أمثال ضد أمثال

**سيادة الرئيس** · #1 01/03/2009, 18h43

(( إن كان لك عند الكلب حاجه .. قول له يا سيدي ))

X

(( بدال ما اقول للكلب يا سيدي .. أقضي حاجتي بإيدي ))

**سيادة الرئيس** · #2 01/03/2009, 18h47

(( دلق القهوة خير ))

X

(( دلقوا القهوه من عماهم و قالوا خير الله جاهم ))

**سيادة الرئيس** · #3 01/03/2009, 19h16

(( من جاور السعيد يسعد ))

X

(( أبوك البصل و امك التوم .. منين لك الطيبه يا مشؤم ))

**سيادة الرئيس** · #4 01/03/2009, 19h20

(( البيت بيتك ))

X

(( أتابيك يا ضيف مانتش صاحب مَحَل ))

**ايهاب عامر** · #5 01/03/2009, 19h26

السلام عليكم ورحمه الله وبركاته
موضوعك رائع يا عم رائد
كنا قد فتحنا موسوعه للامثال الشعبيه فى فتره من الفترات هنا فى سماعى ولم يكتمل الموضوع
شوف يا غالى بعد اذنك طبعا لى وجهه نظر فى التضاد بين الامثال
انا ارى انه لا يوجد تضاد مطلقا بين الامثال المطروحه
حيث انه اهم ما يميز الامثال من سمات انها تكون ناتجه عن موقف ما
لذلك لابد من العوده الى الموقف الذى قيل فيه المثل لنحكم على هذا التضاد
مثلا هناك مثل عربى قديم يقول
قطعت جهيزه قول كل خطيب
له موقف قيل فيه -كان الدكتور انس البن قد ذكره بالتفصيل فى الموضوع المشار اليه سابقا -
برغم ان هناك من الامثال الكثير الذى يتحدث عن فراغه عقول بعض السيدات
طبعا انا لا اقر هذه الامثال
الا انه لا يوجد تضاد هنا فلكل حادث حديث
عموما يا غالى هذا مجر رأى شخصى
تقبل خالص تحياتى

**سيادة الرئيس** · #6 01/03/2009, 19h44

طبعا يا إيهاب التضاد بيكون في الموقف بعدين بيجي المثل

يعني تقدر تقول التضاد في الموقف إللي إتقال فيه المثل

و خد ده

(( إللي ربى أخيّر من اللي إشترى ))

X

(( شراية العبد و لا تربيته ))

**unicorn** · #7 01/03/2009, 22h17

يخلق من ظهر العالِم فاسد
x
ابوك البصل و امك التوم , تجيب الريحة الحلوة منين يا ولد الشوم
***********
اضرب ابنك و احسن ادبه , ما يموت الا ان فرغ اجله
x
ان كبر ابنك خاويه

**عفاف سليمان** · #8 01/03/2009, 22h56

مساء الخير على الجميع
مساء الجمال استاذنا رائد
جميله الامثال ولونى معرفش كتير
لكن خد عندك
اكفى القدره على فمها
تطلع البنت لامها
.......
من شابه اباه فما ظلم
العرق يمد لسابع جد
دا اللى فاكراه دلوقتى
اسعد الله اوقاتكم
اختكم عفاف

**صباح2015** · #9 01/03/2009, 22h58

السلام عليكم ورحمة الله وبركاته
أخى العزيز الأستاذ/ رائــــــد
هى كدة مواضيعك هايلة وجميلة
يسلم ايدك وعقلك
فيه أمثلة بتقول
- إن عشقت إعشق قمر وإن سرقت إسرق جمل
- الطمع يقل ماجمع
- حاسب قبل ما تناسب
- مراية الحب عامية
- خير تعمل شر تلقى
- أعمل خير وأرميه فى البحر
- الباب اللى يجى لك منه الريح سده وأستريح
- أكنس بيتك ورشه متعرفشى من ح يخوشه
والباقية تأتى
شكراً وتحياتى ،،،

**رائد عبد السلام** · #10 02/03/2009, 12h25

اقتباس:

المشاركة الأصلية كتبت بواسطة unicorn

يخلق من ظهر العالِم فاسد

x
ابوك البصل و امك التوم , تجيب الريحة الحلوة منين يا ولد الشوم
***********
اضرب ابنك و احسن ادبه , ما يموت الا ان فرغ اجله
x
ان كبر ابنك خاويه

كانت ناقصاك يا أبو اسكندر