قطرات من مداد قلم الشاعر السمعجي كمال عبد الرحمن

**منال** · #1 06/03/2009, 17h10

بمناسبة عيد ميلاد المنتدى الثاني

عود و ناى و كمان بيشكي

يروي .. يحكي للقانون

تضحك الدنيا و تبكي

للـوتر لـو كان حَـنون

و الفـنون عقل و جنون

و الطرب فــَرْح و شجون

و التراث على كل لون

نـوَّرت قـناديله تاني

تـنسج الأنوار معاني

عيد زمانك يا زماني

و لـبديع الشدو صُون

هِلـُّوا يا حبايـبنا هِلـُّوا

دا الطريق مفروش بـِفـُلـُّه

كلنا حواليه نقول له

يا هنانا بمنتدانا

نِجمتين ضَوْوُّا ف سمانا

زوِّدوا نورنا و بهانا

كل عام و انتَ بتحلىَ

بالأصالة الفن أحلىَ

(7)

سَمَّع الأجيال فنونك

إبدأ الأحلام بفِكرة

دي الشعوب من غير ماضيها

مش حاتقدر تِحيي بُكرة

و احنا حُراس التراث

و انتَ تاج على كل راس

يا سماعي يا حبيبنا

قلبنا مليان حماس

هِلـُّوا هِلـُّوا يا حبايب

أقطفوا العنب اللى طايب

و الحقوا م الحب نايب

و افرحوا و غنوا معانا

يا هنانا بمنتدانا

نِجمتين ضَووا ف سمانا

زوِّدوا نورنا و بهانا

(8)

يابني يا مسكين تعالى

عندنا أصل السلالـة

فـن أجدادك وابوك

شدو صافي .. حضنه دافي

سلطنة وسماع ملوك

و ف طريقه لابد تمشى

حتى لو فى السكة شوك

فن و بيحمل رسالة

مش عيال ع الفن عالة

مسخ زايف .. فن هايف

بالكليب بيخدعوك

عود لوعيك .. رُد روحك

و اوعى تانى يحنطروك

و النهاردة

نجمتين ضَووا ف سمانا

و ف هواهم داب هوانا

و بسماعي الدنيا تحلىَ

و ف سماعى الفن أحلىَ

**منال** · #2 06/03/2009, 17h16

إلى الأخ حسن كشك بمناسبة تعريب اسمه

عَـرَّبوك يا حسن
ضحكوا عليك بكلمتين و عَـرَّبوك
بُكرة تندم و تقول يا ريتني

عَـرَّبوه عَـرَّبوه
حاجة صفرا و شرَّبوه
فاضل ايه راح تعملوه
دا الجدع غلبان يا هووه

إسمه كان ..
( ماركة ) تتحدى الزمان
تعرفه كل الشعوب
روس و تـُرك و أمريكان

يا ضياع جوجل و ياهو
بعد إسمك .. ضاعوا تاهوا
زيّ عَيِّل تاه ..
ومش لاقيين أبوه
عَـرَّبوه .. عَـرَّبوه

يا سيناكي يا ملاكي
رحت فين
السما بقى لونها كاكي
ومصر لابسة توب حزين

بس تـَارَك
مش حاتنساه الشعوب
نور نهارك
يمحي أحزان الغروب

ناس تروح .. و تيجي ناس
كاس و يتبدِّل بكاس
و اللي باقي ..هُوَّا إسمك
كل حرف .. و للأبد
محفور في جسمك

يا سيناكي
يا ملاكي

**منال** · #3 06/03/2009, 17h22

أغنية نوني وهي قطة أبنة الأخ حسن كشك

نوني

نوني حبيبتي
شـَئـِيـَّة شـَآوة
و اما تنـَونـَو
حلوة حلاوة
على قلبي
عُمرِك ما تهوني
نوني يا نوني
حبيبتي يا نوني

نوني قـُطة جميلة ذكية
بتحب اللِعب بحِنِيـَّة
و الخربوش
يفضل مَنئووش
على وش اللي يعاكس نوني

نوني يا نوني
حبيبتي يا نوني
شايلاكي أنا
جوة عيوني

نوني يا نوني
يا أجمل قطة
أول ما ارجع من مدرستي
أرمي الشنطة
و اجري عليكي و تجري عَلـَيَّا
و آخدِك بالأحضان يا عنيـَّة

دايما ً صورتِك
جوة عيوني
نوني يا نوني
حبيبتي يا نوني

نوني حبيبتي
ف حضني تنام
أحلم .. تشاركني الأحلام
أفرح ..تِفرح
أزعل .. تِزعل
و تنـَونـَوْ .. و لا أحلى كلام
هى حبيبتي وضى عيوني

نوني يا نوني
حبيبتي يا نوني

بابا يا بابا
حبيبي يا غالي
خد نوني معاك
فسحها لي
في العربية
وخدني معاها
و ماما كمان
إيَّاك تنساها
و اوعىَ تغني تقول
( ظلموني )

نوني يا نوني
حبيبتي يا نوني

**

**منال** · #4 06/03/2009, 17h32

حديثه مع الشاعر سيد أبو زهدة

آه يا مغـرَّقـني ف خِيــــرَك
و لا قلبي يلوُف على غيرك
خـُدني نقطة ف كـاس فـَنـَّك
أو ريشة في جنــاح طِـيرَك

***

حديثه مع الأستاذ فؤاد عبد الحميد

تِسلـَم يا بو قلب حليب صابـِح
ياللي ف مَلـَكوت النور سابح
يا بو قلب مافيهشي بُقـَع سودا
خسرانة الناس و انتَ الرابح
**

**منال** · #5 06/03/2009, 17h42

إلى الأخ م. إيهاب عامر

دايماً على بالي يا غالي
لمـَّا باشــوفـَك يحـلالـي
أسهر في سماعي ليالي
متونـِّس بيك يا إيهــاب

**

مع الأستاذ صلاح علام

يا بخت مِن كان ( سيادة الرئيس ) صاحــبُه
في الشِدة يـِلقاه سَنـَــد ،، في الفـَرح يفــرَح بُه
و اللي اصطفاه الرئيس ،، على دنيته راح بُه
يشوف جنـاين هَـــواه ،، و شجَرها يطرَح بُه
**

**منال** · #6 06/03/2009, 17h47

أيضا مع سيادة الرئيس الأخ صلاح علام

ميـن اللي زيَّـك مِلامِــس
نجوم ظلامنا اللي دامِـس
شـُفـت بمِرايـِة عُـيـونـَـك
بان الفضا ،، بُعد خامِس

**
بين الملايكة و البَشر
مَلَكوت
صلاح فِـيه انحَشَــر

**

**منال** · #7 06/03/2009, 17h52

تهنئته إلى الأخ غازي الضبع بمناسبة قدوم
المولود الجديد

عِـز الدين

عِــز يا عِــز يا نونو مْنـَمْنـِــــم

إسم الله عليــك حِــلو مْسَمْسِــم

رُشـّوا الملح و رُشـُّوا السمسـم

في سْبُـوعُـه ، كلنا حاضــرين

عِز الدين إســـــــــم عَلى مُسَمّى

عاش مِن رَبَّى و عاش مِن سَمَّى

عُقبال ما نشـــوفـَك عَ ( الإِمـَّّّة )

بتعاكِس في بنـــــــــــات حلوين

عِــز الــدين مــولــود فنـــــان

أحلامُــه سَـبـــآك يا زمــــــان

مِـن يومُـــه واد جــنـتـلمــان

بُــكرة يا بُــكرة نـُـوره يبـــان

عِـز و فـارس ،، ربي الحارس

حايقـَفـِّلوا حضانات و مـدارس

و يـوَرَّطـــوا بابا ف مشــاكلهـم

دُول أشقيا و ما فيش في مثيلهُم

عِـز يـا عِـز يا أجمَـل نـونـو

عـرفـِت بابا و ماما عـيـونـو

لو فـَتـَّـحْهُـم ،، بيفـرَّحهُـــــم

ضِحكِتـُه شمس تدَفـِّي سنين

يـا مْفـَرَّحنـا يا عِــــــز الـدِّين

ماما تبوسو و بابا ياسيـــــن

و أخوه فارس واقف حارس

ربنا يحرُسهُم مِ العيـــــــــن

***

واااء وااء ،، صَاح الكتكـــوت

واااء وااء ،، نام يا صغـَنطوط

واااء وااء ،، عِــز مصَـحِّيني

واااء وااء ،، و مْطـَلـَّع عينـي

واااء وااء ،، مش عارف انام

واااء وااء ،، بكفاية حَــــــرام

واااء وااء ،، مـا تعَطلنيــــش

واااء وااء ،، إن شـالله تعـيش

واااء وااء ،، صَحَّانا مِ النـــــوم

واااء وااء ،، و اهُو ضاع اليوم

واااء وااء ،، ربِّـي يخَـــــللي

واااء وااء ،، عَ النبـي صَلـِّي

**

**سمعجى** · #8 15/03/2009, 00h16

اقتباس:

المشاركة الأصلية كتبت بواسطة منال

أغنية نوني وهي قطة أبنة الأخ حسن كشك

نوني

نوني حبيبتي
شـَئـِيـَّة شـَآوة
و اما تنـَونـَو
حلوة حلاوة
على قلبي
عُمرِك ما تهوني
نوني يا نوني
حبيبتي يا نوني

نوني قـُطة جميلة ذكية
بتحب اللِعب بحِنِيـَّة
و الخربوش
يفضل مَنئووش
على وش اللي يعاكس نوني

أشكرك يا منال على ( نوني ) ،،

كان يوماً رائعاً ، حين التقينا في بيت الدكتور أنس العامر ،،
للقاء ضيف مصر و أخينا الحبيب محمد الزمنطر ، و الأستاذ كمال عزمي القادم من ألمانيا ،،

و تلقيتُ مكالمة أختي الصغيرة إبنة الأستاذ حسن كشك ، عبرَ موبايل والدها ، ، و التي أخبرني أخي حسن أنها زبونة دائمة لما أكتب عَبر المنتدى ،

و قد طلبت مِني على استحياء ، أن اكتب أغنية لقطتها التي تعشقها ( نوني ) ،،
و وعدتها بأن أكتب ل ( نوني ) ،، و قد كان

و فوجئت بقيام عمي الآلاتي بتلحين كلمات نوني ، في لحن ٍ رشيق ٍ و مَرح و طفولي للغاية
ثم فوجئت بأخي سامي دربز ، بقيامه هو الآخر بتلحين نفس الكلمات ،، و أرسل لي
اللحن و هو يغنيه مع الكورال ،،

و كانت ( نوني ) فاتحة تعاون بيننا ، و طلب مِني سامي أغنياتٍ للأطفال ، تكفي لعمل ألبوم ( و هو ألبومه القادم بمشيئة الله ) ،
فكتبت له ( العصفور ،، لولو ،، شباكي العالي ،، و أظن : تيجوا نحلم )

و أتمنى أن أجدَ فراغاً من الوقت ، لأتمَ مجموعة أخرى ( إصحى من النوم يا بابا ،،
قيام .. جلوس ،، حصة رسم ،، الحاسة السادسة ،، عاملين إضراب ...)

يا ترى انتي فين دلوقت يا نوني ؟!

**عصفور طاير** · #9 15/03/2009, 00h22

اقتباس:

المشاركة الأصلية كتبت بواسطة سمعجى

فكتبت له ( العصفور ،، لولو ،، شباكي العالي ،، و أظن : تيجوا نحلم )

و أتمنى أن أجدَ فراغاً من الوقت ، لأتمَ مجموعة أخرى

بص يا كيمو.. مادمت كتبت عن العصفور.. يبقى ليا نسبة. وأنا مش حاتنازل عن قيراط أرض ونص جاموسة

**unicorn** · #10 15/03/2009, 00h59

اقتباس:

المشاركة الأصلية كتبت بواسطة عصفور طاير

بص يا كيمو.. مادمت كتبت عن العصفور.. يبقى ليا نسبة. وأنا مش حاتنازل عن قيراط أرض ونص جاموسة

عسل و الله
تعالى شوف يا استاذ جمال الكلمتين دول

اقتباس:

يا مِيت نـَـــدامة على اللـي الشـِّــعر بيذِلـُّه

يامـا انحَــنيت له ، و لا يِـِشفـَـق على خِلـُّه

أبوس إيدين المعاني ، برضـُه تِعصـــــاني

و تفوت على عمي سيد ، ترتِمي ف ضِلـُّه

***

قالوا زمان في المَثــل : مِن دقنه و افتِل له

خـَدني في ضِلـِّة سحابه ،، خدتو في ضِلـُّـه

ينضب مَعين العَسَل ، و يجف نبع الجَمــال

و الشِعر ما يصطِفي ،، غير الجميـــل خِلـّه

يا قوووووووووووووة الله