قطرات من مداد قلم الشاعر السمعجي كمال عبد الرحمن

[Sami Dorbez]

اذا كان انا لسه لحد دلوقتي ما فقتش من سحر كلماته واخلاقه,,
دي نص تونس بقت بتعرفه ونفسها تشوفه من كثر حديثي عنه وعن فنه ,,
والله يا منال الراجل ده خلاني احوم حول كلماته ومش عارف اطلع منها يعني صرت سجين قلمه عشان كده في الموسم الجاي حنفاجاكم ان شاء الله وانفاجئ اطفالكم باعمال غيرت مسار حياتي الفنية ميه وثمنين درجة وكانت اولهم:

يا غـَزَّاويَّة

يا غـَزَّاويَّة يا غـَزَّاويَّة
دم ولادكم عُمرُه ما يبقىَ مَيَّة
في عروقنا ثورة و ف قلوبنا نار
و التار بيخَبَّط على كلِّ دار
إصحي يا بيوت الأمَّة العربية
يا غـَزَّاوِيَّة يا غـَزَّاوِيَّة

يا غـَزَّاوِيَّة راسكـُم مرفوعة
لا حصار يكسركم
و لا عَطْشة و جُوعَة
أنفاس أحراركم دايماً مسموعة
و اللي محاصرينكم راسهُم مَحْنِيَّة
يا غزاوية يا غزاوية

يا غزة يا عِزة بتصُد الجانِي
يا دمّْ بيجري ف قلبي و شرياني
الحَق ما هَمُّه سْلاح أمريكاني
و الشـُّهَدا على ترابِك شمس و جَيَّة
يا غـَزَّاوية يا غـَزَّاوِيَّة

يا غزة يا طـَلـَّة من قلب ظلامِك ..
يا سابقة الامة و روحِك قـُدَّامِك
ايد الظلم الغدرة تحت اقدامك
و حْصارِك رمز النور و الحرية
يا غـَزَّاويَّة يا غـَزَّاويّ