بحبّك يامصر
آه لو بايدى ياستّ البلاد
واقدرأليّن قلوب الولاد
نراجع تاريخك فى يوم الميلاد
ونرفع رايات الكرامة يامصر
,,,,,
آه لو بايدى واضمّك لحضنى
وابوح لك بحبّى وحنانك ياخدنى
واحسّ انّى ابنك وعطفك ساندنى
وترخص حياتى عشانك يامصر
,,,,,
وأشوفك اصاله وضلّ وامان
وريحة جناين ونخل وغيطان
وألفّ السواقى وأروّى الشراقى
وليكى اشتياقى بيكبر يامصر
,,,,,,
ابنك وكان البعاد غصب عنىّ
وراجع وعارف لطيرك تحنىّ
تقولى ضنايا اللى كان (فيه) حتـّه منىّ
وأزيّن خدودى بترابك يامصر
,,,,,,
وحنان الامومه يبان ترضى عنىّ
وتحت جناحاتك تسيل دمعة منىّ
ساعتها ح يظهر دليلك لأنىّ
بحبّك بحبك بحبك يامصر
,,,,,,
واخضّر فى سيوه واعمّر فى سينا
فى وسط الصحارى تبان كام مدينه
وأعمل شطوطك مرسى (مراسى) ومينا
واقابل ضيوفك بحضنى يامصر
,,,,,
وقوتى ف يوم التحدّى الوقود
واوقـّف عنيّه حرس ع الحدود
زخيرتك فى دمّى ونفسى بارود
وأفدى ترابك بروحى يامصر
,,,,,,
وأشوفك عروسة فى يوم الزفاف
وأحسّك طهاره واصل وعفاف
وبين الحبايب يموت الخلاف
ونزرع جدورك محبّه يامصر
,,,,,,
ياحضن المقطـّم ياكوبرى اللمون
ياريش الحمامة ياغصن الزتون
ترابك مكاحل لنور (لمَجْرى) العيون
ونيلك مسجّل تاريخك يامصر
,,,,,
كلامى وسكوتى ياغاليه بحبك
حياتى وموتى مدوّبنى حبك
واكرّر بصوتى اللى ضايع بحبّك (اللى مبحوح فِـ حبك)
واحبك احبك احبك يامصر
,,,,,,,
رد: باحبّك يامصر
العرض الشجري