكموا
أبدااااااااااا

مفيش حاكم بيغيب عن
مملكته أكتر من يوم

صح ياعمي سيد ؟

[ناصر دويدار]

[QUOTE=رائد عبد السلام;352146]

أحبابي الشعراء (الأصليين)

شعراء سماعي
عمي الشاعر المهندس / سيد أبو زهدة
أخانا الذي في المباحث(باعتبار ما سوف يكون): ناصر دويدار
حبيبي المثقف الكبير / علاء قدري

حتي لو الشاعر ينفع يحكم ...
أكيد مش حيبقي من شعراء سماعي
لسبب بسيط : إن عندهم أخلاق ...

والأخلاق والسياسة زي القط والفأر
(ده حتي القط والفأر أنا شوفتهم
في شارع جانبي في باسوس بيلعبوا سوا
وآخر انسجام
وقعدت أضحك وبقيت مستعجب...!!
وقلت ف نفسي دول أكيد خارجين من عند
محمد الآلاتي )

إنما شعراء سماعي لو حكموا
حتبقي ..... معجنة

ويُسأل في ذلك عمنا سمعجي
صح ياعمي كمال ؟؟

ولو ماردش عليا في خلال يوم
يبقي أكيد الشعراء مش ح يحكموا
أبدااااااااااا

مفيش حاكم بيغيب عن
مملكته أكتر من يوم

صح ياعمي سيد ؟
000000000000000000000
على فكرة يا معلم رائد حكاية القط والفار
عندى قصيدة حنزلهالك على العيد
لانها بتحكى كل اللى أنت بتقوله
الفـار ما بقاش يخاف من القطط
والقطط مابقتش بتخوف فيران
<الفار فجر>
؛؛؛؛؛
أما حكاية الشعرا اللى حيحكموا العالم
فاده شئ فانتازي طرحه علاء قدرى
من باب سلى صيامك
يعنى ما تقعدلهوش على الواحدة
؛؛؛؛؛
يمكن علاء يبقى وزير ثقافة
فى يوم من الأيام
فايخلى باله منك
أنا مبسوط من مرورك
ومستنى القصيدة
اللى جاية
*******

[سعدالشرقاوى]

ياسلام يا استاذ ناصر
(لو ماقدرتش تسعد ماتبكيش يوم حد)
وكل جملة محتاجة كلام كتير
وكم الحكم الموجوده
فى موضوع صغير الحجم
كبيرالمضمون
بس هوّ كده الاستاذ أبوزهده
يدوب الشرارة الاولى
حجر الاساس
يا سلااااااام لو العالم ده يحكموه الشعراء ، حتى و لو كانوا: أشرار الحِيتِيّة
ويتجمعوا الحلوين وسبحان الله ياخى
ماأعرفش الراجل ده عامل فى قلوب الناس ايه
مع ان الفكره مش بطاله بس لابدمن تغيير بعض المصطلحات
الواسطه مثلا تسمى المحسوبيه
لتغيير الديكور نفسه
وأعتقد 95فى المائة من الموجود هانحتاجه هناك
مع تبديل ملابسه
كل عام وانت بخير ومجمّع الحبايب يااستاذ ناصر

[سمعجى]

المشاركة الأصلية كتبت بواسطة abuzahda

يا سلااااااام لو العالم ده يحكموه الشعراء ، حتى و لو كانوا: أشرار الحِيتِيّة

المشاركة الأصلية كتبت بواسطة رائد عبد السلام

إنما شعراء سماعي لو حكموا
حتبقي ..... معجنة

ويُسأل في ذلك عمنا سمعجي
صح ياعمي كمال ؟؟

ولو ماردش عليا في خلال يوم
يبقي أكيد الشعراء مش ح يحكموا
أبدااااااااااا

مفيش حاكم بيغيب عن
مملكته أكتر من يوم

صح ياعمي سيد ؟

عَدّى يوم و لاَّ لسة ؟!

عموماً يا عم رائد ،،، ما يحكمش

شفت حِكمة أهل المحروسة ، لما يختصروا رد الفِعل ، بصدد " واقِعة طويلة عريضة " في كلمتين :

ما يحكُمش !

و عمنا أبو زهدة ، و الذي يمثل " تِرس كُرسي البـِندِكس " في كار الشِعر و الأدب ، دائماً ما يثير القلاقِل " حِلوة قلاقِل دي " ، فيتمنى من نخاشيش قلبه ، أن يحكمَ الشعراءُ العالم !

طاب ياريت ،، دَنا كنت اجيب للدنيا مِيت ألف إبن على رأىّ حَبَر الشِعر الأعظم عمنا صلاح جاهين ،، بس بشرط ،، يكون حاكم من فصيلة رائد المصري ، الفوق البنفسجيّة ،،


و فرضاً جَدَلاً " أنا باقول فرضاً جَدَلاً " ،، أن العبد لله ، أغمض عينيه و فتحهما ، فأصبح بقدرة قادر " رئيس مملكة طِيبة الفرعونية القبطية الإسلامية العربية المتحدة ،، فأول ما سأنطقُ به " قبل حلف يمين الولاء " هو :

واااحسرتاه ،، وااامصيبتاه ،،، عَلـَىّ و على أعدائي ،،، إدِّيها عدالة اجتماعيّة ،، تدِّيك طراوة


قرار أخير : كلُّ قاطِن ٍ ل " فيلا ّ" بجنينة في مدينة مِن مُدن " هشام طلعت / سوزي تميم " ، يأوي معه عدد 2 أسرة من سكان العشوائيات ،، بما يؤدي إلى اندماج الطبقات و انصهارِها في بوتقةِ التضامن الإجتماعي الإشتراكي التقدمي الوحدوي ،،

بحيث تتآخى في جراج الفيلا ، سيارة اللاندروفر ذات الدفع الرباعي ، لصاحبها صفوت بك المانسترلي ، مع عربة ال " تِرمِس و حِلبة " لصاحِبِها خميس عبد رب النبي ،، و آهُو كله يُرزَق ، و ربك رَب قلوب ، و الغِنى غِنى النفس ، و القـُفة امُ وِدنين يشيلوها اتنين " صفوت و خميس "


أما هَمِّي الأكبر ، فسوف ينصَبّ على نزع مسمار " الصهيونية " من جـِدار دار الأمة ،، حِلوة " جـِدار دار دي " ،، يعني " بالصلاة ُ عَ النبي " هاولـَّعها ، و اقلِب عاليها واطيها ،، و أشعِلها حروب و مقاومة ،، مع تسخين الأجواء ، على طريقة الأخت فايدة كامل :

هذه أرضي أناااااا ،،، و أبي ضحّى هُناااااا ،،،
و أبي قالَ لنااااا ،،، مزِقوا أعداءَنااااااااااااا

يعني من الآخِر ،، سيفضي الأمرُ إلى زعزعة السِلم العالمي ، و تكدير الأجواء الدولية ،، و جعل مجلس الأمن منعقداً على مدار الساعة ،، و ربنا ما يجيب نـَكَسات !

سيبَك انتَ من " حاكميّة الشعراء " ، و المتنبي حاول يلعبها مع كافور الإخشيدي ، لكن عمك كافور " اللـَبَط "، ما كالشي معاه كلام الشـُعَرا باعتباره أدهى من ميكيافيللي ،،
و حُكم يعني سياسة ، و سياسة ، يعني " لا مؤاخذة "

و بلاش كلام في السياسة بقى ،، ما تفسدوش صيامنا في الشهر الكريم


شفت الحِتة العَجب بتاعة عم " نـَصّورة " :

ما تبكيش يوم حد
أصل البُكا حراق
بيعيش صوت ع الخد
يفضل يلمع
يبعديرجع
ينشف يصبح
جـــرح بجد

تقولشي ملايكة حامت على أجواء الأرض ، في ساعة صَفا !

[رائد عبد السلام]

[QUOTE=سمعجى;352520]

عَدّى يوم و لاَّ لسة ؟!

عموماً يا عم رائد ،،، ما يحكمش

شفت حِكمة أهل المحروسة ، لما يختصروا رد الفِعل ، بصدد " واقِعة طويلة عريضة " في كلمتين :

ما يحكُمش !

QUOTE]

نفسي اعرف مين اللي قالك
ياعمي سمعجي
علي المهلة المضروبة دي؟؟

عموماً نورت القعدة
وزهزهتها......وطولت رقبتي
عشان شاعرنا الكبير أبو زهدة
كان ناوي يشمت فيا
ومستكتر عليّا ردك ...
بس أثبت إنك حاكم صاحي
وغيرك :
مايحكمشي

أما بخصوص ازدواجية الإقامة بين العشوائيين
وساكني الفلل... ده ممكن يحصل تماماً
بس ح يبقي زي
صلح الديب علي الغنم
*****
نورت يا أبا يوسف ياعمنا
يامصباح البهجة

منك لله ياعلاء ياقدري
إنت تحلم
وإحنا نعيش في كوابيس