هى ـ وقطتها .... وأعمال أخرى - الصفحة 31

**Islam Eidrisha** · #**301** 27/05/2009, 13h30

أسلوب الكلام وطريقة العرض وتفرد الوصف وصدق التعبير يدفعون القارئ دفعا لمعرفة مآل هذا المحجوب ويجعلوننا كأننا نعيش وسط أهالي القرية متتبعين خطواته لمعرفة المصير المنتظر لمن تجرأ وتجبر وعاث فسادا.
ما أجمل وصلة التبكيت والتنكيل والسخط واللعن من الأم لهذا الطفل البوهيمي التصرف
وما أجمل سلاسة أسلوبك وسلامة لغتك التي تنساب كخيوط الحرير في إنسيابية دونما أي تعقيد
ما زلت أكرر رأي الأساتذة في قصصك الأخيرة
بأنها بغزارة أحداثها مدعاة لأن تكون رواية جميلة وممتعة

**NAHID 76** · #**302** 27/05/2009, 15h20

بسم الله الرحمن الرحيم
استاذ حمام أقصد أستاذ رائد
هو أنت ضليع فى قواعد النحو واللغه العربيه
زى ما أنا ضليعه فى طبخ البميه والملوخيه
تعرف حضرتك أد أيه مرورك يسعدنى ورأيك يفرحنى
بس طبعا اللى قصدته على عينى وراسى ولولاه ما كنت عرفتكم وسعدت معكم
لا شك من توجيهاته المصحوبه بأشد الكلام حين أغلط وفرصه ينال منى ويدخل معى فى وصله يؤنب فيها جهلى وضعفى أمامه فرصه يضيعها ازاى
ده أنت لو تعرف كل قصه بأعانى فيها أيه والجدل بنا بيوصل لفين
مره بقول له الله دى قصتى تعبر عن شخصى وقصصى أصبحت بتنسرق وتروح منتديات أخرى كما قال الشاعر سمعجى
أنا حنشر القصص دى على حسابى الخاص
أنا وصلت للعالميه طبعا حضرتك مقرأتش الحياه بين زوايا الصمت
أتمنى التعليق عليها
لما قلت له كده عارف رد على وقال إيه
هههههههههه تخيل أنت
مهما تخيلت مش حتعرف

شرفتنى وأسعدتنى أستاذى رائد
تحياتى

**NAHID 76** · #**303** 27/05/2009, 15h26

بسم الله الرحمن الرحيم
الاستاذ الفاضل مختار الحسانين
ده أنا يا سيدى الي أشكرك على قراءتك للقصه وما كتبت من أجمل كلام
أزدانت القصه بطلتك وأضفت اليها بعدا من أبعاد هموم المصرى
اشكرك أخى الكريم ودائما نلتقى فى أعمالك الجميله
أى والله وحياة خالك عنتر
اللى كان سبب فى مرورنا على أعمالنا
تحياتى

**NAHID 76** · #**304** 27/05/2009, 15h41

بسم الله الرحمن الرحيم
سيدى الفاضل الاستاذ محمد المراغى
أولا ألف سلامه على عينيك سيدى الفاضل وربنا يشفيك ويقويك يا رب
عظيم الفخر لى ان أقرأ ماكتبت وشكرا على مجاملتك الرقيقه رقه قلبك ومشاعرك وربنا يعطيك النظر كله اللى فى العالم يا رب
تحياتى واحترامى سيدى الفاضل

**NAHID 76** · #**305** 27/05/2009, 15h57

بسم الله الرحمن الرحيم
أخى الكبير سعد الشرقاوى
طله حضرتك
حتى كمان تعليقاتك فى المواضيع الأخرى
وكتابات حضرتك
أصبحت بالنسبه لى مش عيزه أقول أدمان
ولكنها متعه مزاج
كلمات حضرتك مختصره الطريق بتوصل للهدف على طول مش محتاجه لزواق وده سر جمالها
وان شاء الله نشوف يوم فى المحجوب بتاع بلدكم قول يا رب
أشكرك شكرا مفعما بالاحترام
مدام ناهد

**NAHID 76** · #**306** 27/05/2009, 16h06

بسم الله الرحمن الرحيم
الشاعر الجميل علاء ياسين
تحياتى وشكرى على كل كلمه توجهها لشخصى المتواضع أمام جمال أعمالكم وسحرها وده بس من ذوق حضرتك
أما هذه المحاولات التى أكتبها ربما حضرتك لمست فيها بعض الصدق لأنها تقريبا واقعيه بالفعل
وطبعا لون جديد مفهش بطل وبطله وقصه حب وأبوها هددها بالحرمان من الميراث
وهو انتحر
بنقل للجميع احداث لا يعرفها الكل
وبعيده عن تفكيرهم وده سر الجمال
تحياتى

**NAHID 76** · #**307** 27/05/2009, 16h20

بسم الله الرحمن الرحيم
جينا لأستاذنا وشاعرنا الثائر على كل المسائل
طارق العمرى
فى انتظار تكملتك للقصه علشان
وعلى فكره كنت عايزه حضرتك تكون موجود فى العرض الخاص بالنقاد والأدباء العرب وتحضر المؤتمر الاعلامى الخاص بوسائل الاعلام ودور النشر بس يمكن لسه الدعوه موصلتش
فى انتظارك
أما بالنسبه للأستاذ رائد
ده رائد يعنى ممكن يكون رائد فى الجيش
أو رائد بدرجه أمين شرطه
أو رائد وقائد فى مجال تخصصه اللغه العربيه
يعنى خلى بالك
لا بد من حبك الكاب على الرأس اثناء الكلام
تحياتى

**NAHID 76** · #**308** 27/05/2009, 16h28

بسم الله الرحمن الرحيم
الاستاذ الفاضل والاخ الكريم أسلام
أفتقدتك من زمان
بس بلتمس لك الاعذار
أنا عرفه أن السيد الفاضل الدكتور انس مشرف معانا بالمنتدى مضيق عليك الخناق شويه
ومخلكش تنزل أجازه
بس الحمد لله
أديك جيت ونورت القصه وزينتها
أشكرك على جمال كلامك الى بيرفع من معنوياتى
واشكرك على المرور الى نحن دائما فى أنتظاره بس خدها نصيحه بالنسبه للدكتور قدم له شهاده مرضيه مختومه بختم المحبه والصداقه والابوه
وهو يخليك تأخذ أجازات على طول أصل كده طولت علينا
تحياتى

**أحمد محمد امين** · #**309** 27/05/2009, 16h37

على فكرة يامدام ناهد انتى فكرتينى بقصة السقا مات ليوسف السباعى
وصف عبقرى للشخصيات والمكان
قصة جميلة

**NAHID 76** · #**310** 27/05/2009, 16h53

يسم الله الرحمن الرحيم
أهلا أهلا اخى أحمد أمين
يعنى أصدق كلام الدكتور انس لما قال لي أنها تشبه السقا مات
أشكرك على هذا الكلام الكبير وهذا التشبيه الرائع رفعت معنوياتى
وأتمنى دائما التواصل من خلال اعمالك الجميله
تحياتى