قطرات من مداد قلم الشاعر السمعجي كمال عبد الرحمن

**سمعجى** · #1 15/03/2009, 00h16

اقتباس:

المشاركة الأصلية كتبت بواسطة منال

أغنية نوني وهي قطة أبنة الأخ حسن كشك

نوني

نوني حبيبتي
شـَئـِيـَّة شـَآوة
و اما تنـَونـَو
حلوة حلاوة
على قلبي
عُمرِك ما تهوني
نوني يا نوني
حبيبتي يا نوني

نوني قـُطة جميلة ذكية
بتحب اللِعب بحِنِيـَّة
و الخربوش
يفضل مَنئووش
على وش اللي يعاكس نوني

أشكرك يا منال على ( نوني ) ،،

كان يوماً رائعاً ، حين التقينا في بيت الدكتور أنس العامر ،،
للقاء ضيف مصر و أخينا الحبيب محمد الزمنطر ، و الأستاذ كمال عزمي القادم من ألمانيا ،،

و تلقيتُ مكالمة أختي الصغيرة إبنة الأستاذ حسن كشك ، عبرَ موبايل والدها ، ، و التي أخبرني أخي حسن أنها زبونة دائمة لما أكتب عَبر المنتدى ،

و قد طلبت مِني على استحياء ، أن اكتب أغنية لقطتها التي تعشقها ( نوني ) ،،
و وعدتها بأن أكتب ل ( نوني ) ،، و قد كان

و فوجئت بقيام عمي الآلاتي بتلحين كلمات نوني ، في لحن ٍ رشيق ٍ و مَرح و طفولي للغاية
ثم فوجئت بأخي سامي دربز ، بقيامه هو الآخر بتلحين نفس الكلمات ،، و أرسل لي
اللحن و هو يغنيه مع الكورال ،،

و كانت ( نوني ) فاتحة تعاون بيننا ، و طلب مِني سامي أغنياتٍ للأطفال ، تكفي لعمل ألبوم ( و هو ألبومه القادم بمشيئة الله ) ،
فكتبت له ( العصفور ،، لولو ،، شباكي العالي ،، و أظن : تيجوا نحلم )

و أتمنى أن أجدَ فراغاً من الوقت ، لأتمَ مجموعة أخرى ( إصحى من النوم يا بابا ،،
قيام .. جلوس ،، حصة رسم ،، الحاسة السادسة ،، عاملين إضراب ...)

يا ترى انتي فين دلوقت يا نوني ؟!

**عصفور طاير** · #2 15/03/2009, 00h22

اقتباس:

المشاركة الأصلية كتبت بواسطة سمعجى

فكتبت له ( العصفور ،، لولو ،، شباكي العالي ،، و أظن : تيجوا نحلم )

و أتمنى أن أجدَ فراغاً من الوقت ، لأتمَ مجموعة أخرى

بص يا كيمو.. مادمت كتبت عن العصفور.. يبقى ليا نسبة. وأنا مش حاتنازل عن قيراط أرض ونص جاموسة

**unicorn** · #3 15/03/2009, 00h59

اقتباس:

المشاركة الأصلية كتبت بواسطة عصفور طاير

بص يا كيمو.. مادمت كتبت عن العصفور.. يبقى ليا نسبة. وأنا مش حاتنازل عن قيراط أرض ونص جاموسة

عسل و الله
تعالى شوف يا استاذ جمال الكلمتين دول

اقتباس:

يا مِيت نـَـــدامة على اللـي الشـِّــعر بيذِلـُّه

يامـا انحَــنيت له ، و لا يِـِشفـَـق على خِلـُّه

أبوس إيدين المعاني ، برضـُه تِعصـــــاني

و تفوت على عمي سيد ، ترتِمي ف ضِلـُّه

***

قالوا زمان في المَثــل : مِن دقنه و افتِل له

خـَدني في ضِلـِّة سحابه ،، خدتو في ضِلـُّـه

ينضب مَعين العَسَل ، و يجف نبع الجَمــال

و الشِعر ما يصطِفي ،، غير الجميـــل خِلـّه

يا قوووووووووووووة الله

**سمعجى** · #4 15/03/2009, 01h10

اقتباس:

المشاركة الأصلية كتبت بواسطة unicorn

عسل و الله

تعالى شوف يا استاذ جمال الكلمتين دول

يا قوووووووووووووة الله

حبيبي أبو مندور معانا على الهوا يا عصفور

إلهي و انتَ جاهي ،، تجمعنا على شط بحر الهوى

بس و النبي يا بو مندور ، تبعِدنا عن قهوة ( أنـَّح ) اللي ف بحري ( أكيد عارفها ) ،،
أحسن العيال اللبط اللي هناك ،
مِتعَلـِّم عليهم من عصفور طاير ( أيّام الشآوة ) ،،

خليها قـَعدة ( رِوِشة طحن ) عند كوستا كوفي

**عصفور طاير** · #5 15/03/2009, 01h21

اقتباس:

حبيبي أبو مندور معانا على الهوا يا عصفور

إلهي و انتَ جاهي ،، تجمعنا على شط بحر الهوى

بس و النبي يا بو مندور ، تبعِدنا عن قهوة ( أنـَّح ) اللي ف بحري ( أكيد عارفها ) ،،
أحسن العيال اللبط اللي هناك ،
مِتعَلـِّم عليهم من عصفور طاير ( أيّام الشآوة) ،،

خليها قـَعدة ( رِوِشة طحن ) عند كوستا كوفي

مانا ندرتها له في الصفحات دي برضه إن لما ننزل اسكندرية لازم نتقابل ونقعد شوية على الكورنيش ناكل درة ونشرب مانجه

لكن بلاش بحري فعلا يا ابومندور
عشان فيه وَلَه هناك مدّيله واحده في وشه من اللي بيحتار فيها الأطبا

أما كاليثيا فبرضه بيعمل شاي حلو....

ما تحبكهاش يا عم كيمو ما تبئاش حنبلي ياااا راااجل

**unicorn** · #6 15/03/2009, 02h35

اقتباس:

المشاركة الأصلية كتبت بواسطة عصفور طاير

لكن بلاش بحري فعلا يا ابومندور
عشان فيه وَلَه هناك مدّيله واحده في وشه من اللي بيحتار فيها الأطبا

يا مساء الاجرام و الشر المركَّب,

يعنى ماضيك الناصع يا عم جمال قفل بحرى كلها فى وشنا ,
طيب .... "نأرشت" حد فى محطة الرمل قبل كدة عشان نشوفلنا قعدة هناك ؟؟؟
القصد .....

توب علينا بأة يا رب من اللومان.... و اصحابنا بتوع اللومان

اقتباس:

تصدَّق و تؤمن بالله ؟
أنا كرهت كندا
إعمل حسابي يا عم محمد
يكش عالرصيف

ياريت تعملها انشا الله اسبوع واحد يا استاذ سيد و الله .

**عصفور طاير** · #7 15/03/2009, 15h53

اقتباس:

المشاركة الأصلية كتبت بواسطة unicorn

يا مساء الاجرام و الشر المركَّب,

يعنى ماضيك الناصع يا عم جمال قفل بحرى كلها فى وشنا ,
طيب .... "نأرشت" حد فى محطة الرمل قبل كدة عشان نشوفلنا قعدة هناك ؟؟؟
القصد .....

توب علينا بأة يا رب من اللومان.... و اصحابنا بتوع اللومان

ياريت تعملها انشا الله اسبوع واحد يا استاذ سيد و الله .

لا يا عم محمد محطة الرمل مش مشكلة.. آني بس كت نسيت مطوة في رقبة واد هناك.. حتى فرصة نروحو نجيبوها

وقول لعم سيد بلاش ييجي أحسن يتمسك معانا

**abuzahda** · #8 18/03/2009, 22h24

اقتباس:

المشاركة الأصلية كتبت بواسطة unicorn

ياريت تعملها انشا الله اسبوع واحد يا استاذ سيد و الله .

قالوا: نور القمر "محض انعكاس" بيدُور !

أنا قالت: عندي قمر ، يبعت بنورُه النور

بِنعَدّي عالشُطآن ، نِلف و ندوَّر

لكنُّه لمّا يبان عالدنيا و ينوَّر

كل النجوم تظهر ، لا نلِف و لا بندُور

شفتوش يا خلق يا هو ، البدر كان راجل

بصّوا هنا تشفوه ، فوق الشطوط راجل

ساعات كإنه النسيم ، و لاّ حمام زاجل

ساعات ، آمان يا رحيم ! بيغلي كمراجل

راجل و ابوه راجل ، و الشهرة أبو مندور

**unicorn** · #9 15/03/2009, 01h44

اقتباس:

المشاركة الأصلية كتبت بواسطة سمعجى

حبيبي أبو مندور معانا على الهوا يا عصفور

إلهي و انتَ جاهي ،، تجمعنا على شط بحر الهوى

بس و النبي يا بو مندور ، تبعِدنا عن قهوة ( أنـَّح ) اللي ف بحري ( أكيد عارفها ) ،،
أحسن العيال اللبط اللي هناك ،
مِتعَلـِّم عليهم من عصفور طاير ( أيّام الشآوة ) ،،

خليها قـَعدة ( رِوِشة طحن ) عند كوستا كوفي

آمين .....
عارفها طبعا , دى قعدتى الملوكى هناك فى كل قهاوى السيّالة عشان فيهم ريحة بيرم , و هناك سيد حجاب واخد شقة فى حتة مكان , يسوى كنوز الدنيا.
بلاها قهوة أنَّح ما دام استاذ جمال معوَّر ناس هناك ,
خلينا فى قهوة خبِّينى , عيالها منكسرين و مش بتوع عَوَأ .
كوستا المكان المغلق المكيف ابو الكراسى اسفنج مش هيظبط قعدتكوا , و الكابتشينو ذو الرغوة الوفيرة مش هايعدل طاستكم ,
انا عارف أمزجة الشعرا و فاهم محركات الالهام كيف تأتيها شرارات الاشعال .
سيبوها على الله و سيبوا مكان القعدة لوقتها و هاتبقى هايلة ان شاء الله.

**abuzahda** · #10 15/03/2009, 01h55

اقتباس:

المشاركة الأصلية كتبت بواسطة unicorn

آمين .....

عارفها طبعا , دى قعدتى الملوكى هناك فى كل قهاوى السيّالة عشان فيهم ريحة بيرم , و هناك سيد حجاب واخد شقة فى حتة مكان , يسوى كنوز الدنيا.
بلاها قهوة أنَّح ما دام استاذ جمال معوَّر ناس هناك ,
خلينا فى قهوة خبِّينى , عيالها منكسرين و مش بتوع عَوَأ .
كوستا المكان المغلق المكيف ابو الكراسى اسفنج مش هيظبط قعدتكوا , و الكابتشينو ذو الرغوة الوفيرة مش هايعدل طاستكم ,
انا عارف أمزجة الشعرا و فاهم محركات الالهام كيف تأتيها شرارات الاشعال .
سيبوها على الله و سيبوا مكان القعدة لوقتها و هاتبقى هايلة ان شاء الله.

تصدَّق و تؤمن بالله ؟
أنا كرهت كندا
إعمل حسابي يا عم محمد
يكش عالرصيف