هى ـ وقطتها .... وأعمال أخرى

**رائد عبد السلام** · #1 26/05/2009, 23h13

اقتباس:

المشاركة الأصلية كتبت بواسطة NAHID 76

بسم الله الرحمن الرحيم

البقعة التى يعرف كل خباياها , وازداد نهمه وتوحش فى جمع المال فأطلق ليده العنان فى الإتجار بمقابر الصدقه التى كان يبنيها بعض العائدين من الخارج من أموال الزكاه كصدقة جاريه والتى كان يدفن فيها اللقطاء أو من يقذف بهم التيار من الغرباء إلى قريتهم , لم يكن أهل القرية حتى الفقراء منهم يقبلون أن يدفن موتاهم فى مقابر الصدقه .وكم سرق أكفان الموتى بعد دفنهم وبيعها للمحتاجين من خارج القريه .

وفى يوم غائم معتم لم يطلع فيه شعاع للشمس صحت القريه على خبر مدوٍّ سرى فى أرجائها سريان النار فى الهشيم ..... إلحقونا يا عالم , الجزار اتقتل ...

وحدوووووووووووووووووه ........

لكنه اليوم قالها

كما لم يقلها من قبل ............

الصدق.......ياسيدتي
الليدي / ناهد
هو الذي يجعلنا نتنزه في (حكاياتك)
ونغرق في تفاصيلها ...وتتمثل لنا شخوص القصة
مليئة بالحياة والحرارة .....فنصدقها .....ونصدقك

الثلاث فقرات أعلاه
تعبر عمّا أريد أن أقول ..
غير أنني أتعجب من كلمة (مدوّ)
هل أنت متأكدة ياسيدتي أن هذه القصة
لم يراجعها عالم أريب في اللغة العربية
حتي أنه حذف ياء الاسم المنقوص (مدوي )
لأنه جاء مجروراً ؟؟
أغلب الظن انه بعد إبداعك ...هناك (أستاذ كبير )
يضبط بعض سقطات اللغة و(يعالج) الكلمة نحوياً
مش كده واللا إييييييييييييه ؟؟

دمت لنا ياسيدتي ودام إبداعك

**مختار الحسانين** · #2 27/05/2009, 00h19

أولا ، انا فى غاية السعادة ، فرغم حزنى وألمى مما يحدث فى مقابرنا ، من نبش وهبش ، وكان المصرى مكتوب عليه الغلب وهو حى وهو ميت ، والحمد لله ان الأهبل أنتقم من محجوب القاسى الغليظ وخنقه ، ومشى فى جنازته .

الاسلوب سهل وبسيط وبصراحة أنا معجب جدا بحضرتك وباتقانك وامتلاكك للأسلوب والكلمات والجمل اللى عبرت بعمق عن التسلسل المنطقى للمحجوب فهو شخص ليس كأى شخص ، امه دعت عليه ، والدعوة استجابت ، على يد المبروك ، ليتحول ملك المقابر إلى لا شئ فى نهاية الامر.

موضوع العبث بجثث الموتى ، وسرقة أكفانهم وعظامهم المتناثرة ، والجماجم اللى كانت فى يوم من الايام ميعجبهاش العجب ، بيتلعب بيها الكورة على أيد المحجوب ....

أنا أشكرك جدا جدا يا ست الكل

**محمد المراغى** · #3 27/05/2009, 10h27

نادرا يا سيدتى ان استطعت ان استمر فى قرائه قصه على شاشه الكمبيوتر لضعف البصر
ولكن قصتك جذبت عينى بقوه ولم تتركها الا بعد ان التهمت اسطرها كامله
تحياتى لقلمك المبدع

**سعدالشرقاوى** · #4 27/05/2009, 11h59

الاخت/ناهد
انا متهيآلى البلد زحمت ع المدافن شويّه
الميزه اننى ساكن البلد وعندى قرايب يامه فى شارع الجبّانه
عشان كده قراءتى للموضوع تختلف عن الجميع
وشخصيّة الجزار موجوده عندنا بس لسّه حى
والمبروك مش ح يسيبه
استلهمت منها ان اكتب عن حكايات (تحت التوته)
اقول ايه
الله ينور وخلاص

**علاء طه ياسين** · #5 27/05/2009, 13h09

زهرة المنتدي مدام ناهد
المقابر .. والليل .. والهدوء .. والعتمة .. والطريق الترابي ذلك الجسر الواصل بين عالمي الموتي والأحياء ..
وعبيط القرية .. بجد .. استمتعت بالقصة .. وجوها الذي فرض نفسه عليّ في جلستي أمام شاشة الكمبيوتر .. تتناولين الحكاية بأسلوب سردي متفرد .. جعلني أعيش الحكاية كما لو كنت أحد شهودها .. ذكرتني بتوفيق الحكيم في "يوميات نائب في الأرياف" أرجو لك مزيدا من الإبداع ..
تحياتي ودعواتي
علاء

**Tarek Elemary** · #6 27/05/2009, 14h02

اقتباس:

المشاركة الأصلية كتبت بواسطة رائد عبد السلام

الصدق.......ياسيدتي
الليدي / ناهد
هو الذي يجعلنا نتنزه في (حكاياتك)
ونغرق في تفاصيلها ...وتتمثل لنا شخوص القصة
مليئة بالحياة والحرارة .....فنصدقها .....ونصدقك

الثلاث فقرات أعلاه
تعبر عمّا أريد أن أقول ..
غير أنني أتعجب من كلمة (مدوّ)
هل أنت متأكدة ياسيدتي أن هذه القصة
لم يراجعها عالم أريب في اللغة العربية
حتي أنه حذف ياء الاسم المنقوص (مدوي )
لأنه جاء مجروراً ؟؟
أغلب الظن انه بعد إبداعك ...هناك (أستاذ كبير )
يضبط بعض سقطات اللغة و(يعالج) الكلمة نحوياً
مش كده واللا إييييييييييييه ؟؟

دمت لنا ياسيدتي ودام إبداعك

الأريب الأروب هو أنت ....
آنسك من آنسها ..... و الجار أولى بالشفعة و ده مش بس جار
ده شريك و رفيق و ................. أنس كمان

**Islam Eidrisha** · #7 27/05/2009, 14h30

أسلوب الكلام وطريقة العرض وتفرد الوصف وصدق التعبير يدفعون القارئ دفعا لمعرفة مآل هذا المحجوب ويجعلوننا كأننا نعيش وسط أهالي القرية متتبعين خطواته لمعرفة المصير المنتظر لمن تجرأ وتجبر وعاث فسادا.
ما أجمل وصلة التبكيت والتنكيل والسخط واللعن من الأم لهذا الطفل البوهيمي التصرف
وما أجمل سلاسة أسلوبك وسلامة لغتك التي تنساب كخيوط الحرير في إنسيابية دونما أي تعقيد
ما زلت أكرر رأي الأساتذة في قصصك الأخيرة
بأنها بغزارة أحداثها مدعاة لأن تكون رواية جميلة وممتعة

**NAHID 76** · #8 27/05/2009, 16h20

بسم الله الرحمن الرحيم
استاذ حمام أقصد أستاذ رائد
هو أنت ضليع فى قواعد النحو واللغه العربيه
زى ما أنا ضليعه فى طبخ البميه والملوخيه
تعرف حضرتك أد أيه مرورك يسعدنى ورأيك يفرحنى
بس طبعا اللى قصدته على عينى وراسى ولولاه ما كنت عرفتكم وسعدت معكم
لا شك من توجيهاته المصحوبه بأشد الكلام حين أغلط وفرصه ينال منى ويدخل معى فى وصله يؤنب فيها جهلى وضعفى أمامه فرصه يضيعها ازاى
ده أنت لو تعرف كل قصه بأعانى فيها أيه والجدل بنا بيوصل لفين
مره بقول له الله دى قصتى تعبر عن شخصى وقصصى أصبحت بتنسرق وتروح منتديات أخرى كما قال الشاعر سمعجى
أنا حنشر القصص دى على حسابى الخاص
أنا وصلت للعالميه طبعا حضرتك مقرأتش الحياه بين زوايا الصمت
أتمنى التعليق عليها
لما قلت له كده عارف رد على وقال إيه
هههههههههه تخيل أنت
مهما تخيلت مش حتعرف

شرفتنى وأسعدتنى أستاذى رائد
تحياتى

**NAHID 76** · #9 27/05/2009, 16h26

بسم الله الرحمن الرحيم
الاستاذ الفاضل مختار الحسانين
ده أنا يا سيدى الي أشكرك على قراءتك للقصه وما كتبت من أجمل كلام
أزدانت القصه بطلتك وأضفت اليها بعدا من أبعاد هموم المصرى
اشكرك أخى الكريم ودائما نلتقى فى أعمالك الجميله
أى والله وحياة خالك عنتر
اللى كان سبب فى مرورنا على أعمالنا
تحياتى

**NAHID 76** · #10 27/05/2009, 16h41

بسم الله الرحمن الرحيم
سيدى الفاضل الاستاذ محمد المراغى
أولا ألف سلامه على عينيك سيدى الفاضل وربنا يشفيك ويقويك يا رب
عظيم الفخر لى ان أقرأ ماكتبت وشكرا على مجاملتك الرقيقه رقه قلبك ومشاعرك وربنا يعطيك النظر كله اللى فى العالم يا رب
تحياتى واحترامى سيدى الفاضل