أعمال من تنفيذ الفنان محمد الآلاتي

**رائد عبد السلام** · #1 03/01/2009, 06h28

اقتباس:

المشاركة الأصلية كتبت بواسطة محمد حمدان

ماشى يا استاذ محمد
يعنى انا مشاركتى بس هى اللى وقفت فى الزور
واخدتها جد اوى
وباقى الردود كلها هزار وضحك
هو انا ابن البطه السوده ولا ايه
ولا عشان انا لسه عضو جديد
مع انى باعتبرك (حمايتى)فى المنتدى
لانك اول واحد رديت عليا فى مشاركات
الصف التانى و الكومبارس فى كنوز السينما
بس معلش بكره ارجع مصروحتشوفو حاعمل ايه لو ما كنت اخد حقى على داير مليم(هزار)

وأنا متضامن معاك يا محمد يا حمدان ...
الراجل ده أصلا له ناس وناس
وبيكيل بخمسين مكيال
ولمّا تيجي مصر بإذن الله يا حمدان
تعالالي نروح له باسوس وناخد حقنا منه
هه ........بس ......ياللا

استلقي وعدك بقي ياعم الآلاتي
حناكل ......ونشرب ....ونسمع مزيكا عندك .......ببلاش

**محمد حمدان** · #2 03/01/2009, 06h46

اقتباس:

المشاركة الأصلية كتبت بواسطة رائد عبد السلام

وأنا متضامن معاك يا محمد يا حمدان ...

الراجل ده أصلا له ناس وناس
وبيكيل بخمسين مكيال
ولمّا تيجي مصر بإذن الله يا حمدان
تعالالي نروح له باسوس وناخد حقنا منه
هه ........بس ......ياللا

استلقي وعدك بقي ياعم الآلاتي

حناكل ......ونشرب ....ونسمع مزيكا عندك .......ببلاش

حبيب قلبى يا رائد الشعرا ا. رائد عبد السلام

ماشى كل كلامك وبعدها نطلع على بورسعيد
ناكل شوية سمك وبكلويز وخلول و نسمع سمسميه بورسعيديه اصليه و نبلبط فى الميه و الدعوه مفتوحه لكل الساده اعضاء سماعى الكرام بس بشرط
ان استاذنا محمد الالاتى يمتعنا بفنه الراقى الاصيل وحضرتك تمتعنا بشعرك الجميل
وكذلك جميع الساده المدعوين يشاركو حتى لو
بالتشجيع .

**رائد عبد السلام** · #3 03/01/2009, 07h21

اقتباس:

المشاركة الأصلية كتبت بواسطة محمد حمدان

حبيب قلبى يا رائد الشعرا ا. رائد عبد السلام

ماشى كل كلامك وبعدها نطلع على بورسعيد
ناكل شوية سمك وبكلويز وخلول و نسمع سمسميه بورسعيديه اصليه و نبلبط فى الميه و الدعوه مفتوحه لكل الساده اعضاء سماعى الكرام بس بشرط
ان استاذنا محمد الالاتى يمتعنا بفنه الراقى الاصيل وحضرتك تمتعنا بشعرك الجميل
وكذلك جميع الساده المدعوين يشاركو حتى لو
بالتشجيع .

بالمناسبة يا حمدان ياخويا ... هو البكلويز ده..حبوب واللا كبسول ؟؟

ربنا يجمعنا دايما في الخير ويجعله عامر يا حبيب سماعي
زي ما قال عمنا :
سمعجي

**محمد حمدان** · #4 03/01/2009, 08h26

اقتباس:

المشاركة الأصلية كتبت بواسطة رائد عبد السلام

بالمناسبة يا حمدان ياخويا ... هو البكلويز ده..حبوب واللا كبسول ؟؟

ربنا يجمعنا دايما في الخير ويجعله عامر يا حبيب سماعي
زي ما قال عمنا :
سمعجي

عمنا وشاعرنا الرائع أ . رائد

امال لو قالت لك حناكل
بكلويز
و
حناجل
و
سيبيا
حتقول ايه بقى؟؟؟؟؟؟؟؟؟؟

**محمد حمدان** · #5 03/01/2009, 13h21

اقتباس:

المشاركة الأصلية كتبت بواسطة محمد حمدان

عمنا وشاعرنا الرائع أ . رائد

امال لو قالت لك حناكل
بكلويز
و
حناجل
و
سيبيا
حتقول ايه بقى؟؟؟؟؟؟؟؟؟؟

وكمان شوية جوابى اخضر طازه

**رائد عبد السلام** · #6 03/01/2009, 14h00

اقتباس:

المشاركة الأصلية كتبت بواسطة محمد حمدان

وكمان شوية جوابى اخضر طازه

شوف ياحمدان ياخويا مسألة السمك دي عندنا في النيل
بقت زي اللي بيدور علي إبرة في كوم قش
ماهو النيل إتملا تلوث ومخلفات مصانع وأشياء أخري
...فما تعذبنيش الله يكرمك ....أنا ضعيف قدّام السمك
بلاش (تشويني ) بكلامك

**غواص النغم** · #7 03/01/2009, 15h39

حد قاللك
أغنية سنباطية رائعة التلحين والكلمات لعبد الوهاب محمد
دائما ما اشعر انها واغنية
بعيوني حاراعيه
لفايزة احمد
اغنيتين شقايق
ممكن لأن الأغنيتين لنفس الثنائي السنباطي وعبدالوهاب محمد
شكرا يا ابو حسام مرة اخرى على تذكيرنا بهذه الرائعة

**محمد حمدان** · #8 03/01/2009, 16h56

اقتباس:

المشاركة الأصلية كتبت بواسطة رائد عبد السلام

شوف ياحمدان ياخويا مسألة السمك دي عندنا في النيل
بقت زي اللي بيدور علي إبرة في كوم قش
ماهو النيل إتملا تلوث ومخلفات مصانع وأشياء أخري
...فما تعذبنيش الله يكرمك ....أنا ضعيف قدّام السمك
بلاش (تشويني ) بكلامك

شاعرنا الهمام أ. رائد
والله العظيم طول النهار عمال اضحك
على كلمة بكلويز ده حبوب ولا كبسولات

و الله عسل دمك احلى من العسل

ع السريع و قبل ماييجى الاستاذ محمد الالاتى
ويحذف مشاركاتى ويقول لنا انتو قلبتوها مطعم
سمك وحصة علوم و لا ايه

اولا البكلويز نوع من القواقع اكبر من ام الخلول ولونه اخضر قاتم يميل الى السواد
وهو عباره عن صدفه بداخله لحم وطبعا
يأكل اللحم الذى بداخله وهو لذيذ جدامع
سلطة الطحينه وياكل مسلوقا

ثانيا الحناجل وهو المعروف عندكم بالكابوريا
وكلمة حناجل لا يعرفها الا البورسعيديه
الاصليين فقط وافضل الانواع هى الكابوريا
الحجرى خاصه الاناث منها حيث تكون مبطرخه
اى بداخلها بطارخاو ما تطلقون عليه كافيار
اما الذكور فتأكل للحم فقط ويأكل مشويا

ثالثا السيبيا او ما تطلقون عليه السبيط او الحبار
وهو حيوان بحرى ابيض اللون يشبه الاخطبوط
حيث ان له اطراف كثيره ويأكل مقلى او محشى يعرف ايضا بالكاليمارى

رابعا الجوابى وهو نوع من الشبار او البلطى
الصغير الحجم يتواجد فى شهرى ابريل ومايو
وهى فترة التكاثر لذا يتم صيده و هو مبطرخ
اى بدلخله كميه من البطارخ او الكافيارو ياكل
مشويا فقط

ارجوا ان تعجبكم هذه الاصناف فهى فى انتظاركم باذن الله تعالى

**سمعجى** · #9 03/01/2009, 06h49

معرفة الرِجال كنوز ..........
تكـَمِّل إنتَ و لا أكمل انا ؟!

**محمد حمدان** · #10 03/01/2009, 07h02

اقتباس:

المشاركة الأصلية كتبت بواسطة سمعجى

معرفة الرِجال كنوز ..........
تكـَمِّل إنتَ و لا أكمل انا ؟!

استاذى الاستاذ كمال
العبقرى التائه
واسمح لى بهذا اللقب
ان لم يكون به شطط او ضيق بالنسبه لشخصكم الكريم
انت اثمن الكنوز وانفسها
لذا فأنت وضع خاص وخاص جدا
وليتك تتعطف علينا بالزياره الكريمه المنتظره
ان شاء الله