هى ـ وقطتها .... وأعمال أخرى

**NAHID 76** · #1 16/04/2009, 21h15

بسم الله الرحمن الرحيم
أخى الفاضل رائد عبد السلام
ابدا أبدا لن يكون هناك اعتذار
د انت بس بتحاول تكون حسن الختام
أشكرك بكل معانى الكلمه لتفضلك بالمشاركه
أما عن كلمه حنانين
مفردها حنون والجمع حنانين أو حنينات
وهى عباره عن قطعه من العجين تبطط نصف نصف
كى يبقى سميك وبه لباده من الداخل
وبعض الناس فى الريف لما الحنون يستوى فى الفرن نصف سوى تخرجه بحديدة الفرن وتفتح وسط الحنون وتقفش فى وسطه بيضة فرخه وتعيده للفرن تانى حتى تستوى البيضه وسط الرغيف
والعيال الصغيره اللى ملمومه وسط حلقة الخبيز تأكل
وممكن أيضا بعد الحنون ما يستوى بالكامل فى الفرن يخرجوه وهو سخن ويقطعوه قطع صغيره فى سلطانيه ويفركوه بالسكر والسمن البلدى
والعيال تقعد تأكل
وفيه البطاطا اللى تشوى فى الفرن بجوار الخبيز
ومازالت فيه أقليات محتفظه بهذه العاده الا انها تقريبا من التراث
والعيش يسموه شقه
وعادة لما واحده تخبز لازم تفرق على الجيران عيش طرى
واللى عندها سمك تروح عند جارتها تشوى السمك بعد الخبيز يسموه فى رد الفرن
وحاجات كتير فى عملية الخبيز اللى يدور وراء آذان الفجر
وللضحك
نزولا على طلب الجماهير لن أعتزل

حسام حسن نازل الملعب تانى
تحياتى رائد باشا